Ditẹrọnọmị 19:8 - FỊAFỊA BAỊBỤLỤ

⁸ Anịsakị KỊNỊNYANAḄỌ ọmịna Tamụnọ ḅe ọ̀ wẹrịtẹ ye karị ḅara kẹ minini ọmịna aḍapụ pịrị ḅara ọmịna agara mịẹ ḍụḅama, tẹ ama mẹ tẹ ọ̀ kẹ ọmịna aḍapụ pịrị ḅẹ karịma ama mamgba kẹ ọ́ pịrị-pịrị,

Ditẹrọnọmị 19:8 Iomraidhean Croise

Suku-saakị 28:14

anịsakị í furo-ḅẹ-apụ kiri-ḅio ḅẹ fọọn mẹ ḅin ḅara ḅin ḅa, tẹ í wasama mu ịrụa-ideriarị-anga mẹ na, ịrụa-saakịarị-anga mẹ na, ọgọnọ-jụ mẹ na, suku-jụ mẹ na ḅụ sara ḅa; anịsakị ị́ ḅụụ ḅụ mie tomikiri mẹ ḅẹ afuro mamgba boma nyana ḅarị ye.

1 Amadapụ 4:21

Sọlọmọnị ama-da kụrọ mẹ sịẹ mamgba anị ḅio emii Yuferetisi Tọrụ mẹ ḅụ ọkị mu Filisiteni laa, saakị mu Ijiputi ama anga mẹmgba laa. Ò ḍumo mẹmgba ḅụ ini ama-oso-igbigi kẹ ọ̀ gbẹm tẹ pịkị ò suku-ḅio simem.

Ẹzịra 4:20

Gburo-gburotẹ opu amadapụ Jeruselemu ḅụ ama-da tẹẹ, tẹ pịkị Opu Tọrụ mẹ akaka simearị ama ma da, nwẹnị pịkị ịna aḅara sịẹ kẹ jen sịẹ gbẹẹarị igbigi na, fịrịma-ḅo ngọ sịḅị ḅẹ igbigi na, opu etela ḅụ mẹnjị-ḅọrọ gbẹẹ-gbẹẹ igbigi na daa-ọkịm.

Paka-so 23:31

Anịsakị àrị ọmịna oke pakama ḅa Awụ Tọrụ mẹ ḅụ saakị mu Filisiteniapụ ma la, pịkị Ịkpa mẹ ḅụ saakị mu Yuferetisi la; gbala àrị ama mẹ ḅio angarị apụ ma ḅọrọma ọmịna ḅara-ḅio suu ḅa, tẹ ọmịnị ọmịna tọrọkọ ḅụ ịn dee-pakama ḅa ẹrẹsị.

Paka-so 34:24

Kẹ gotẹ ọkọ ḅẹẹarị, àrị ọmịna tọrọkọ opu asịẹ wakị-wakị nguma ḅa, tẹ ọmịna agara ma mịẹ-mịẹ ḍụḅama ḅa; kụra mẹ ḅụ ọ́ tẹra asakị tẹra asakị kẹ iwo-iwo ị̀ tọrọkọ tolu pakarị sakị, gbọrụ tomḅọ sọ ọmịna ama ọkị ḅẹ ḅii ḅịa.”

Ditẹrọnọmị 12:20

KỊNỊNYANAḄỌ ọmịna ye-yọ mẹ mịẹ ḍụḅama sakị, ọ́ nama pẹị ḅẹ ḅiiarị ẹrẹsị ọ́ ḅẹẹm: à nama pẹị ḅa ḅẹẹ kụma, ọmịnị inetẹ ó ḅii ḅara, ḅii ḅara kẹ nama pẹị ḅa.

Ditẹrọnọmị 19:7

Anịẹrẹsị à tọn ọ́ pịrịm, ọ́ tẹra opu ama sikima koroma ḅa.