Ditẹrọnọmị 18:1 - FỊAFỊA BAỊBỤLỤ

¹ Livayị furo ḅẹ agbamịẹapụ ma, anie, Livayị furo-ḅẹ-apụ mamgba Izirẹlị ḅụụ sọ tẹ gbọrụ ḍiekiri anịanịa, sime anga sọ nyana ma; fịnị ḅụ ịn kẹ agba mịẹ KỊNỊNYANAḄỌ ḅe pịrị aị na, sime ịn pịrị na-iḅi aị mie ịn fị ḅarị ye.

Ditẹrọnọmị 18:1 Iomraidhean Croise

Jerimaya 33:18

tẹ anịsakị agbamịẹapụ sakị mamgba Livayị furo ḅụ paka-ḅo tẹ fịrịmẹnjị ị̀ pịrị tẹ dọkịma-agba na mgbọlị-fịaị agba na, ja agba aḅara na mịẹ-mịẹ ị̀ pịrị ḅa.”

Izikẹlị 44:28

“À kẹ Izirẹlị pịrịm ịn da ḅọrọma ḅụọ-ḅụọ pịrị ḅẹ ye mẹ agbamịẹapụ ma la kiri anie agbamịẹ fịrị mẹ. Izirẹlị ḅụ in ḍiekiri nyana ma; yẹrị anie ịn nyana ḅẹ ḅii ye-mẹmgba.

Kịẹn-aḅịḅị 18:20

KỊNỊNYANAḄỌ ḅe nwẹnị Erọnị ḅẹẹ, “Ịna ama mẹ ḅụ ḍuu fị ḅara kẹ ị́ nyana ḅẹ sime-anga, anịanịa ịna ogbo-ḅio ḅụ ị́ nyana ḅẹ ḍiekiri ofori. Yẹrị anie í ḍiekiri, pịkị í sime anga Izirẹlịapụ ma ogbo-ḅio ḅụ.”

Kịẹn-aḅịḅị 26:62

Anịsakị Livayị furo-ḅẹ-apụ ma ḅụ ịn kịẹn apụ anie kịnị maa ẹndẹ oyia asi finji ofori kịnị tẹra apuku (23,000). Gbọrụ akalụ sịḅị ḅụ ḅọrọtẹ owiḅọ ḅụ saakị iwo ịn kịẹnm, ịn kẹ gotẹ ọkọ kịẹn ye, ịn sime-anga sikima in pịrị-a ẹrẹsị ini in kẹ Izirẹlịapụ ma ogbo-ḅio ḅụ kịẹn suu-a.

Ditẹrọnọmị 10:9

Anịẹrẹsị Livayị ori owiapụ-amịnapụ ma na gbọrụ ḍiekiri, anịanịa sime-anga sọ nyana-a; KỊNỊNYANAḄỌ ḅe anie ò ḍiekiri, KỊNỊNYANAḄỌ ọmịna Tamụnọ ḅe wẹrịtẹ ọ̀ ḅẹẹ ḅara.)

Ditẹrọnọmị 12:19

Ọmịnị ọmịna aḅụụ ẹbị mịnẹ ọmịnị ọmịna ama ḅio simearị sakị goyegoye ó Livayị furo-ḅẹ-apụ ma sịkị-a.

Jọsụwa 13:14

Livayị furo mẹ ngẹrị mie Mozizi gbọrụ sime anga sọ kẹ pịrị-a ye. KỊNỊNYANAḄỌ ḅe kẹ ọ̀ ḅẹẹ ḅara ḅụ, ịn fịnị kẹ dọkịma dọkịma KỊNỊNYANAḄỌ Izirẹlịapụ tẹkẹarị Tamụnọ ḅe pịrịarị agba ma mie ịna nye.

Jọsụwa 13:33

Kụma Livayị furo mẹ Mozizi sime anga kẹ ịn pịrị-a; KỊNỊNYANAḄỌ, Izirẹlịapụ tẹkẹarị Tamụnọ ḅe anie ịna ḍie kiri, ọ̀ wẹrịtẹ kẹ ịn ḅẹẹ ḅara.

Jọsụwa 18:7

Livayị furo-ḅẹ-apụ ma gbọrụ ḍiekiri sọ nyana-a ọmịna ogbo-ḅio ḅụ, kẹ gotẹ ọkọ ḅẹẹarị, KỊNỊNYANAḄỌ ḅe agbamịẹ mẹ anie ịn nyana ye; anịsakị Jodanị mẹ ọgọnọ pakịrị ịrụa-saakịarị-anga da-mu ḅụ Gadi na, Rubẹnị na, Manasẹ furo mẹ kẹ maa anga ḍiya ḅẹ gbọrụ pakịrị ịna sime anga ọkị tẹ, aniemẹ tẹ Mozizi, KỊNỊNYANAḄỌ ḅe fịrịmẹnjịḅọ ḅe kẹ ịn pịrị ye mẹ.”