Ditẹrọnọmị 18:10 - FỊAFỊA BAỊBỤLỤ

¹⁰ Ọmịna ogbo-ḅio ḅẹḅọ-ḅẹḅọ tẹ ori owiḅọtụḅọ, anịanịa ori ẹrẹḅọtụḅọ kẹ agbamịẹ ḅara ḅụ dọkịma ḅọ, ḅẹḅọ-ḅẹḅọ tẹ ḅịrịkọn-amịẹaị-mịẹḅọ, okoḅa-sarasara-ye-gbelaḅọ, anịanịa feni fieye naa tẹ tọrọkọ paka ḅẹ ye ḍuko ḅọ anịanịa arịḅọ,

Ditẹrọnọmị 18:10 Iomraidhean Croise

Suku-saakị 44:5

Miemẹ anie ị̀ nyanaḅọ kẹ minji ḅuuarị, tẹ pịkị kẹ iru sararị ye mẹ anị-a? Ọ́ nwẹn mịẹ ye mẹ ó kura-aye mịẹ tẹ.’ ”

2 Amadapụ 16:3

kụma Izirẹlị ḅẹ amadapụ ma etela mie ọ̀ mẹnjị ye, Ori ọ̀ tụḅọ sọ dọkịma tẹ kẹ agba mịẹm, tọn-tọn amịẹaị tẹ KỊNỊNYANAḄỌ ḅẹ Izirẹlịapụ ma tọrọkọ dee opu asịẹ ma wẹrịtẹ mịẹ-mịẹ ḅara mẹ.

2 Amadapụ 17:15

Ịn kẹẹ wararị ori Oloko ma na, ori ọḅọkụ tẹ ori ịna aḍapụ na fị ye mẹ na, ọ̀ kẹ ịna aḅeri nụnụ aị ma ḍiki-simam. Ini iruo oru ma ḍukamẹnjị tẹ iruom, tẹ ini ikelema-koro wararị opu asịẹ ma ḍukamẹnjịm, inima tẹ KỊNỊNYANAḄỌ ḅe tọn ịn pịrịm mịnẹ ini ịn ḍikima ye mịẹ ma kẹ ḅẹẹ apụ ma.

2 Amadapụ 17:17

Ini ịna owiapụ-awọmẹ na eremịna-awọmẹ na dọkịmam kẹ agba mịẹ ḅara ḅụ, ịn ḅịrịapụ na majịkị-mịẹapụ na warị ye ḅiim, tẹ ịna aḅụụ kẹ KỊNỊNYANAḄỌ ḅe ḍiki-tọrụ ḅụ siye mịẹ dẹrịmam, kẹ ọ̀ mịẹ tẹ ori ịganị.

2 Amadapụ 21:6

Ori ori owiḅọtụḅọ dọkịmam kẹ agba mịẹ ḅara ḅụ, tẹ fụḅara-ḍiki-ḅịrịapụ na, ye ḅii amịẹaị na mịẹm, tọrụ tolu tẹ okoḅa-sarasara-ye-gbelapụ na, arịapụ na aḅara ḅụ. Ọ̀ KỊNỊNYANAḄỌ ḅe ḍiki-tọrụ ḅụ ḅaka si mịẹm, kẹ ori ịganị sịn-saakịma.

2 Amadapụ 23:24

Anie sikima, Josaya Juda ḅẹ ama ḅio na, Jeruselemu na ḅụ ịn tọrụngbọ kẹ ẹrị fụḅara-ḍiki-ḅịrịapụ na, tẹmẹ sịn apụ na deem, tẹ warị wẹrịma ye ḅii-aị na, ḅara kẹ tẹmẹ oru na, tọn-tọn aị mamgba na tan siin famam, Hilikaya Sịḅịda-Agbamịẹḅọ ḅe KỊNỊNYANAḄỌ ḅe warị mẹ ḅio ḍọkị-ẹrị ḍiri mẹ ḅio kẹẹ wararị oloko mẹ ẹkwẹn-ḅịḅị ma ọ̀ wẹrịtẹ giregirema ḅẹẹ ḅara.

1 Paka-aị 10:13

Mị-ḅara mie Sọlụ kẹ ọ̀ nyana-a minini ḅụ fịị ḅara. Ọ̀ KỊNỊNYANAḄỌ ḅe ḅụụ minini nyana-a, anie ḅụ ọ̀ KỊNỊNYANAḄỌ ḅe tọn ye mẹ koko-a, tẹ pịkị mu tẹmẹ sịn apụ ḅara daa-karakarama ḍọkịm,

2 Paka-aị 28:3

Tẹ Bẹnị-hinomu tụndụ-ogboku ḅụ kụnụaị dọkịmam, tẹ agbamịẹ ḅara ḅụ ori owiapụ-awọmẹ sọ dọkịmam, tọn-tọn amịẹaị ma tẹ KỊNỊNYANAḄỌ ḅe Izirẹlịapụ ma tọrọkọ dee opu asịẹ ma wẹrịtẹ mịẹ-mịẹ ḅara.

2 Paka-aị 33:6

Ori agbamịẹ ḅara ḅụ ori owiapụ-awọmẹ dọkịmam Hinọmụ tụndụ ogboku ḅụ, tẹ okoḅa-sarasara-ye-gbelapụ tẹ ye ḅii na, feni fie ye naa tẹ paka ḅẹ ye ḍuko na, arị amịẹaị na mịẹ, tẹ fụḅara-ḍiki-ḅịrịapụ na, arịapụ na mẹnjị kọn gboloma. Ọ̀ kpọma KỊNỊNYANAḄỌ ḅe ḍiki-tọrụ ḅụ siye mịẹ lamam, tẹ kẹ ori ịganị sịn saakịm.

Paka-so 22:17

Á ḍa á kẹ ọ̀ pịrị mẹ ḍụkụ-a ḅẹḅẹ, ori ịn kẹ ḅụụ-gboloa iriawọ-tụḅọ sime-sime igbigi na gbasị ye gbẹẹ ḅa.”

Paka-so 22:18

“Ọ́ ḍụkụ tẹ arịḅọ ḍumo-sime ma.”

Ayịzaya 47:13

Ịn ḅẹrẹ ḍuko í toluma tẹ sọ ị́ paa kụrọ nyana-a ḅara simearị. Yee í lolia-ḍikiapụ ma paka-ḅo tẹ ị́ ḅọrọma Ini tẹ lolia gboloma ye ḍawọarịapụ ma, So ḅio ye ọrụ-ọrụ ḅụ sime-ḅara kẹ ye ọgọnọ puuarị apụ ma, tẹ nwẹnị ḍuko ị́ pịrịarị akalụ-akalụ ị́ ḅụ paka ḅarị aị ma.

Jerimaya 27:10

Inimgba oḅori kẹ ọ́ sịn-arị, tẹ ọ́ mịẹ tẹ ini ọ́ kẹ so ala-jụ, ọmịna amakiri mẹ ḅụ ḅẹlẹ lama yọ mu ḅa. Àrị ó dee-pakama ḅa, tẹ ini ọ́ ḅaa guluguluma ḅa.

Jerimaya 27:9

Ọmịna ịkịankoroapụ, anịanịa ḅẹḅọ-ḅẹḅọ tẹ ọkịarị mịnẹ mḅọ inetẹ ḅaa paka ḅẹ ye ḍuko ḅarị ḅọ, anị ḅọrọ ḍawọ ḅụ-o anịanịa fịtẹ-apụ atẹmẹ siin saakị ḅụ-o, anịanịa majịkị ḅụ-o, ọmịnị in poki ma. Inimgba ḍuko ọ́ pịrịarị ọ́ sịḅị-tuu Babịlonịya ḅẹ amadaḅọ ḅe pịrị ma.

Jerimaya 32:35

Hinọmụ Tụndụ-suku mẹ ḅụ ini agbamịẹ-anga ma nama Balị pịrịm, kẹ ịna owiapụ-awọmẹ na eremịna-awọmẹ na kẹ agbamịẹ Molẹkị nwẹn-sịn tamụnọ ḅe pịrị ḅẹ ḅara. Yẹrị tọn ịn pịrị-a ịn miemẹ mịẹ, tẹ ì kuroma kịngẹ sọ anị sọ-a mịnẹ ini ọkọ sime ye mịẹ, tẹ Juda ḅẹ apụ ma mịẹ tẹ in si mịẹ.”

Jerimaya 7:31

Hinọnị Tụndụ suku-ḅio ini ịn kẹ Tofẹti sịn-arị agbamịẹ-anga nama tẹẹ, tẹ ịna owiapụ-awọmẹ na eremịna-awọmẹ na kẹ fịnị ḅio agbamịẹ ḅẹ ḅara. Yẹrị tọn ịn pịrị-a ịn miemẹ mịẹẹ — ì kuroma kịngẹ ḅụ sọ anị sọ-a.

Lẹvitikọsị 19:26

“Ọmịnị ọmbie kẹ gbọrụ meni sọ na sụa pẹị ma. Ó ḍiri kọrị, anịanịa majịkị amịẹaị mịẹ ma.

Lẹvitikọsị 19:31

“Ó vuunma pịkị fụḅara-ḍiki-ḅịrịapụ, anịanịa majịkị-mịẹapụ ḍọkị pakama-ḅo, tẹ ịna aḅụụ ọmịna aḅụụ pilema ma. Yẹrị anie KỊNỊNYANAḄỌ ọmịna Tamụnọ ḅee.”

Lẹvitikọsị 20:6

Gbọrụ tomḅọ nwẹnị vuunma pịkị tẹ fụḅara-ḍiki-ḅịrịapụ na majịkị-mịẹapụ na ḍukamẹnji-mẹnjitẹ inina sẹfị ḅẹḅẹ, arị ị̀ tọrụ kẹ anị tomḅọ mẹ si anga ḅụ wẹrị tẹ mḅọ atomi ogbo-ḅio ḅụ mḅọ pẹlẹ-siin ḅa.

Mayịka 5:12

Àrị ọmịna ḅara ḅụ ó pilearị ibiam ma sima fama ḅa, anịsakị ọ́ ḅarị jen-maaịn kẹ tọrụ-tolu tẹ ye ẹrịarị apụ nyana ḅịa.

Malakayị 3:5

Kụrọmamgba nyana KỊNỊNYANAḄỌ ḅe ḅẹẹm, “À ḅẹrẹkọnḅọ ḅara kẹ ọmịna ogboku tolu-sịẹ ḅa, tẹ anị-gbọrụ-kirikiri ḅẹrẹ ḍuko majịkị-mịẹapụ na, sẹfị-apụ na, ḅẹrẹ-siri ḅụ iruoye ḍukoarị ogbo-sịẹapụ na, fịrị kẹ ọkọ-apụ inomarị apụ na, diapụ-fịtẹ-ereme na ḍapụ-na-iyingiapụ-na-fịtẹ-awọmẹ na igoniapụ na tọrụ-pọnjịarị apụ ọgọnọ gbana ḅa — inimgba tẹ ị̀ mangịma-a apụ ma.”

Fịrịmẹnjịapụ 19:19

Majịkị mịẹ-mịẹ tọnwa-apụ ịna gotẹ aḍiri kobiri ḅo gbọrụ anga sara tẹ inweni-mgba tọrọkọ arị dọkịmam. Ini ọkọ kẹ dọkịma aḍiri mamgba la ye seleḅa pakịrị sonio apuku na sọnọa ẹndẹ na.

Fịrịmẹnjịapụ 8:9

Anị sakị mẹ ḅụ Sayịmọnị nwẹn-sịn gbọrụḅọ anị opu ama mẹ ḅụ anga tẹ majịkị mịẹ-mịẹ tẹ kẹ Sameriya ḅẹ apụ ma ḅụụ-buama-buamam. Ori mẹẹ ori opu tomḅọọ.

Galesiya 5:20

oru tẹkẹ na, arị amịẹaị na ḅụ. Anị mịẹtẹ kịnị fịya-a ḅara sime tẹ owu sọarị; anị pịkị mịẹtẹ kịnị afana na, ịganị na, opu sọlịma na tẹmẹ nyanarị. Ini ịna ḅụụ puu ḅelema tẹ pakịrị, pakịrị na ogbo-ogbo na ḅụ simearị;

Ditẹrọnọmị 12:31

Ọmịnị ọkọ kẹ sunsin KỊNỊNYANAḄỌ ọmịna Tamụnọ ḅe pịrị ma, kẹ gotẹ ọkọ ḅẹẹarị, tọn-tọnye tẹ KỊNỊNYANAḄỌ ḅe ḍiki-ḅioḅuarị ye goyegoye ịn mịẹ ịna oru-atamụnọ ma pịrị tẹ; kẹ gotẹ ọkọ ḅẹẹarị, ịna owiapụ-awọmẹ na, ịna eremịna-awọmẹ na sọ ịn fịnị ḅio dọkịma ịna oru-atamụnọ ma pịrị tẹ.

1 Samụẹlị 15:23

Ḅịrị-tọrụ kẹ ye ẹrị si ḅara, mịẹ sịḅị-kụrọ sọ si ḅara; anịsakị kịnị na kura-a si ḅara, mie iri-mịẹye na, sunsin oru pịrị na si ḅara. Gbala ị́ KỊNỊNYANAḄỌ ḅe ẹkwẹn-ḅịḅị mẹ sịkị tẹ ẹrẹsị, ori sọ ị́ sịkị tẹẹ amadaḅọ sọ ḅụ.”

1 Samụẹlị 28:3

Mịọkụ Samụwẹlị fịị tẹẹ, tẹ Izirẹlị mẹmgba ò ḍuum, tẹ Rama ò soku-ḅẹ opu ama ḅụ ò ḍiḅi tẹẹ. Sọlụ pịkị ama mẹ ḅio fụḅara-ḍiki-ḅịrịapụ ma na majịkị-mịẹapụ ma na dee tẹẹ.

1 Samụẹlị 28:7

Anịtẹso Sọlụ nwẹnị ori afịrịmẹnjịapụ ḅẹẹ, “Ọ́ gbọrụ ẹrẹḅọ tẹ fụḅara ḍiki ḅịrịkọn-arị ḅọ ḍọkị pakama-ḅo ị̀ pịrịị, mịẹtẹ arị á ḍọkụma-mu tẹ á ḅara ye gbela ḅẹ ḅara.” Tẹ ori afịrịmẹnjịapụ nwẹnị ọ̀ pakịrị, “ḍikii, Enidọ ḅụ gbọrụ ẹrẹḅọ tẹ fụḅara ḍiki ḅịrịkọn-arị gbọrụ ẹrẹḅọ emi.”

1 Samụẹlị 28:8

Anieḅụ Sọlụ ọ̀ ḅụụ ḍimam, tẹ ja opu akapa sụa, tẹ mum, ori na, ọ̀ ḅụụ sọ maa owiapụ na; tẹ in ḍin ḅụ ḅo ẹrẹḅọ ma lam. Tẹ ọ̀ nwẹnị ḅẹẹ, “Gbọrụ tẹmẹ sịn tẹ ye gbela ị̀ pịrịị, anịsakị oriḅe tẹ arị ẹrẹ goo ị̀ pịrị-ḅọ pịrị-ḅọ, ọkị-ḅo ị̀ pịrịị.”

1 Samụẹlị 28:9

Ẹrẹḅọ ma nwẹnị ọ̀ ḅẹẹ, “Tụkụma ḅara ḅụ ị́ Sọlụ mịẹ ye nimi wararị, ọ̀ wẹrịtẹ ama mẹ ḅụ fụḅara-ḍiki-ḅịrịapụ ma na majịkị-mịẹapụ ma na pẹlẹ-siin tẹ ḅara. Í tiegotẹ anịtẹrẹmẹ ḍiein tuu ì ḍumo pịrị, tẹ ị́ fịị ọkị-ḅo ị̀ pịrị ḅẹ ḍọkịarị?”