Ditẹrọnọmị 2:25 - FỊAFỊA BAỊBỤLỤ

²⁵ Mịmgba mẹ ḅụ à saakị tomi ma tẹ bebe so mẹ suku-ḅio simearị apụ ma ọgọnọ opu ḅara kẹ ó ḍiki-ḅalafa na, siye tẹ ḅo ịn la ḅẹ ye ḅẹ kuroma na kẹ suu ḅa inima tẹ ó gbolomaye naa ḅarị apụ ḅụ, anịsakị ini ó gotẹ ḅalafa ḅụ sẹkịma tẹ opu akụ ḅụ sime ḅa.

Ditẹrọnọmị 2:25 Iomraidhean Croise

Suku-saakị 35:5

Ịn mẹnjị ma-muarị ḅara ḅụ, Tamụnọ kẹ fịrịma tẹmẹ-naịn-naịn nwẹnị ḅo opu ama ma tẹ ini ikelema-koro wararị ama ma gbaịn, anie mịẹtẹ ịn Jekọbụ owiapụ-awọmẹ ma ḍuka-a.

1 Paka-aị 14:17

Devidi ereso nwẹnị mu ama mamgba la, tẹ KỊNỊNYANAḄỌ ḅe nwẹnị Devidi ḍiki-ḅalafa mẹ kẹ ḅo sịẹ-sịẹ mamgba ọgọnọ gbana.

Devidi-Anume 105:38

Ijiputi-ḅẹ-apụ ma in gotẹ ḅalafaam, tẹ ḅioḅẹlẹ mẹ in so sakị.

Paka-so 23:27

“Tomi mamgba tẹ ó ḅo la tẹ da-paka ḅarị apụ ma à tarị ọmịna tọrọkọ ị̀ tẹmẹ-naịn-naịn kẹ ịn fịrịma tẹ ịn kẹ ḅịḅị-kẹ-ogbosọ-a ḅio gbin suu ḅa, anịsakị à mịẹtẹ ọmịnị na fịya-a apụ mangị ḅụ ịna oḅukulo kẹ ọ́ da ḅa.

Jerimaya 33:9

Jeruselemu ḅo ḍereku dogi-ḅoarị yọ na kụn kẹ ḅụụ-tọn-arị yọ na sọ ị́ pịrị ḅa; tomikiri mẹ ḅio sịẹ goyegoye ḅalafa tẹ oju-sẹkị ḅa ini à mịẹ Jeruselemu pịrịarị iḅi aị ma na àrị ọkị-ḅo opu ama mẹ pịrịarị lọkọlọkọ na gboloma ye naa sakị.”

Kịẹn-aḅịḅị 22:3

Tẹ Mohabụ nwẹnị tomi ma ḅụ ḅẹ gburo-gburotẹ opu ḅalafa ḅụ sọ gbala tomi ma kịẹn-ḅịḅị ḅụ ḅakam ẹrẹsị. Izirẹlịapụ ma ḍiki-ḅalafa Mohabụ gbaịnm.

Ditẹrọnọmị 11:25

Inetẹ ọmịna kuḅu daasịẹ ḅẹ gbọrụ owiḅọ sọ ofori KỊNỊNYANAḄỌ ọmịna Tamụnọ ḅe ó ḍiki-ḅalafa mẹ na, ọmịna aḅụụ opu ḅalafa nyana mẹ na kẹ ọ́ mẹnjị-ḅọrọ ḅarị ama mamgba ọgọnọ gbana ḅa ọ̀ wẹrịtẹ kẹ ọ́ karịma ḅara.

Ditẹrọnọmị 28:10

Anịsakị tomikiri ḅụ simearị tomi-kụlọkụlọ mamgba ẹrị ḅa mịnẹ KỊNỊNYANAḄỌ ḅe ẹrẹ mẹ ḅụ ini ọ́ sịnm, tẹ ó ḍiki-ḅalafaa ḅa.

Jọsụwa 10:2

ọ̀ nwẹnị gburo-gburo ḅara kẹ ḅalafa lama, gbala Gibiyọnị anie gburo-gburotẹ opu ama, tẹ amadaḅọ nyana opu ama ma pembe opu ama, tẹ ḍụḅa Ayị nẹngị wararị, anịsakị anịḅẹ owiapụ mamgba ịnyọ nyana opu atomi famam.

Jọsụwa 9:24

Ịn nwẹnị Jọsụwa pakịrị, “Anị kẹ gotẹ ọkọ mịẹ ye, piki-pikiye-ofori ḅara ḅụ ini anị ḍuko ị́ afịrịmẹnjịapụ pịrịm, mịnẹ, KỊNỊNYANAḄỌ ị́ Tamụnọ ḅe tọn ọ̀ fịrịmẹnjịḅọ Mozizi pịrịm ò bebe ama mẹ kẹ ọ́ piri, tẹ ọmịna tọrọkọ simearị ama mẹ ḅio sime apụ mamgba ḅaa fama; anieḅụ wa nwẹnị wamịna aḍumo gotẹ gburo-gburo ḅara kẹ ó gotẹ ḅalafa lama tẹ miemẹ mịẹm.

Mịẹfinji 3:9

Ị̀ Pokii! Anị sime Ekwesu pịrị ogbo mẹ kụma, iruo apụ ma, tẹ Juu-ḅẹ-apụ-a tẹ amịna ḅụụ kẹ Juu-ḅẹ-apụ sịn-arị apụ ma, à mịẹtẹ in ḅo ị́ aḅụọ-suku kparakị ḅa. Tẹ inimgba nimi ḅa mịnẹ àrị ị́ ḅẹlẹmarị.