Ditẹrọnọmị 17:9 - FỊAFỊA BAỊBỤLỤ

⁹ tẹ ḅẹrẹ mẹ kẹ Livayị furo ḅe agbamịẹapụ ma na, arị asakị ma ḅụ ḅẹrẹkọnḅọ ḅe na tọrọkọ koroma tẹ ịn ḅẹrẹ-pẹlẹ ḅịḅị mẹ mịẹfinji ọ́ pịrị.

Ditẹrọnọmị 17:9 Iomraidhean Croise

1 Paka-aị 26:29

Iza ḅẹ apụ ḅụụ Kenanaya na ori owiapụ-awọmẹ na ịn nwẹn tọnm etela ḅẹ akọrịnama kọrị Izirẹlị pịrị, kọrịnama opu-apụ na, ḅẹrẹkọn-apụ na ḅara ḅụ.

Paka-so 18:16

ini ịgbanịya nyana sakị ịn pịkị ị̀ ḍọkụma-ḅo tẹ à ḅẹrẹ kọn tomḅọ ḅe na, mḅọ na kpeki tẹ angarị ḅọ mẹ na pịrịarị, anịsakị à pịkị mịẹtẹ ịn kẹẹ wararị Tamụnọ oloko ma na, ọ̀ tọn-pẹlẹ aị na nimiarị.”

Paka-so 22:8

Kụma ịn furuḅọ mẹ ḍọkị-ẹrịa ḅẹḅẹ, warị mẹ nyana tẹ ye mẹ koko ḅọ ḅe sọma ḅo sunsin Tamụnọ pịrị yọ mẹ kpeki tẹ amịna ḅụụ-pikima ḅa, ọ̀ ḅara kẹ ọ̀ mịnaḅọ ḅe ngọ mẹ lama na, lama-a na.”

Jerimaya 18:18

Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Izikẹlị 44:24

Oloko gboloma ịgbanịya paka-paka, agbamịẹapụ ma mie ḅẹrẹ mẹ kọn-pẹlẹ ḅarịye ì oloko ma sime-ḅara ḅụ. Ịn Tamụnọ alalị ma wẹrị ḅa à tọn koroma aḅara na à sụa oloko ma na ḍikitẹ, ịn pịkị Ịnyọsara-Ene mẹ wẹrị fịafịama.

Hegayị 2:11

Ori mẹẹ, “Mị gbela ḅịḅị mẹ ḅụ, agbamịẹapụ ma sụa ḅẹ oloko gbolomaye nimi ḅẹ ḅara:

Zẹkaraya 3:7

Kụrọmamgba nyana KỊNỊNYANAḄỌ ḅe ḍuko tẹ, “Ị́ ị̀ ḅịḅị poki tẹ ì oloko ma na ị́ mẹnjị ḅẹ tẹ à tọn ị́ pịrị afịrị ma na mịẹarị ḅẹḅẹ, anị sakị rẹ mie í sime tọrọkọ mu tẹ ị̀ Warị mẹ na anị ḅẹ ogigo ma na daarị ḅọ sọ ḅarịye, tẹ arị ị́ atẹkẹ naa ḅa, arị ị̀ tọrọkọ sịẹarị enjẹlị ma atẹkẹ naarị gbọrụ ḅara mẹ.

Zẹkaraya 7:3

tẹ pịkị miemẹ kẹ agbamịẹapụ ma na ịkịankoroapụ ma na gbela ḅẹẹm: “Wa paa kururu tọrọkọ-tọrọkọ mu ḅẹ ịn Tamụnọ-warị mẹ kan guluguluma ye mẹ gotẹ, sọnọ akụra gbọrụ sakị-sakị kẹ ḅuru-ịmọ ḅụ wa tọnwa kụra kẹ mịẹ nwenii ḅo mịọkụ la tẹ ḅara mẹ?”

Malakayị 2:7

Karakara Tamụnọ nimi toluma, anie sime agbamịẹapụ pịrị fịrị. Kịnị mu-mu tẹ ịna aḅara à ḅiiarị ye ḍawọ, ini anie Kụrọmamgba nyana KỊNỊNYANAḄỌ ḅe oku-mẹnjịapụ ẹrẹsị.

Ditẹrọnọmị 16:18

Ama ma tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mamgba ḅio, ọmịna afuro ma wẹrịtẹ sime-ḅara ḅụ ọ́ ḅẹrẹkọn-apụ na, fịrịmẹnjị-opuapụ na tọn ḅa; tẹ ịn karakara kẹ ḅẹrẹkọn tomi ma pịrị ḅa.

Ditẹrọnọmị 17:10

Anịtẹso ọkụma anịanga mẹ tẹ KỊNỊNYANAḄỌ ḅe sẹlẹ-ọkị ḅarị anga mẹ ḅụ ịn mịẹfinji ọ́ pịrị ye mẹ mie ọ́ wẹrịtẹ ye mịẹ ḅarị ḅara; anịsakị ọ́ ḅụụ ẹbị ḅa, tẹ ịn wẹrịtẹ ọ́ datụkụma ḅarị ḅara mẹmgba mịẹ ḅa;

Ditẹrọnọmị 21:5

Agbamịẹapụ ma, Livayị owiapụ-awọmẹ ma nwẹnị mẹnjị sọma ḅo ḅa, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe fịrịmẹnjị ọ̀ pịrị, tẹ KỊNỊNYANAḄỌ ḅe ẹrẹ mẹ ḅụ kịnị boma gotẹ ịn sẹlẹ-ọkị tẹ, anịsakị ịna ẹkwẹn-ḅịḅị ḅụ ịgbanịya goyegoye na, jụmọ-jụmọ fomu ḅẹrẹ na goyegoye pẹlẹ ḅa.

Ditẹrọnọmị 25:1

Mozizi nwẹnị paa ẹkwẹn tẹ ḅẹẹ, “Maa owiapụ ogboku ịgbanịya paka tẹ ịn ḅẹrẹkọn warị-ḅio sọ-ḅom, tẹ ḅẹrẹkọn-apụ ma ịna ogboku ịgbanịya mẹ kọn ịn pịrị tẹ mịẹye ofori ḅọ ḅe wẹrịso, tẹ ḅẹrẹ-ḅarasii pẹlẹ mịẹkọn nyana ḅọ ḅe pịrị,

Ditẹrọnọmị 33:10

Ini ị́ sụa oloko ma kẹ Jekọbụ toluma ḅa, tẹ í tọn-aị ma ḍuko Izirẹlị ḅa; ịn kụnụaị dọkịma ḅa ị́ tọrọkọ, na bebe dọkịma agba na, ị́ agbamịẹ-anga ọgọnọ ḅụ.