Ditẹrọnọmị 17:7 - FỊAFỊA BAỊBỤLỤ

⁷ Ọ̀ ḅaa mẹ ḅụ ḅẹrẹ kiri sime apụ ma ḅara tomi mamgba ḅụ tarị tarị ọ̀ da-paka ḅa, tẹrẹmẹ tomi mamgba ḅo anị ḅụ sọ ḅa. Mị-ḅara mie ọmịnị ọmịna ogbo-ḅio siye mẹ sịkịrị sin ḅarị ḅara.

Ditẹrọnọmị 17:7 Iomraidhean Croise

Lẹvitikọsị 24:14

“Kobiri-ogbo mẹ ogbo-ḅio ḅụ ori ḅe tẹ ye karị ḅọ ḅe pakama-ḅo tẹ inima tẹ ò ye mẹ karị tẹ naa apụ ma ịna aḅara kẹ ọ̀ sịḅị ọgọnọ gbana, anịsakị yee tomina-ogbo mẹmgba ḍụḅarị kẹ ò gbin ḅaa.

Jọnị 8:7

Ịn paa sịẹ tẹ jaị, jaị kẹ ò gbelarị ogbo ọ̀ nwẹnị tụkụ tẹ ịn ḅẹẹ, “Ọmịna ḅụ jen ene amụ si mịẹ-a ḅọ tarị ḍụḅarị mẹ kẹ á gbin.”

1 Kọrịntị 5:13

Sọsị ḅẹ apụ-a tomi kọn mẹ anie Tamụnọ ḅẹrẹ. “Ọmịnị ọmịna ogbo ḅụ simearị si tomḅọ ḅe dee-siin.”

Ditẹrọnọmị 13:10

Ḍụḅarị mie ọ́ kẹ ò gbin ḅaa ḅarịye, gbala ọ̀ KỊNỊNYANAḄỌ ọmịna Tamụnọ ḅe tẹ Ijiputi ḅẹ ama mẹ ḅio, ọmịnị omoni-sọ anga mẹ ḅio ọ́ pakama-ḅo ḅọ ḅe ḅụụ ḅụ ọ́ nụnụ sin ḅẹ ḍọkịm ẹrẹsị.

Ditẹrọnọmị 13:5

Kụma anị ịkịankoroḅọ ḅe, anịanịa anị ḍawọ-puuḅọ ḅe ini ọ̀ ḅaa ḅa, gbala ọ̀ sịḅị-kụrọ toluma tẹ, KỊNỊNYANAḄỌ ọmịna Tamụnọ ḅe tẹ Ijiputi ḅẹ ama mẹ ḅio ọ́ pakama-ḅo, tẹ omoni-sọ anga mẹ ḅio ọ́ pakịrị ḅọ ḅe na tụḅụrụ ye tolumam ẹrẹsị, kẹ ó mịẹtẹ ọmịnị etela mẹ tẹ KỊNỊNYANAḄỌ ọmịna Tamụnọ ḅe tọnm ọ́ mẹnjị ḅẹẹ ye mẹ wẹrịso ḅẹ ḅara. Mị-ḅara mie ọ́ kẹ ọmịna ogbo-ḅio siye mẹ sịkịrị sin ḅarị ḅara.

Ditẹrọnọmị 13:6

Í iyimbere, í iyingi owiḅọtụḅọ, anịanịa í owiḅọtụḅọ, anịanịa ị́ ẹrẹḅọtụḅọ, anịanịa ị́ tẹmẹ ḅio sime taḅọ, anịanịa í ikiaḅọ tẹ ị́ ọkị ị́ tẹmẹ lama ḅọ ḅọị ḅara kẹ í toluma tẹ ḅẹẹm: Yee wa mu fịrịmẹnjị oru-atamụnọ pịrị, oru-atamụnọ tẹ ị́yẹrị, anịanịa ị́ aḍapụ sọ nimi-a ye;

Ditẹrọnọmị 13:9

kụma ọmịnị ọ̀ ḅaa ḅa; ọ̀ ḅaa ḅụ, ọmịna ḅara tarị ọ̀ da-paka ḅa, anịtẹrẹmẹ tomi mamgba ḅara sọ ḅa.

Ditẹrọnọmị 17:12

Tomḅọ ḅe tẹ amịna ḅiotọn ḅara tọn ḅara kẹ ye mịẹ ḅụ anịjụ sịẹsime tẹ KỊNỊNYANAḄỌ ọmịna Tamụnọ ḅe tọrọkọ fịrịmẹnjịarị agbamịẹḅọ ḅe, anịanịa ḅẹrẹkọnḅọ ḅe ḅịḅị poki-a ḅọ, poki-a ḅọ, anị tomḅọ ḅe mḅọ fịị ḅa; mị-ḅara mie ọ́ kẹ Izirẹlị ḅụ siye mẹ sịkịrị sin ḅarịye.

Ditẹrọnọmị 19:19

anịrẹ ọmịnị ọ̀ kẹ ori iyimbere mịẹ ḅẹ ḅii ḅara mẹ kẹ ọ̀ mịẹ ḅa; mị-ḅara mie ọ́ kẹ ọmịna ogbo-ḅio siye mẹ sịkịrị sin ḅarị ḅara.

Ditẹrọnọmị 21:21

Anịtẹso ọkụma opu ama mẹ ḅẹ owiapụ mamgba ḍụḅarị kẹ ò gbin ḅaa ḅa; mị-ḅara mie ọ́ kẹ siye mẹ sịkịrị siin ḅarị ḅara ọmịna ogbo-ḅio ḅụ; anịsakị Izirẹlị mẹmgba naa tẹ ḅalafa ḅa.

Ditẹrọnọmị 22:21

anịrẹ ini ẹrẹḅọtụḅọ ma pakama-ḅo ḅa á ḍa warị ḅọkọ ḅụ, tẹ opu ama mẹ ḅẹ owiapụ ma ḍụḅarị kẹ á gbin ḅaa ḅa; gbala á sẹfị oḅori mịẹye mịẹ tẹ ẹrẹsị á ḍa warị ḅio Izirẹlị ḅụ. Mị-ḅara mie ọ́ kẹ ọmịna ogbo-ḅio ḅụ siye sịkịrị sin ḅarị ḅara.

Ditẹrọnọmị 22:22

Ọ́ gbọrụ owiḅọ na jen owiḅọ ta na gbolomarị ḍọkị-ẹrị-ẹrị, ini maa apụ mamgba fịị ḅa; owiḅọ ḅe tẹ ẹrẹḅọ ma na gbolomarị ḅọ ḅe na, ẹrẹḅọ ma na. Mị-ḅara mie ọ́ kẹ siye mẹ sịkịrị sin ḅarị ḅara Izirẹlị ḅụ.

Ditẹrọnọmị 22:24

anịrẹ ọmịnị ini maa apụ ma pakama anị opu ama mẹ ḅẹ ogigo-ḅọkọ mẹ ḅo ḅa, tẹ ḍụḅarị kẹ ịn gbin ḅaa ḅa gbala ẹrẹḅọtụḅọ ma opu ama mẹ ḅio emi sọ ḅarasụa gotẹ oloku-a; anịsakị owiḅọ ḅe, ori ọ̀ mịnaḅọ ta pilemam ẹrẹsị; mị-ḅara mie ọ́ kẹ ọmịna ogbo-ḅio ḅụ siye mẹ sịkịrị siin ḅarịye.

Ditẹrọnọmị 24:7

Gbọrụ owiḅọ Izirẹlịapụ ma, ori amịnapụ ma ḅẹ gbọrụḅọ furuarị tẹ ọ́ ḍọkị-ẹrịm, tẹ ori omoniḅọ mịẹ ḅara kẹ mḅọ mịẹarị, anịanịa mḅọ dẹrị-dẹrị, anịrẹ anị furuḅọ ḅe fịị ḅa; mị-ḅara mie ọ́ kẹ ọmịna ogbo-ḅio siye mẹ sịkịrị sin ḅarị ḅara.

Ḅẹrẹkọn-apụ 20:13

Anịẹrẹsị mịọkụ ó Gibiya ḅụ nguronguro atomi ma pakama-ḅoo, mịẹtẹ wa ịn ḅaa ḅẹ ḅara, tẹ Izirẹlị ḅụ siye saakị sin.” Kụma Benijamịnị furo-ḅẹ-apụ ma ịna mịnapụ Izirẹlịapụ ma pọkọ poki ḅẹ ḅịa.