Ditẹrọnọmị 19:4 - FỊAFỊA BAỊBỤLỤ

⁴ Miemẹ anie sime ḅiotọn-a ḅara kẹ kịnị-ḅaḅọ ḅe pịrị ḅụụ-wẹrịma ye, oriḅe tẹ ḍumo-mangị kọn anịjụ mu ḅụ inetẹ ò ḍumo ḅọrọma ḅarị ḅọ ḅe. Ḅẹḅọ-ḅẹḅọ nwẹnị ḅio tọn-a ḅara, pịkị ḅọrọtẹ sakị ḅụ fịya-a ḅara sime-a, tẹ amịna mịnaḅọ ḅaa ḅọ ḅaa ḅọ,

Ditẹrọnọmị 19:4 Iomraidhean Croise

Suku-saakị 31:2

Jekọbụ nwẹnị ẹrị mịnẹ Lebanị ḅarị tarị ori ọ̀ kẹ ye-sịn tẹ ọ̀ ḅẹlẹma ḅara kẹ ọ̀ ḅẹlẹma-a.

2 Samụẹlị 14:11

Anịtẹso á nwẹnị ḅẹẹ, “À tẹkẹm, yee amadaḅọ ḅe KỊNỊNYANAḄỌ ị́ Tamụnọ ḅe kụrọ sịn saakị, mịẹ tẹ ọmbie gbẹẹfị ḅii ḅọ ḅe ḅarị jen-maaịn kẹ ḅaa ḅịa, tẹ ì owiḅọtụḅọ ḅe fịị ḅịa ḅara.” Ọ̀ nwẹnị pakịrị, “KỊNỊNYANAḄỌ ḅe ḍumo sime wararị ogbo, í owiḅọtụḅọ ḅe sịḅị-ḅẹ-inume ḅụ gbọrụmgbọ-sọ siin-koro kiri mẹ la ḅịa.”

1 Paka-aị 11:2

Ḅọrọtẹ sakị ḅụ, Sọlụ Ama-daarị sakị ḅụ sọ, ị́yẹrị mie Izirẹlị ḅọrọma pakama tẹ ọkị-ḅo suu ḅọ; tẹ KỊNỊNYANAḄỌ ị́ Tamụnọ ḅe ị́ ḅẹẹm, ‘Ị́yẹrị ị̀ atomi Izirẹlịapụ ma ḍikiḍikiḅọ so ḅa, tẹ ḅẹrẹtọn ị̀ atomi Izirẹlịapụ ma pịrị ḅa.’ ”

Ayịzaya 30:33

Ala tẹ sakị ḅụ ịn gbọrụ yọ tẹlẹma wẹrịm, ini orumo kẹ Asiriya tomikiri mẹ dọkịma fama ḅẹ yọ. Anị pokolo tẹ finjima wararị, tẹ ịn pakịrị tan-tan anị ḅio sara tunduruma wararị. KỊNỊNYANAḄỌ ḅe ọwụ sara tẹ anị fịnị-ḅẹlẹ sọ tẹ veremuma anị kọrịma ḅa.

Kịẹn-aḅịḅị 35:12

Opu ama ma gbẹẹfị ḅii ḅọ ḅe ḅụ ḅụụ ḅọị yọ sọ ọ́ pịrị ḅa, mịẹtẹ kịnị-ḅaḅọ ḅe fịị ḅịa nwenii ọ̀ ḅẹrẹkọn kẹ tomina-ogbo mẹ tọrọkọ sịẹsime ḅa.

Kịẹn-aḅịḅị 35:9

KỊNỊNYANAḄỌ ḅe nwẹnị Mozizi ḅẹẹ:

Ditẹrọnọmị 19:3

Ama mẹ tẹ KỊNỊNYANAḄỌ ọmịna Tamụnọ ḅe kẹ ọmịna nye ḅẹ ḅara kẹ ọ́ pịrị ama mẹ, ọmịnị opu etela ma tẹlẹma ḅa, tẹ ama mẹ ḍụḅa la ḅara mẹ kẹ tẹra akiri ḍiya ḅa, mịẹtẹ kịnị ḅaa ḅọ ḅaa ḅọ inetẹ ḍumo-mangị kọn arị anga mu ḅẹ ḅara.

Ditẹrọnọmị 19:5

anie ọkịị mịnẹ tomḅọ amịna mịnaḅọ na piri-ḅio sịn pẹlẹ ḅẹ mum, tẹ opu sịn mẹ pẹlẹ-gbin ḅẹ ḅara kẹ kumbu mẹ saakị sakị anị pẹlẹarị tẹ kumbu-sịḅị mẹ pịọnị mu ọ̀ mịnaḅọ ḅe la tẹ ọ́ fịị fịị — ori inetẹ ḍumo-mangị kọn mịna opu ama ma ḅẹ gberie mu tẹ ò ḍumo ḅọrọma ḅa;

Ditẹrọnọmị 19:6

anieofori ọmbie gbẹẹfị ḅii ḅọ ḅe ḅofa ḅio-fụkụfụkụ ḅụ ḅiotọn-a ḅara kẹ kịnị-ḅaḅọ ḅe ḍụa tẹ etela mẹ ala wararị ẹrẹsị mu ọ̀ la tẹ ḅaa ḅara kẹ ye kẹ ọ̀ lama, tomḅọ ḅẹ fịị gbẹẹ-a sọ, ori ọ̀ mịnaḅọ ḅe na ḅọrọtẹ sakị ḅụ fịya-a ḅara sime-a ḅẹẹ-sakị,

Ditẹrọnọmị 4:42

mịẹtẹ kịnị-ḅaḅọ ḍumo-mangị kẹ anịjụ mu ḅẹ ḅara, inima tẹ ḅiotọn-a ḅara, ḅọrọtẹ sakị ḅụ ọmọnụba sụa mịnaḅọ pịrị-a tẹ bẹkẹma mịnaḅọ ḅaaḅọ ḍumo-mangị kọn mịna opu ama ma ḅẹ gberie mu ḅụ inetẹ ò ḍumo ḅọrọma ḅa.

Jọsụwa 3:4

mịẹtẹ ọmịnị ó mu ḅẹ etela nimi ḅẹ ḅara, kẹ gotẹ ọkọ ḅẹẹarị, mị etela mẹ jen sakị amụ ọ́ mẹnjị ḅọrọ-a. Anịsọ ó ḅo anị kpeki ma tẹ sọnọma ẹndẹ na oyia asi aḅụọ-kuḅu (1 km) pembe ḅara kẹ anị ḅụ ḅelee.”