Ditẹrọnọmị 20:1 - FỊAFỊA BAỊBỤLỤ

¹ Ọmịnị ọmịnị na fịya-a apụ na ọmụgbin ḅẹ sakị, tẹ ọ́ tọnwa asụ na, kirimẹnjị-ọmụarụ na, ḍụḅa ọ́ soku-ḅẹ ọmụ-ogbo nẹngị ọmụ-ogbo na ẹrị-ẹrị, ọmịnị in ḍiki ḅalafaa ma; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịnị na emi, oriḅe tẹ Ijiputi ama mẹ ḅụ ó ḍikiḍiki pakama-ḅo ḅọ ḅe.

Ditẹrọnọmị 20:1 Iomraidhean Croise

Suku-saakị 26:3

Igoni mẹ kẹ mị ama mẹ bịan, anịsakị arị ị́ na sime ḅa, tẹ í boma ḅa, kẹ gotẹ ọkọ ḅẹẹarị, mịna ama mamgba à kẹ ị́yẹrị na, í furo-ḅẹ-apụ na pịrị ḅa, anịsakị à ye karị ḅara kẹ minini ị́ ḍa Ebira-amụ pịrị ye mẹ à nwẹn mịẹ ḅa.

2 Paka-aị 14:10

Asa nwẹnị paka ori na bịama ḅẹ mu, tẹ ịn nwẹnị Marẹsa akaka ḅụ simearị Zẹfata ḅẹ tụndụ ogboku ḅụ owu ọgbụrụ-sụn.

2 Paka-aị 14:11

Asa nwẹnị owu KỊNỊNYANAḄỌ ọ̀ Tamụnọ ḅe pịrị, “Yei KỊNỊNYANAḄỌ kụrọ nyana opuḅọ ḅe na, ịnyọ nyana-a ḅọ ḅe na ogboku ḅụ, ḅarasụa ḅụ í pembe ḅọ ofori. Ḅarasụa wa pịrịị, Yei KỊNỊNYANAḄỌ wamịna Tamụnọ, kẹ gotẹ ọkọ ḅẹẹarị, í ḅụụ ḅụ wa sịrẹrẹ wararị, anịsakị ị́ ẹrẹ ḅụ mie wa ḅo mị tomina-ogbo mẹ na owu sọ ḅẹ ḅo yee. Yei KỊNỊNYANAḄỌ, ị́yẹrị ḅe anie wamịna Tamụnọ; ḍụkụ tẹ tomḅọ í nẹngịma ma.”

2 Paka-aị 20:12

Yei wamịna Tamụnọ, ị́ ḅẹrẹ-pẹlẹ ịna ọgọnọ gbana ḅịa mọ? Kẹ gotẹ ọkọ ḅẹẹarị, wa kụrọ-a kẹ wamịnị na owu sọ ḅẹ ḅoarị gburo-gburotẹ tomina-ogbo mẹ na owu sọ. Wa mịẹ ḅarịye wa nimi-a, kụma wamịna atọrụngbọ ma ị́ ọgọnọ emi.”

2 Paka-aị 20:15

Tẹ ọ̀ nwẹnị ḅẹẹ, “Amadaḅọ Jehosafatị na, Juda mẹmgba na, Jeruselemu ḅụ angarị apụ na ọ́ naa: mịẹ KỊNỊNYANAḄỌ ḅe kẹ ọ́ ḅẹẹ ḅara, ‘ọ́ ḅalafa ma, tẹ mị gburo-gburotẹ tomina-ogbo mẹ ḅụ ḅụụ tukutuku ma; kẹ gotẹ ọkọ ḅẹẹarị, owu mẹ sime ọ́ pịrị-a kụma Tamụnọ nye.

Devidi-Anume 118:6

KỊNỊNYANAḄỌ ḅe ị̀ na emi, à ḅalafa ḅịa; tụḅọ inetẹ tiye kẹ ị̀ mịẹ ḅẹ?

Devidi-Anume 20:7

Japụ ḅioḅẹngbọ kẹ ịna akirimẹnjị-ọmụarụ ọgọnọ gbanarị, tẹ jen-apụ ịna asụ ma ọgọnọ, kụma wamịnị KỊNỊNYANAḄỌ, wamịna Tamụnọ ḅe kụrọ mie wamịna ḅiokpọ.

Devidi-Anume 23:4

KỊNỊNYANAḄỌ, tụkụmaye à fị ḅalafama ḅara kẹ ḅalafamarị ḅụụ-fụka ḅio sọ ḅẹsọ, à ḅalafa ḅịa, gbala ị́yẹrị ị̀nịna emi ẹrẹsị. Ị́ anana-fomuye mẹ na mkpara mẹ na ḅiokpọ na kpaịn-sakị kẹ ị̀ pịrịarị.

Devidi-Anume 46:11

Kụrọmamgba nyana KỊNỊNYANAḄỌ ḅe wamịnị na emi; Jekọbụ Tamụnọ ḅe anie wamịna ḅụụ-ḅọị-yọ.

Devidi-Anume 46:7

Kụrọ mamgba nyana KỊNỊNYANAḄỌ ḅe wamịnị na emi; Jekọbụ Tamụnọ ḅe anie wamịna ḅụụ-ḅọị-yọ.

Devidi-Anume 46:8

Ọ̀ paa ḅo KỊNỊNYANAḄỌ ḅe kọrị tẹ ye mẹ ẹrị. Ọmịnị ọ̀ mịẹ tẹ ḅalafama ḅụụ-buama-aị ma ẹrị tomikiri mẹ ḅụ.

Paka-so 20:2

Yẹrị anie KỊNỊNYANAḄỌ ọmịna Tamụnọ ḅee, tẹ Ijiputi ḅẹ ama mẹ ḅio ọ́ pakama-ḅo ḅọ ḅee, ọmịnị omoni-sọ anga mẹ ḅio.

Ayịzaya 31:1

Ḅarasụa gotẹ Ijiputi muarị apụ ma ịn fa tẹ! Ijiputi nyana wararị ḅakatẹ ọmụgbin aị ma ḅụ mie ịn sịrẹrẹarị — asụ ma na, kirimẹnjị-ọmụarụ ma na, ọmụapụ na, kụma ịn KỊNỊNYANAḄỌ ḅe ḅụ sịrẹrẹ-a, Izirẹlị tẹkẹarị Fịafịa Ḅọ ḅe, anịanịa ọ̀ ḅara ḅarasụa ḅii.

Ayịzaya 41:10

Ḅalafa ma — àrị ị́nịna emii! Yẹrị ị́ Tamụnọọ, ḍụkụ tẹ gberie-sọ ị́ tẹmẹ-naịn-naịnma ma! Àrị ị́ mịẹ tẹ ị́ kụrọ ḅa, pịkị ḅarasụa ị́ pịrị ḅa Àrị ị́ gbaịn tẹ ị́ ḅọrọma ḅa.

Ayịzaya 43:2

Í owolo minji ḅio ḅọrọarị sakị, arị ị́ na sime ḅa; ị́ ḅụụ-fụka í ḅilema fama ḅịa. Ị́ kọrị-fịnị ḅio tolu-ḅọrọarị sakị, ị́ dọkị ḅịa; ḅo ị́ laarị kụrọtẹ daaḍiki ma ye kẹ ị́ lama ḅịa.

Ayịzaya 7:14

Ọkọ ḅẹḅẹ iḅim, KỊNỊNYANAḄỌ ḅe ḅioju ḅarana elekima kẹ í ḍie ḅa; iriawọ-tụḅọ tẹ fura wararị ḅọ ma owiḅọtụḅọ iyi tẹ Ịmanụwẹlị kẹ ọ̀ sịn ḅa.

Jerimaya 16:14

KỊNỊNYANAḄỌ ḅe mẹẹ, “Sakị mẹ ḅoarị, kịnị ḅarị jen kẹ ị̀ ḅụụ ḅụ ye karị ḅịa sakị mẹ, anie ḍumo wararị Tamụnọ ḅe tẹ Izirẹlịapụ ma pakama-ḅo ḅọ ḅe Ijiputi amakiri ḅụ.

Zẹkaraya 10:5

Juda ḅẹ apụ ma owu-ḅara-iḅiapụ sọ ḅa, ọmụapụ tẹ si kẹ ịn tọn apụ nanga suu ḅara pembe ḅara etela ma ḅụ. Ini owu-sọ ḅa KỊNỊNYANAḄỌ ḅe ini na emi ẹrẹsị, tẹ si kẹ ịn tọn apụ ma ḅẹ asụ kẹ ọmụ gbin-arị apụ ma sọ nẹngịma ḅa.

Kịẹn-aḅịḅị 10:9

Ọmịnị ọmịna ama ḅio mu ọmịnị na fịya-a ọmụapụ tẹ ó ponomarị apụ ma na ọmụgbin ḅarị sakị mẹ ḅụ, ọ́ ḅẹrẹ paka tẹ ḅara mẹ kẹ ọdụ ma ofuro ḅa, mịẹtẹ KỊNỊNYANAḄỌ ọmịna Tamụnọ ḅe tọrọkọ ini ọ́ kẹ ḅiokoroma ḅarị ḅara, anịsakị ini ọmịnị na fịya-a apụ ma ḅara ḅio ọ́ ḅọrọma ḅa.

Kịẹn-aḅịḅị 23:21

Jekọbụ ḅụụ amụ ò si-fụḅara ẹrị-a; Izirẹlị ḅụ amụ ọ̀ ḅụụ-fụka ẹrị-a. KỊNỊNYANAḄỌ ịna Tamụnọ ḅe ori ini na emii anịsakị amadaḅọ oloku pọkọ mẹ ịna ogbo-ḅio emii

Romu 8:31

Ma mamgba ḅụ wa tiye ḍuko ḅẹ? Tamụnọ wamịnị na emi ogbo tụḅọ inetẹ wamịnị na tụḅụrụ ḅẹ?

Ditẹrọnọmị 1:29

Anịtẹso, à nwẹnị ọ́ ḅẹẹ: Ọmịnị opu ḅalafa nyana, anịanịa in ḍiki-ḅalafa ma.

Ditẹrọnọmị 2:7

Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna aḅara ḅẹ kọrịnama mamgba ḅụ ó boma tẹ, ọ́ mị gburo-gburotẹ ịkpa mẹ mẹnjị-toluḅọrọarị ye mẹ ò nimim; mịna akụra amesi ma ḅụ KỊNỊNYANAḄỌ ọmịna Tamụnọ ḅe ọmịnị na simem, ó ḅii tẹ ọ́ nyana-a gberie-sọ ofori.

Ditẹrọnọmị 20:2

Tẹ ọ́ sọma-mu owu mẹ kpeki sakị, agbamịẹapụ ma mẹnjị tọrọkọ ḅọ tẹ ẹkwẹn tomi ma pịrị ḅa,

Ditẹrọnọmị 20:3

tẹ ịn ḅẹẹ ḅa: Ọ́ naa yei Izirẹlị, ọmịnị ọmịnị na fịya-a apụ na owu-sọ ḅẹ sọma kpeki ḅo tẹ mịmgba; yee ọmịna ḅioḅẹngbọ ḅịkịma; siye ḅo ọ́ la ḅẹ kuroma anịanịa oju sẹkị, anịanịa opu ḅalafa nyana ịn pịrị ma.

Ditẹrọnọmị 31:6

Iḅi ḅiokpọ ḅụ ọ́ kụrọ sịẹsime, ó siye ḅụụ la ḅẹ kuroma, anịanịa opu ḅalafa nyana ma ịna aḅụụ; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe mie ọmịnị na muarị ye; ori ó pikirima, anịanịa ọ́ sịkị ḅịa.”

Ditẹrọnọmị 31:8

KỊNỊNYANAḄỌ ḅe mie tọrọkọ tarị ị́ pịrị wararị ḅọ. Ori ị́nịna sime ḅa; ori í pikirima, anịanịa ị́ sịkị ḅịa; siye ị́ ḅụụ la ḅẹ kuroma, anịanịa ekpe tukutuku nyana ma.”

Ditẹrọnọmị 7:1

KỊNỊNYANAḄỌ ọmịna Tamụnọ ḅe ọmịnị ọkị-ḅo tẹ ama mẹ tẹ ọ́ sọ-mu anị ọkị nyana ḅẹ muarị ama mẹ ḅio suu, tẹ ọmịna tọrọkọ tọnwa opu asịẹ, Itayịti apụ ma na, Gagasayịtị apụ ma na, Amọrayịtị apụ ma na, Kenanị ḅẹ apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na, gburo-gburotẹ, kụrọ nyana ọ́ nẹngị-nẹngịtẹ sọnọma opu asịẹ ọfịn sin sakị.

Ditẹrọnọmị 7:18

Ọmịnị ịn ḍiki-ḅalafa ma; kụma ọ́ KỊNỊNYANAḄỌ ọmịna Tamụnọ ḅe kẹ Fero na, Ijiputi mamgba na mịẹ ye kẹ ḅiokoroma ḅa.

Ditẹrọnọmị 7:21

Ọmịnị ịn ḍiki-ḅalafa ma, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna ogbo-ḅio emi, gburo-gburotẹ tẹmẹ-naịn-naịnmarị Tamụnọ.

Ditẹrọnọmị 9:3

Anịẹrẹsị mịmgba ó nimi mịnẹ oriḅe tẹ ọmịna tọrọkọ tarị ye guluguluma kọrị fịnị ḅara kẹ saḅa ḅọ ḅe anie KỊNỊNYANAḄỌ ọmịna Tamụnọ ḅe; ori ịn ḅaa ḅa, tẹ mịẹtẹ ịn sịḅị-tuu ḅa ọmịna tọrọkọ, anieḅụ ọmịnị in dee pakama ḅa, tẹ mịẹtẹ ịn fọnya fịị fa ḅa, KỊNỊNYANAḄỌ ḅe kẹ wẹrịtẹ ọ́ karịma tẹ ḅara.

Jọsụwa 1:5

À wẹrịtẹ Mozizi na sime-ḅara mie arị ị́nịna sime ḅarị ḅara, ị́ ḍumo-ene mamgba ḅụ; inetẹ ị́ tọrọkọ sịẹ ḅẹ ḅọ ofori; arị í pikirima ḅịa, anịanịa ị́ sịkị.

Jọsụwa 1:9

À tẹmẹ la ḅara kẹ ẹkwẹn ị́ pịrị tẹẹ — iḅi ḅiokpọ nyana tẹ kụrọ sịẹẹ; ḅalafa nyana ma, anịanịa ḅio tukutuku; kẹ gotẹ ọkọ ḅẹẹarị, KỊNỊNYANAḄỌ ị́ Tamụnọ ḅe í mu anga, mu anga ḅụ ị́nịna emi ẹrẹsị.”

Jọsụwa 11:9

KỊNỊNYANAḄỌ ḅe kẹ Jọsụwa ḅẹẹ ḅara mie ọ̀ mịẹ ḅara, ọ̀ ḅụọ-kụkụ ḅụ ịna asụ ma ọḅụjụ ḅẹ aḅụọ ma pẹlẹm, tẹ fịnị kẹ ịna kirimẹnjị-ọmụarụ ma dọkịmam.

Ḅẹrẹkọn-apụ 6:12

KỊNỊNYANAḄỌ ḅe enjẹlị ḅe nwẹnị ḅụụ pakama ò ḍie tẹ ọ̀ ḅẹẹ, “KỊNỊNYANAḄỌ ḅe í ịna emii, ị́yẹrị ḅiokpọtẹ ọmụgbin ḅara-ḅaatẹ opu tomḅọ.”

Ḅẹrẹkọn-apụ 6:16

KỊNỊNYANAḄỌ ḅe nwẹnị ọ̀ ḅẹẹ, “Àrị ị́nịna sime ḅa, anịsakị gbọrụ tomḅọ ḅaa ḅara ị́ nwẹn kẹ Midiyanị ḅẹ apụ ma ḅaa ḅa.”

1 Samụẹlị 17:32

Devidi nwẹnị Sọlụ ḅẹẹ, “yee gbọrụ tomḅọ ḅioḅẹngbọ sọ ò gotẹ pikiri ma, ị́ fịrịmẹnjịḅọ mu ḅị Filisiteniḅọ ḅe na owu sọ ḅa.”