Ditẹrọnọmị 17:6 - FỊAFỊA BAỊBỤLỤ

⁶ Maa apụ, anịanịa tẹra ḅẹrẹ kiri sime apụ ịn kẹ ye nimi ḅara ḍuko tẹrẹmẹ mie ori tẹ fịị ḅẹ ḅọ ḅe ini ọ̀ ḅaa ḅarịye; gbọrụ ogbo-sịẹḅọ nimi tẹ ḍuko ye ḅụ ịn gbọrụ tomḅọ sọ ḅaa ḅịa.

Ditẹrọnọmị 17:6 Iomraidhean Croise

Kịẹn-aḅịḅị 35:30

Ḅẹḅọ-ḅẹḅọ kịnị-ḅaaḅa, ḅẹrẹ kiri sime apụ ịn kẹ ye ẹrị ḅara ḍuko ye ḅụ mie kịnị-ḅaḅọ mẹ ini mḅọ ḅaa ḅarịye; kụma ịn gbọrụḅọ ngẹrị ẹrị tẹ ḍuko ye kẹ gbọrụḅọ-sọ ḅaa ḅịa.

Matiyo 18:16

Kụma ori í ḍuko ye ọkị-a ḅẹḅẹ, jen gbọrụḅọ, anịanịa maa apụ, ọkị ị́ ḅụụ sụa tẹ pịkị muu; anie Fịafịa Ḍiri mẹ sọ ḅẹẹ ḅara mẹ, mịnẹ ịn kẹ tomḅọ sịḅị sẹịn ye ḅụ maa apụ, anịanịa ọkọ nẹngị apụ, tẹ ḅẹrẹ mẹ kiri sime apụ ini anị ḅụ nimi ye ḍuko tẹrẹmẹ anị bebe ye sọ ḅa.

Jọnị 7:51

“Wamịna Oloko sime-ḅara ḅụ wa inetẹ ḅẹrẹ-ḅarasii pẹlẹ tomḅọ pịrị ḅịa, wa tarị mḅọ ḅịḅị naa tẹ mḅọ mịẹ si ḍọkị pakama-ḅo tẹ sikima.”

2 Kọrịntị 13:1

Mie tẹrẹị karama sakị tẹ à ḅo ọ́ la ḅẹ ḅoarị sakị. Fịafịa Ḍiri mẹ mẹẹ, “Kịnị kẹ tomḅọ sịḅị sẹịn ye, sẹịn ye, anị mịẹ kiri ḅụ sime maa apụ anịanịa tẹra apụ in nimi ḅara kẹ anị mịẹ kụrọma tẹrẹmẹ ọ́ kẹ bebe ye sịn.”

Ditẹrọnọmị 19:15

Gbọrụ ogbo-sịẹḅọ ḅịḅị, ḅẹẹ si ḅẹẹ si, anịanịa kura-aye tẹ tomḅọ mịẹ ye mịẹ ye ḅụ, mịẹtẹ ye mḅọ ọlọ ḅịa; maa ogbo-sịẹ apụ, anịanịa tẹra ogbo-sịẹ apụ ḅịḅị ḅo ye ḅụ mie tomḅọ mịẹ ye mḅọ ọgọnọ gbana ḅarịye.

1 Timoti 5:19

Maa apụ anịanịa ọkọ nẹngị apụ ḅo ịn kẹ ye ẹrị ḅara ḍuko-a ogbo ịn kẹ omongiḅọ sịḅị sẹịn-arị ḅẹrẹ poki ma.

Hiburu 10:28

Mozizi Oloko mẹ kan ḅọ, kan ḅọ, tẹ maa apụ, anịanịa ọkọ nẹngị apụ, paka-ḅo in nimi ḅara ḍuko, tẹ ḅẹrẹ mẹ mḅọ ọlọ-ọlọọ, gbọrụ ọkụrụkụrụ sọ nyana mḅọ pịrị-a ḅara ḅụ ini mḅọ ḅaa ḅaam.