Ditẹrọnọmị 18:3 - FỊAFỊA BAỊBỤLỤ

³ Anịsakị mie tomi ma ḅara ḅụ sime agbamịẹḅọ ḅe pịrị ye; ini tẹ agba mịẹarị apụ ma, anị pootẹ-nambulo-o, anịanịa anana sọ, ini apana mẹ na, maa amgba ma na furo mẹ na kẹ agbamịẹḅọ ḅe pịrị ḅa.

Ditẹrọnọmị 18:3 Iomraidhean Croise

Paka-so 29:27

Ị́ wẹrị sikima agba mịẹ ye mẹ ḅẹ ekpe mẹ na, agbamịẹapụ ma ḍiekiri ḅẹ ḅụọ-ẹtẹnẹ tẹ wẹrị sikima ye mẹ na mịẹ fịafịama ḅa, aniemẹ tẹ ḅara kẹ sịḅị ḅụ gbana sakị ḅẹ ejimina ḅẹ ḅụụ ḅụ ọkị agba mịẹ ye mẹ, anị sime Erọnị na, ori owiapụ-awọmẹ na pịrịm nwẹn ḅẹẹ sakị.

Paka-so 29:28

Anị sime Erọnị na, ori owiapụ-awọmẹ na pịrị ḅa Izirẹlịapụ ma gbẹẹ gbamaso ḅarị saa ḅara ḅụ, gbala aniemẹ anie agbamịẹapụ ma ḍiekiri ẹrẹsị Izirẹlịapụ ma ịna dein-pịrị-agba ḅụ mịẹ ḅarị agba ḅụ, aniemẹ anie ịn mịẹ KỊNỊNYANAḄỌ ḅe pịrị ḅarị agba.”

Lẹvitikọsị 22:7

Otuka mẹ tuuideri sakị mḅọ fịafịa ḅa, anịtẹrẹmẹ mḅọ fịafịa aị ma ḅẹ ye fị ḅa, gbala ọkọ sime fịye mẹ sime mḅọ pịrịm ẹrẹsị.

Kịẹn-aḅịḅị 18:11

“Miemẹ sọ ọmịna nye, ịn pịrịarị ịna ḍiepịrị-aị na, Izirẹlị ḅe apụ karakara ịmịẹtẹ ḅẹẹ mamgba na; à kẹ ị́yẹrị na, ị́ owiapụ-awọmẹ na í eremịna-awọmẹ na kẹ í ḅụụ sụa pịrị tẹ, ḅẹ sakị, ḅẹ sakị ḅụ sime ọ́ pịrị, ọ́ la ḍiekiri ḅara ḅụ; ọmịna warị ḅụ fịafịa wararị ḅọ goḅọ-goḅọ inetẹ anị ḅẹ ye fị ḅa.”

Kịẹn-aḅịḅị 18:12

“Olivu pulo mẹ ḅẹ iḅitẹịn aị mamgba na, iru mẹ ḅẹ, iḅitẹịn aị mamgba na, iḅitẹịn asịnmgbọlị ma na, kụra mẹ ḅụ tarị asịnmgbọlụ ma tẹ Izirẹlịapụ ma kẹ KỊNỊNYANAḄỌ ḅe piri aị mamgba à kẹ ị́ pịrịm.

Ditẹrọnọmị 12:27

tẹ meni mẹ na, ọmbie mẹ na kẹ ọmịna dọkịma agba mịẹ ḅa KỊNỊNYANAḄỌ ọmịna Tamụnọ ḅe agbamịẹ-anga mẹ ọgọnọ; ọmịna agba ma ḅẹ ọmbie mẹ ọmịnị anị kẹ KỊNỊNYANAḄỌ ọmịna Tamụnọ ḅe agbamịẹ-anga mẹ ọgọnọ sara ḅa, kụma meni mẹ ọmịnị inetẹ pẹị ḅa.