Ditẹrọnọmị 17:8 - FỊAFỊA BAỊBỤLỤ

⁸ Ḅẹẹ ḅẹrẹ ḅẹrẹ ọmịna ama ma ḅio saakịm tẹ ọ́ kọọn ḅẹ-ḅiiarị — anị ḅọrọ gbọrụ kịnị-ḅa jen kịnị-ḅa ḅụ kịrị-ḅele ḅara-o, anịanịa gbọrụ oloko ḅẹ karakara jen oloko ḅẹ karakara ḅụ kịrị-ḅele ḅara-o, anịanịa gbọrụ kịnị fomu-ḅara jen kịnị fomu-ḅara ḅụ kịrị-ḅele ḅara-o — tẹ anị ọmịna aḅụụ kụrọ ḅaka-ḅaka, anịrẹ ọ́ saakị iwo anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅẹ anga mẹ mu ḅa,

Ditẹrọnọmị 17:8 Iomraidhean Croise

2 Samụẹlị 15:2

Abusalọmụ nwẹnị iḅi sakị saakị-saakị tẹ ogigo-ḅọkọ mẹ ḅẹ etela mẹ akaka sịẹsime ḅa; tẹ ḅẹḅọ-ḅẹḅọ ịgbanịya nyana tẹ amadaḅọ ḅe tọrọkọ ḅẹrẹkọn ḅẹ ḅo ḅoo, Abusalọmụ ọ̀ sịn ḅụụ pịrị tẹ ò gbela ḅa, “Ị́ tọ opu ama ḅụ sime tẹ ḅo?” Tẹ owiḅọ ḅe ḅẹẹm, “ị́ fịrịmẹnjịḅọ Izirẹlị furo ḅụ nwẹn pembe anga ḅụ ḅom” nwẹn ḅẹẹ ḅẹẹ,

1 Paka-aị 26:29

Iza ḅẹ apụ ḅụụ Kenanaya na ori owiapụ-awọmẹ na ịn nwẹn tọnm etela ḅẹ akọrịnama kọrị Izirẹlị pịrị, kọrịnama opu-apụ na, ḅẹrẹkọn-apụ na ḅara ḅụ.

Paka-so 18:15

Mozizi nwẹnị ò fụanḅọ ḅe pakịrị, “Tomi ma gbala ị̀ ḍọkụma-ḅo tẹ Tamụnọ ḅịḅị ḅiiarị;

Paka-so 18:26

Tẹ ịn sakị mamgba tomi ma ḅẹrẹ kọnm kụrọtẹ aḅẹrẹ ini ọkị-ḅo ọkị-ḅo Mozizi pịrịm, kụma ḅẹẹ kala ḅẹrẹ kala ḅẹrẹ, ini ḅara na anị kọn-pẹlẹm.

Paka-so 21:20

“Tomḅọ fomuye kẹ amịna omoni owiḅọ, anịanịa ẹrẹḅọ fomu tẹ mḅọ anị tomḅọ mẹ ḅara ḅio sime tẹ fịịm ḅẹḅẹ, ịn fomu-ḅara kẹ mḅọ pịrị ḅa.

Paka-so 21:22

“Kịnị ịgbanịya nyana tẹ owu sọ tẹ ye kẹ furatẹ-ẹrẹḅọ lama tẹ mịẹtẹ fura mẹ gbisinim, tẹ anịsọ jen siye anị ḍuka ma-ḅo á ḅụụ paka-a ḅẹḅẹ, anị ḅọ mẹ tẹ ye mẹ kẹ á lama ḅo mẹ, á di kẹ mḅọ ọgọnọ gbana ḅarị igbigi fomu-ḅara gbẹẹ ḅa anịsakị ḅẹrẹkọn-apụ ma pẹlẹ mḅọ ọgọnọ gbana ye, gbana ye mḅọ nwẹn gbẹẹ ḅa.

Paka-so 21:28

“Pootẹ-nambulo amịna ịfalị kẹ owiḅọ anịanịa ẹrẹḅọ temi ḅaa-ḅaa, pootẹ-nambulo ḅe ịn ḍụḅarị kẹ ò gbin ḅaa ḅa; anịsakị anị ḅẹ meni mẹ kịnị pẹị ma; kụma pootẹ-nambulo ḅe nyana ḅọ ḅe ịn ye kẹ ọ̀ mịẹ ḅịa.

Paka-so 22:2

Furuḅọ warị kan tẹ sọ-muarị ḍin ḅụ tẹ ini ò kun tẹ ò fomu tẹ ọ̀ fị-fịị, amịna ḅụụ ḍụa ḅọ ḅe ọmbie ọsụma ḅẹrẹ-ḅarasii nyana-a;

Paka-so 22:8

Kụma ịn furuḅọ mẹ ḍọkị-ẹrịa ḅẹḅẹ, warị mẹ nyana tẹ ye mẹ koko ḅọ ḅe sọma ḅo sunsin Tamụnọ pịrị yọ mẹ kpeki tẹ amịna ḅụụ-pikima ḅa, ọ̀ ḅara kẹ ọ̀ mịnaḅọ ḅe ngọ mẹ lama na, lama-a na.”

Izikẹlị 44:24

Oloko gboloma ịgbanịya paka-paka, agbamịẹapụ ma mie ḅẹrẹ mẹ kọn-pẹlẹ ḅarịye ì oloko ma sime-ḅara ḅụ. Ịn Tamụnọ alalị ma wẹrị ḅa à tọn koroma aḅara na à sụa oloko ma na ḍikitẹ, ịn pịkị Ịnyọsara-Ene mẹ wẹrị fịafịama.

Hegayị 2:11

Ori mẹẹ, “Mị gbela ḅịḅị mẹ ḅụ, agbamịẹapụ ma sụa ḅẹ oloko gbolomaye nimi ḅẹ ḅara:

Malakayị 2:7

Karakara Tamụnọ nimi toluma, anie sime agbamịẹapụ pịrị fịrị. Kịnị mu-mu tẹ ịna aḅara à ḅiiarị ye ḍawọ, ini anie Kụrọmamgba nyana KỊNỊNYANAḄỌ ḅe oku-mẹnjịapụ ẹrẹsị.

Kịẹn-aḅịḅị 35:11

anịtẹrẹmẹ mie ọmịnị opu ama ma ḅụ ḅụụ ḅọị opu ama ma sẹlẹ ọmịna aḅụụ pịrị ḅarịye, mịẹtẹ kịnị-ḅaḅọ ḅe tẹ ḅiotọn-a ḅara ḅụ ḅẹḅọ-ḅẹḅọ ḅaa ḅọ mẹ ḍumo-mangị kọn anịanga mu ḅarị ḅara.

Kịẹn-aḅịḅị 35:16

“Kụma ori ikulele kẹ mḅọ fomu-gbin, tẹ anie ḅụ mḅọ fịị-fịị, ori anie kịnị-ḅaḅọ; kịnị-ḅaḅọ mẹ ini mḅọ ḅaa ḅa.

Ditẹrọnọmị 1:17

Ḅẹrẹkọn ḅụ ọmịnị aḍụa kọn ma; ọ́ gbọrụ ḅara kẹ kala mẹ na, opu mẹ na naa ḅa, ó tomḅọ tọrụkuḅu mẹ ḍiki-ḅalafa ma, kẹ gotẹ ọkọ ḅẹẹarị, ḅẹrẹkọn mẹ sime Tamụnọ pịrịm, anịsakị ọmịna aḅụụ kụrọ ḅaka ḅẹrẹ ọmịnị ọkị-ḅo ị̀ pịrị ḅa, tẹ arị anị naa ḅa.

Ditẹrọnọmị 12:11

anịtẹrẹmẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ tẹ mịẹtẹ ori ẹrẹ anịjụ sime ḅẹ anga mẹ, anịanga mẹ tẹ ọmịnị à tọn ọ́ pịrị aị mamgba: ọmịna dọkịma agbamịẹ-aị na, ọmịna agba ma na, ọmịna nyana-oyi-ḅụụ-gberie mẹ na, agba tẹ ọ́ mịẹ ḅẹ aị na, ịlọ tẹ ó minini KỊNỊNYANAḄỌ ḅe pịrị tẹ suma ḅẹ aị mamgba na kẹ ḅo ḅẹ anga mẹ.

Ditẹrọnọmị 12:14

Kụma anịanga mẹ tẹ KỊNỊNYANAḄỌ ḅe ọmịna afuro ma ḅẹ gbọrụ furo ḅio ḅụ sẹlẹ-ọkị anga mẹ ḅụ, anịjụ mie ọmịnị ọmịna dọkịma-agba ma mịẹ ḅarịye, anịsakị anịjụ mie ọmịnị à tọn ọ́ pịrịarị aị mamgba mịẹ ḅarị ye.

Ditẹrọnọmị 12:5

Kụma ọmịnị ọ́ KỊNỊNYANAḄỌ ọmịna Tamụnọ ḅe furo-furo mamgba ḅụ sẹlẹ pakama-ḅo ḅarị anga mẹ tẹ ori ẹrẹ kẹ sụa tẹ anịjụ kẹ ò sime anga mịẹ ḅẹ ḅara ḍọkị ḅa, anịjụ mie ó mu ḅarịye,

Ditẹrọnọmị 19:17

anịrẹ ịgbanịya mẹ ḅẹ maa apakịrị ḅẹ apụ ma KỊNỊNYANAḄỌ ḅe tọrọkọ, agbamịẹapụ ma na, ḅẹrẹkọn-apụ ma na tẹ arị ene ma ḅụ kọrịnama kọrị warị mẹ ḅio simearị apụ ma tọrọkọ ḅo ḅa;

Ditẹrọnọmị 19:4

Miemẹ anie sime ḅiotọn-a ḅara kẹ kịnị-ḅaḅọ ḅe pịrị ḅụụ-wẹrịma ye, oriḅe tẹ ḍumo-mangị kọn anịjụ mu ḅụ inetẹ ò ḍumo ḅọrọma ḅarị ḅọ ḅe. Ḅẹḅọ-ḅẹḅọ nwẹnị ḅio tọn-a ḅara, pịkị ḅọrọtẹ sakị ḅụ fịya-a ḅara sime-a, tẹ amịna mịnaḅọ ḅaa ḅọ ḅaa ḅọ,

Ditẹrọnọmị 21:5

Agbamịẹapụ ma, Livayị owiapụ-awọmẹ ma nwẹnị mẹnjị sọma ḅo ḅa, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe fịrịmẹnjị ọ̀ pịrị, tẹ KỊNỊNYANAḄỌ ḅe ẹrẹ mẹ ḅụ kịnị boma gotẹ ịn sẹlẹ-ọkị tẹ, anịsakị ịna ẹkwẹn-ḅịḅị ḅụ ịgbanịya goyegoye na, jụmọ-jụmọ fomu ḅẹrẹ na goyegoye pẹlẹ ḅa.

Ditẹrọnọmị 25:1

Mozizi nwẹnị paa ẹkwẹn tẹ ḅẹẹ, “Maa owiapụ ogboku ịgbanịya paka tẹ ịn ḅẹrẹkọn warị-ḅio sọ-ḅom, tẹ ḅẹrẹkọn-apụ ma ịna ogboku ịgbanịya mẹ kọn ịn pịrị tẹ mịẹye ofori ḅọ ḅe wẹrịso, tẹ ḅẹrẹ-ḅarasii pẹlẹ mịẹkọn nyana ḅọ ḅe pịrị,