Ditẹrọnọmị 2:5 - FỊAFỊA BAỊBỤLỤ

⁵ ọmịnị ini na ye kẹ ịgbanịya ma; kẹ gotẹ ọkọ ḅẹẹarị, ịna ama ḅụ à kẹ ọ́ pịrị ḅẹ kpọkpọ gberie-sọ ofori, ḅụọ-kuḅu kẹ sịẹma tẹ mẹnjị ḅẹ anga sọ, gbala Seya Tụndụ mẹ à kẹ Ịsọ anị nyana ḅẹ ḅara kẹ ọ̀ pịrị tẹ ẹrẹsị.

Ditẹrọnọmị 2:5 Iomraidhean Croise

Suku-saakị 36:8

Mie ḅụ Ịsọ mu Seya tụndụ ọgọnọ ḅẹ opu sịẹ mẹ ḅio angam; Ịsọ anie Idọmụ.

Suku-saakị 36:9

Mịna apụ ma anie Ịsọ furo-ḅẹ-apụ ma, Idọmụ furo-ḅẹ-apụ ma ḍaḅọ ḅe Seya tụndụ ọgọnọ ḅẹ opu sịẹ mẹ ḅio.

Jerimaya 27:5

“Ì opu kụrọ na ịnyọ na ḅụ, à tomikiri mẹ tẹmẹm, tomi na nama amẹẹ na tẹ tomikiri angarị aị mamgba na sọ; tẹ yẹrị sẹlẹ pakama-ḅo ḅọ goyegoye mie à kẹ pịrịarị.

Izikẹlị 35:2

Ori mẹẹ: Fịị-fịị tomḅọ, Idọmụ bebe amakiri mẹ si ḍuko-pakama.

Danẹlị 4:25

Ini í dee-pakama ḅa tomi ogboku ḅụ, tẹ í piri-ḅio-ḅẹ anama na anga ḅa. Ị́ sọnọma kụra kẹ nambulo osuka fị ḅara kẹ osuka fị ḅa, tẹ etela-ogbo mono ḅa, igirigi mẹ ị́ ọgọnọ sịra ḅarị anga. Anịsakị í minini ḅa mịnẹ, Kụrọmamgba-Nyana Tamụnọ ḅe tomina asịẹ ma ḅụ kụrọ nyana wararị tẹ ọ̀ pịkị inetẹ arị kẹ ọ̀ sẹlẹ-ọkịḅọ-ọkịḅọ pịrị ḅa.

Danẹlị 4:32

In í dee-pakama ḅa tomi ogboku ḅụ, tẹ í piri-ḅio-ḅẹ anama na anga ḅa, tẹ sọnọma akụra kẹ nambulo osuka fị ḅara kẹ osuka fị ḅa. Anịsakị í minini ḅa mịnẹ, Kụrọmamgba-Nyana Tamụnọ ḅe tomina asịẹ ma ḅụ kụrọ nyana wararị tẹ ọ̀ pịkị inetẹ arị kẹ ọ̀ sẹlẹ-ọkịḅọ-ọkịḅọ pịrị ḅa.”

Fịrịmẹnjịapụ 17:26

Kpọkpọ gbọrụ tomḅọ ḅụ mie ọ̀ saakị tomi kịrị-kịrị ma tẹmẹ tẹ ịn wasama bebe tomikiri mẹ anga ḅinma ye. Tomi ḍumo mu la ḅẹ sakị na ini anga mu daasịẹ ḅẹ oke na ọ̀ tarị nwẹn tọn koromam.

Fịrịmẹnjịapụ 7:5

Anị sakị ḅụ ama mẹ ḅẹ gbọrụ pakịrị sọ Tamụnọ amụ kẹ Ebira-amụ pịrị tẹ anị ò nye sọ-a, gbọrụ ḅụọ nangwọ kịngẹ sọ ò nye-a. Kụma Tamụnọ minini ọ̀ pịrịm anị ori na ò furo-ḅẹ-apụ na nye sọ ḅa. Tamụnọ miemẹ minini sakị Ebira-amụ amụ ori awọ iyi-a.

Ditẹrọnọmị 2:22

ọ̀ wẹrịtẹ mịẹ Ịsọ owiapụ-awọmẹ ma tẹ Seya ḅụ sime apụ ma pịrị ḅara, ori ịna tọrọkọ ịn kẹ Horayịtị sịn apụ ma ḅaa tẹ ịna ḅara ḅụ anị ọkị tẹ ịna sime kiri ḅụ sime ḅo mịmgba mẹ sọ la ḅara.

Ditẹrọnọmị 2:6

Mịẹtẹ ó fịye fị ḅụ ọmịnị igbigi kẹ ịna ḅara fịye fẹ ḅa, mịẹtẹ ó minji ḅuu ḅụ ọmịnị igbigi kẹ ịna ḅara minji sọ fẹ ḅa.

Ditẹrọnọmị 32:8

Geletẹịn Ḅọ ḅe ịna sime-anga kẹ opu asịẹ ma pịrị sakị ò tomina owiapụ-awọmẹ ma ḅelema sakị, Tamụnọ owiapụ-awọmẹ ma kịẹn-ḅịḅị ḅụ ò tomi-kụlọkụlọ ma oke ma mie koromam.

Jọsụwa 24:4

tẹ Jekọbụ na, Ịsọ na kẹ Ayịzịkị pịrịm. À nwẹnị Seya tụndụ ọgọnọ ḅẹ opu sịẹ mẹ kẹ Ịsọ pịrị nyana, kụma Jekọbụ na ori awọmẹ na ideri Ijiputi mum.