Ditẹrọnọmị 19:10 - FỊAFỊA BAỊBỤLỤ

¹⁰ Anie ofori mịẹye-ofori apụ ọmbie ḅofa ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị ama mẹ ḅio sara, tẹ anieḅụ ọmbie ọsụma ḅẹrẹ-ḅarasii ḅofa ọmịna ọgọnọ gbana.

Ditẹrọnọmị 19:10 Iomraidhean Croise

1 Amadapụ 2:31

Sọlọmọnị nwẹnị pakịrị, “Johabụ ḍuko ye mịẹ. Ọ̀ ḅaa tẹ ò ḍiḅii. Anịtẹrẹmẹ mie kịnị ḅarị onyo kẹ ị́yẹrị ḅe anịanịa Devidi ḅuu paka-ḅo apụ ma ḅụụ gbọrụḅọ-sọ sịḅị sẹịn ḅịa ye Johabụ muu mịẹye-ofori atomi ḅaa ye mẹ.

2 Amadapụ 21:16

Anie sikima, Manasẹ kpọma mịẹye-ofori apụ ḅaam Jeruselemu ḅụ, gbọrụ kunoma ḅụ saakị mu jen kunoma la; ò miemẹ mịẹm, ò Juda ḅẹ apụ toluma mu sunsin oru-afụḅara pịrị tẹ KỊNỊNYANAḄỌ ḅe ḍiki-tọrụ ḅụ siye mịẹ ye mẹ sikima.

2 Amadapụ 24:4

na pịkị mịẹye-ofori apụ tẹ ọ̀ ḅaa ye mẹ. KỊNỊNYANAḄỌ ḅe mị si mẹ wẹrịso ọ̀ pịrị ḍụkụ-a.

Devidi-Anume 94:21

anie si ḅẹrẹ-ḅiya iḅi atomi ma pịrị tẹ ḅaa-ḅẹrẹ-pẹlẹ mịẹ ye ofori apụ ma ọgọnọ gbanarị apụ ma.

Egberima-Ẹkwẹn 6:17

ḅụụ-gelemarị tọrụngbọ, iruo-ḅẹlẹ, mịẹye-ofori apụ ḅaarị aḅara,

Ayịzaya 59:7

Sakị mamgba ọ́ gbọrụ siye tọn-arị, tẹ ḅụụ-fụkamam ó koru tẹ anị mị. Mịẹye-ofori apụ ma ḅaa ḅụ gbala-gbala ó ḅio-maaịn-tọn nyana-nyana-a. Ó mu anga mu anga sima na guluguluma na mie ọ́ mịẹ koroma tẹ soarị,

Jowẹlị 3:19

Ijiputi ịkpa sọ ḅa, tẹ Idọmụ kịnị kẹ mịẹ-mịẹye-ofori yọ sọ tẹ kaan-koro sime ḅa, ini owu kẹ Juda paka tẹ anị ḅio mịẹye-ofori apụ ḅaam ẹrẹsị.

Jona 1:14

Mie ḅụ ini owu pakama KỊNỊNYANAḄỌ ḅe pịrịm, “Yei KỊNỊNYANAḄỌ, sisi wa ị́ tẹkẹm wa ḅị tomḅọ ḅe ḍumo famarị ye mẹ ḅẹ fịị fomu-ḅara kẹ wamịna ọgọnọ gbana ma! Yei KỊNỊNYANAḄỌ, mie mẹmgba ị́ ḅara ḅom; ị́yẹrị mịẹ ye.”

Kịẹn-aḅịḅị 35:33

Ọ́ mị-ḅara kẹ ama mẹ tẹ ọmịnị angarị ama mẹ pilema ḅịa; kẹ gotẹ ọkọ ḅẹẹarị, ọmbie ama mẹ pilemarị; anịsakị anị ḅio sara ọmbie mẹ gotẹ, kẹ inetẹ ama gotẹ agwa-agwa ḅẹẹ tẹ kẹ anị bẹkẹlẹma-bẹkẹlẹma ye ofori, tomḅọ mẹ tẹ ọmbie mẹ ọsụma ḅọ mẹ ọmbie mẹ ḅụ sikima.

Ditẹrọnọmị 19:13

Ọmịnị ò ḍiki sịḅị-jịrị ma, kụma ọmịnị Izirẹlị ḅụ mịẹye-ofori ọmbie ḅẹrẹ-ḅarasii mẹ sịkịrị sin ḅa, mịẹtẹ anị ọmịnị na iḅi ḅẹ ḅara.

Ditẹrọnọmị 26:1

Ọmịnị ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị ama mẹ ḅio ḅo, tẹ anị ọkị nyana, tẹ anị ḅio anga sakị,

Ditẹrọnọmị 4:21

Anie sikima, KỊNỊNYANAḄỌ ḅe ọmịna sịḅị gotẹ ịganị ị̀ pịrịm, tẹ ò ye karịm mịnẹ à Jodanị mẹ saḅa ḅịa, anie ḅụ iḅi ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị nyana ḅẹ ama mẹ ḅio à sọ-mu ḅịa.

1 Samụẹlị 19:5

kẹ gotẹ ọkọ ḅẹẹarị, ori ọ̀ fịị kẹ ọ̀ sịḅị-ogbo gbanam tẹ ò Filisiteniḅọ ḅe ḅaam, tẹ KỊNỊNYANAḄỌ ḅe gburo-gburotẹ owu-ḅara-iḅi kọrịnama kọrị Izirẹlị mamgba pịrịm. Ị́ anị ẹrịm, tẹ ḅioḅẹlẹm; ị́ tiegotẹ anịtẹrẹmẹ mịẹye-ofori ḅara kẹ Devidi ḅaa ḅụ si kẹ mịẹye nimi-a ọmbie mịẹ ḅẹ?”