Ditẹrọnọmị 20:10 - FỊAFỊA BAỊBỤLỤ

¹⁰ Ọ́ sọma mu gbọrụ opu ama kpeki tẹ owu kẹ anị paka ḅarị sakị, ó dein pakama ḅarị akiri kẹ anị pịrịị.

Ditẹrọnọmị 20:10 Iomraidhean Croise

Ayịzaya 57:19

À dein kẹ kịnị mamgba kpeki wararị apụ na ḅele wararị apụ na pịrị ḅa! Àrị ì atomi gwọ ḅa.

Zẹkaraya 9:10

KỊNỊNYANAḄỌ ḅe ḅẹẹarị, “Izirẹlị ḅụ à kirimẹnjị-ọmụarụ ma sakị-siin ḅa tẹ ọmụgbin asụ ma ọkị so ḅa Jeruselemu ḅụ; àrị ọmụgbin iboli ma guluguluma ḅa; Ị́ amadaḅọ ḅe dein mịẹ ḅa sịẹ-sịẹ ma ogboku; gbọrụ abajị ḅụ ọkị mu osi abajị la ḅụ ịkọlị ma la ḅụ.”

Fịrịmẹnjịapụ 10:36

Tamụnọ kẹ Izirẹlịapụ fịrịma oku mẹ, tẹ Jizọsị Kịrayịsị, kịnị mamgba Nyanaḅọ ḅe ḅụ ḅọrọ tẹ ḍuko wasamarị dein Iḅi-Oku mẹ, ọ́ paa nimi tẹẹ.

2 Kọrịntị 5:18

Mie-mẹmgba Tamụnọ kọrịnama. Kịrayịsị ḅụ ḅọrọ tẹ wamịnị si kẹ ọ̀ tọn apụ ḅụ wa ḍima ḅo ori ikiapụ sọma, Tamụnọ ḅe mie mị fịrị mẹ kẹ wa pịrị ye wa mẹnjịị, tẹ ja apụ mịẹtẹ ini sọ ḅo ori ikiapụ sọ.

Ẹfisọsị 2:17

Mie ḅụ Kịrayịsị ḅo tẹ dein Iḅi Oku mẹ ḍuko kịnị mamgba pịrịm-o ḍuko ọmịnị Ja asịẹ ḅẹ apụ tẹ Tamụnọ ḅụ ḅele fa sime apụ ma pịrị, pịkị ḍuko Juu-ḅẹ-apụ tẹ ó kpeki sime apụ pịrịị.

Ditẹrọnọmị 2:26

Anieḅụ à nwẹnị Kẹdẹmoti ḅẹ ịkpa mẹ ḅio ḅụ dein ẹkwẹn-aḅịḅị kẹ oku-mẹnjịapụ kẹ Siyọnị, Ẹsịbọnị ḅẹ amadaḅọ ḅe fịrịma tẹ ḅẹẹ:

Ditẹrọnọmị 20:11

Anịsakị dein anie anị ḅẹ pakịrị ḅịḅị tẹ ịn kẹ ọ́ pịrị ye, tẹ ḅọkọ finji ọ́ pịrị, pịrị, anịrẹ tomi tẹ ọmịnị anị ḅio ḍọkị-ẹrị apụ mamgba kụrọ kọrịnama kọrị tẹ fịrịmẹnjị ọ́ pịrị ḅa.

Ditẹrọnọmị 20:9

Fịrịmẹnjị-opuapụ ma ẹkwẹn mẹ kọn tomi ma pịrị kunoma tẹso, kụma, anịsakị rẹ ịn tomi ma kẹ sịḅịda ḅẹ ḅẹrẹtọn-apụ tọn ḅa.

Ḅẹrẹkọn-apụ 11:12

Anịtẹso Jẹfụta nwẹnị oku-mẹnjịapụ kẹ Amọnị ḅẹ apụ ma amadaḅọ ḅe fịrịma tẹ ḅẹẹ, “Àrị ị́nịna tọ ịgbanịya nyana tẹ ị́ ị̀ ḍọkụma-ḅo tẹ ị̀ ama na owu sọ ḅẹ?”

Ḅẹrẹkọn-apụ 21:13

Anịtẹso bebe tomina-ogbo mẹ nwẹnị ḅịḅị kẹ Benijamịnị furo-ḅẹ-apụ ma tẹ Rimọnị ḅẹ ịkụ mẹ ḅụ sime apụ ma fịrịma, tẹ dein paka tẹ mẹ ḍuko finji ịn pịrị.