Ditẹrọnọmị 19:13 - FỊAFỊA BAỊBỤLỤ

¹³ Ọmịnị ò ḍiki sịḅị-jịrị ma, kụma ọmịnị Izirẹlị ḅụ mịẹye-ofori ọmbie ḅẹrẹ-ḅarasii mẹ sịkịrị sin ḅa, mịẹtẹ anị ọmịnị na iḅi ḅẹ ḅara.

Ditẹrọnọmị 19:13 Iomraidhean Croise

Suku-saakị 9:6

Tomḅọ ọmbie ọsụma ḅọ ọsụma ḅọ, mḅọ pembema tomḅọ pịkị mḅọ ọmbie sọ ọsụma ḅa, kẹ gotẹ ọkọ ḅẹẹarị, Tamụnọ tomi kẹ ọ̀ ḅụụ kịkama tẹmẹm.

2 Samụẹlị 14:7

Mịọkụ bebe furo mẹ saakị ị́ fịrịmẹnjị-ẹrẹḅọ da-paka tẹ, tẹ ini mẹẹ, ‘Anị owiḅọ ḅe tẹ amịna iyimbere fomu ḅaa ḅọ ḅe kẹ wa pịrị, mịẹ tẹ wa ò iyimbere ḅe tẹ ọ̀ ḅaa ḅọ ḅe ḍumo mẹ gotẹ ọ̀ ḅaa ḅẹ ḅara; tẹ anieḅụ ḍuu fị ḅẹ ḅọ ḅe sọ ḅaa ḅẹ ḅara.’ Mị-ḅara ḅụ ini ị̀ anyịmgbọ kpo mẹ tẹ kirikọn wararị ye mẹ biinma, tẹ tomikiri tọrụ mẹ ḅụ ẹrẹ, anịanịa ye kọnma ì di ḅe pịrị ḅịa ḅara.”

2 Samụẹlị 21:1

Mịọkụ Devidi Ama-daarị ene ma ḅụ sịḅị, sịḅị tẹra kụra ḅụ ịnụ ama mẹ ḅio simem, tẹ Devidi, KỊNỊNYANAḄỌ ḅe tọrụkuḅu ḍọkịm. KỊNỊNYANAḄỌ ḅe nwẹnị ḅẹẹ, “Ọmbie ọsụma ḅẹrẹ-ḅarasii Sọlụ na, ọ̀ warị na ọgọnọ emi, gbala ò Gibiyọnị ḅẹ apụ ma ḅaam ẹrẹsị.”

2 Samụẹlị 21:14

Tẹ ịn Sọlụ mgbe ma na, ori owiḅọtụḅọ Jonatanị mgbe ma na kẹ ọ̀ ḍa Kisi ḍuḅu ḅio ḍiḅim Zela Benijamịnị ama mẹ ḅio ḅụ, tẹ ini amadaḅọ ḅe tọn aị mamgba mịẹm. Aniemẹ ḅọrọ tẹso, Tamụnọ kiri mẹ gotẹ ịn ḅii aị ma naam.

1 Amadapụ 2:31

Sọlọmọnị nwẹnị pakịrị, “Johabụ ḍuko ye mịẹ. Ọ̀ ḅaa tẹ ò ḍiḅii. Anịtẹrẹmẹ mie kịnị ḅarị onyo kẹ ị́yẹrị ḅe anịanịa Devidi ḅuu paka-ḅo apụ ma ḅụụ gbọrụḅọ-sọ sịḅị sẹịn ḅịa ye Johabụ muu mịẹye-ofori atomi ḅaa ye mẹ.

Izikẹlị 16:5

Gbọrụḅọ-sọ iḅiọkụ í ḍiki-sịḅị-kụrụkụrụ tẹ ma ma ḅẹ gberie-sọ mịẹ ị́ pịrị-a. Í iyi sakị ị́ ḅẹlẹmaḅọ ofori. Ini ị́ kẹ finji-sara wararị ḍụọ-kọrị-kiri ḅụ wakị-koromam.’ ”

Lẹvitikọsị 24:17

“Tomḅọ ḅaa ḅọ, ḅaa ḅọ ini mḅọ ḅaa ḅa.

Lẹvitikọsị 24:21

Tomḅọ tẹ nama ḅaa ḅọ ḅaa ḅọ, jen nama kẹ ò kiri ḍima ḅa; anịsakị tomḅọ tẹ jen tomḅọ ḅaa ḅo ḅaa ḅọ, ini mḅọ ḅaa ḅa.

Kịẹn-aḅịḅị 35:31

Anie mẹ sikima, kịnị-ḅaḅọ tẹ ịn ḅaa ḅẹ ḅẹrẹ-ḅarasii pẹlẹ pịrị tẹ ḅo ḅara gberie-sọ ọmịnị mḅọ ḍumo ḅọrọma gotẹ daa-ọkị ḅịa; kụma mḅọ fịị ḅụ sọ ḅa.

Ditẹrọnọmị 13:8

ọ́ ḅụụ-sịkị ọ̀ pịrị anịanịa ò poki ma, anịanịa ọmịnị ò ḍiki sịḅị-jịrị, anịanịa wẹrịso ọ̀ pịrị, anịanịa ọ̀ gbaịn;

Ditẹrọnọmị 19:12

anịrẹ opu ama mẹ ḅẹ omongiapụ ma fịrịma mu anịanga ḅụ ori ọkị-ḅo ḅa, tẹ ọ̀ saakị saḅama ọmbie gbẹẹfị ḅii ḅọ ḅe pịrị ḅa, mịẹtẹ ọ̀ fịị ḅẹ ḅara.

Ditẹrọnọmị 19:21

Ọmịna atọrụngbọ anị ẹrị tẹ sịḅị-jịrị ma; anị sime ḅarị ḅara ḍumo sime ḍumo pịrịm, tọrụngbọ sime tọrụngbọ pịrịm, aka gbọrụmgbọ sime aka gbọrụmgbọ pịrịm, ḅara sime-ḅara pịrịm, ḅụọ sime ḅụọ pịrịm.

Ditẹrọnọmị 21:9

Mị-ḅara mie ọ́ kẹ mịẹye-ofori ọmbie ḅẹrẹ-ḅarasii mẹ sịkịrị sin ḅarị ḅara ọmịna ogbo-ḅio, ọ́ KỊNỊNYANAḄỌ ḅe ḍiki-tọrụ ḅụ kụra ye mịẹ sakị.

Ditẹrọnọmị 25:12

anịrẹ ọmịnị á ḅara pẹlẹ-siin ḅa; ọmịnị á ḍiki sịḅị-kụrụkụrụ ma.

Ditẹrọnọmị 7:16

Tomi-kụlọkụlọ tẹ KỊNỊNYANAḄỌ ọmịna Tamụnọ ḅe saḅama ọ́ pịrị ḅarị apụ goyegoye ọmịnị ịn ḅaa ḅa, ọmịnị ịn ḍiki sịḅị-jịrị ma, ọ́ pịkị fịrịmẹnjị ịna oru-atamụnọ pịrị ma, kẹ gotẹ ọkọ ḅẹẹarị, aniemẹ ḍiein sọ ọ́ pịrị ḅa.

Ditẹrọnọmị 7:2

KỊNỊNYANAḄỌ ọmịna Tamụnọ ḅe ịn ḅọrọma ọ́ pịrị tẹ ọmịnị ịn nẹngịma sakị, ọmịnị ịkatakirikọn-a-ḅara kẹ ịn ḅaa nyanam; ọmịnị ini na gbọrụ ọḅọkụ sọ fị tẹ ọkụrụkụrụ nyana ịn pịrị ḅịa.