Ditẹrọnọmị 18:5 - FỊAFỊA BAỊBỤLỤ

⁵ Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna afuro mamgba ḅụ ọ̀ sẹlẹ pakama-ḅom, tẹ ori na, ori owiapụ-awọmẹ na sịẹsime tẹ KỊNỊNYANAḄỌ ḅe ẹrẹ mẹ ḅụ fịrịmẹnjị gbamaso ḅẹ ḅara.

Ditẹrọnọmị 18:5 Iomraidhean Croise

Paka-so 29:9

tẹ ḅiri-ponoaị kẹ ịna aḅiri pono, tẹ sun ma kẹ ịn sure ḅa; tẹ agbamịẹ fịrị mẹ ịna nye sọ mu ḅẹ sakị, ḅẹ sakị la ḅa kẹẹ-korotẹ oloko ḅara ḅụ. Mị ḅara mie ị́ kẹ ḅara kẹ Erọnị na, ori owiapụ-awọmẹ na ọgọnọ gbana tẹ ịn mịẹ fịafịama ḅarị ḅara.”

Kịẹn-aḅịḅị 16:5

tẹ ọ̀ nwẹnị Kora na ori ogbo ḅẹ apụ mamgba na ḅẹẹ, “Dede-ḅio ḅụ KỊNỊNYANAḄỌ ḅe oriḅe tẹ sime ọ̀ pịrị ḅọ na, oriḅe tẹ pilema-a tẹ fịafịa wararị ḅọ na ḍie-pakama ḅa, tẹ mịẹtẹ mḅọ sọma ò kpeki ḅa.

Kịẹn-aḅịḅị 25:13

Anịsakị anị sime ori na, ọ̀ ḅọrọtẹ so sakị ọ̀ ḅụụ ḅụ paka-ḅo aị na pịrị mu ḅẹ sakị, ḅẹ sakị la agbamịẹ kiri ḅẹ ọḅọkụ sọ ḅa, gbala ori afana sọ ọ̀ Tamụnọ pịrịm, tẹ si-wẹrịso pịrị ḅẹrẹ fama Izirẹlịapụ pịrị ẹrẹsị.’ ”

Kịẹn-aḅịḅị 3:10

Tẹ ị́ Erọnị na ori owiapụ-awọmẹ na tọn tẹ ini ịna agbamịẹ kọrịnama kọrị ḅa; kụma sikima jụmọ, sọma ḅo kpeki ḅọ, kpeki ḅọ fịị ḅụ sọ ḅa.”

Ditẹrọnọmị 10:8

Anị sakị ḅụ mie KỊNỊNYANAḄỌ ḅe Livayị furo mẹ sikima KỊNỊNYANAḄỌ ḅe Ọḅọkụ-Igbe mẹ dogi pịrị ye, KỊNỊNYANAḄỌ ḅe tọrọkọ sịẹsime tẹ fịrịmẹnjị ọ̀ pịrị, tẹ ori ẹrẹ ḅụ ye boma ḅo mịmgba lam.

Ditẹrọnọmị 17:12

Tomḅọ ḅe tẹ amịna ḅiotọn ḅara tọn ḅara kẹ ye mịẹ ḅụ anịjụ sịẹsime tẹ KỊNỊNYANAḄỌ ọmịna Tamụnọ ḅe tọrọkọ fịrịmẹnjịarị agbamịẹḅọ ḅe, anịanịa ḅẹrẹkọnḅọ ḅe ḅịḅị poki-a ḅọ, poki-a ḅọ, anị tomḅọ ḅe mḅọ fịị ḅa; mị-ḅara mie ọ́ kẹ Izirẹlị ḅụ siye mẹ sịkịrị sin ḅarịye.