Ditẹrọnọmị 17:5 - FỊAFỊA BAỊBỤLỤ

⁵ anịrẹ ọmịnị anị owiḅọ ḅe, anịanịa anị ẹrẹḅọ ma tẹ mị siye mẹ mịẹ ḅọ mẹ kẹ ọmịna ogigo-aḅọkọ ma ḅo ḅa tẹ ḍụḅarị kẹ anị owiḅọ ḅe, anịanịa anị ẹrẹḅọ ma gbin ḅaa ḅa.

Ditẹrọnọmị 17:5 Iomraidhean Croise

Jobu 31:28

miemẹ sọ mịẹ-irima sọ tẹ ḅẹrẹkọn-apụ ma fomu-ḅara pẹlẹ anị pịrị ḅa, kẹ gotẹ ọkọ ḅẹẹarị, mgbe àrị ọgọnọ-jụ Tamụnọ ḅụụ ofori-ofori tomḅọ sọ tẹẹ.

Paka-so 22:19

“Ḅẹḅọ-ḅẹḅọ tẹ nama na gboloma ḅọ, gboloma ḅọ ọmịnị mḅọ ḅaa ḅa.”

Lẹvitikọsị 20:2

“Izirẹlịapụ ma ḅẹẹ, Izirẹlị ḅẹ apụ ma ḅụ, anịanịa igoniapụ tẹ Izirẹlị ḅụ angarị apụ ma ḅụ, ḅẹḅọ-ḅẹḅọ tẹ amịna awọmẹ ḅụ ḅẹḅọ-ḅẹḅọ kẹ Molẹkị nwẹn-sịn oru-tamụnọ ḅe pịrị ḅọ pịrị ḅọ, ini mḅọ ḅaa ḅa; ama mẹ ḅẹ apụ ḍụḅarị kẹ mḅọ gbin ḅaa ḅa.

Lẹvitikọsị 24:14

“Kobiri-ogbo mẹ ogbo-ḅio ḅụ ori ḅe tẹ ye karị ḅọ ḅe pakama-ḅo tẹ inima tẹ ò ye mẹ karị tẹ naa apụ ma ịna aḅara kẹ ọ̀ sịḅị ọgọnọ gbana, anịsakị yee tomina-ogbo mẹmgba ḍụḅarị kẹ ò gbin ḅaa.

Lẹvitikọsị 24:16

Oriḅe tẹ KỊNỊNYANAḄỌ ḅe ẹrẹ fie sima ḅọ, sima ḅọ, ini mḅọ ḅaa ḅa, tomina-ogbo mẹmgba ḍụḅarị kẹ mḅọ gbin ḅa; igoniḅọ ḅe na, ama-kuḅu ḅẹ ḅọ ḅe na gbọrụ ḅara, mḅọ Tamụnọ Ẹrẹ fie sima, sima, ini mḅọ ḅaa ḅa.”

Ditẹrọnọmị 13:5

Kụma anị ịkịankoroḅọ ḅe, anịanịa anị ḍawọ-puuḅọ ḅe ini ọ̀ ḅaa ḅa, gbala ọ̀ sịḅị-kụrọ toluma tẹ, KỊNỊNYANAḄỌ ọmịna Tamụnọ ḅe tẹ Ijiputi ḅẹ ama mẹ ḅio ọ́ pakama-ḅo, tẹ omoni-sọ anga mẹ ḅio ọ́ pakịrị ḅọ ḅe na tụḅụrụ ye tolumam ẹrẹsị, kẹ ó mịẹtẹ ọmịnị etela mẹ tẹ KỊNỊNYANAḄỌ ọmịna Tamụnọ ḅe tọnm ọ́ mẹnjị ḅẹẹ ye mẹ wẹrịso ḅẹ ḅara. Mị-ḅara mie ọ́ kẹ ọmịna ogbo-ḅio siye mẹ sịkịrị sin ḅarị ḅara.

Ditẹrọnọmị 17:4

tẹ ini anị ḍuko ọ́ pịrị tẹ ọmịnị anị gboloma ye naa tẹ; anịtẹrẹmẹ ọmịnị iḅiọkụ gbela ḅa, tẹ anị tụkụma ḅara ḅụ karakaraye sọm mịnẹ Izirẹlị ḅụ ọkọ sime tọn-tọnye mịẹ tẹ ḅẹḅẹ,

Ditẹrọnọmị 21:21

Anịtẹso ọkụma opu ama mẹ ḅẹ owiapụ mamgba ḍụḅarị kẹ ò gbin ḅaa ḅa; mị-ḅara mie ọ́ kẹ siye mẹ sịkịrị siin ḅarị ḅara ọmịna ogbo-ḅio ḅụ; anịsakị Izirẹlị mẹmgba naa tẹ ḅalafa ḅa.

Ditẹrọnọmị 22:21

anịrẹ ini ẹrẹḅọtụḅọ ma pakama-ḅo ḅa á ḍa warị ḅọkọ ḅụ, tẹ opu ama mẹ ḅẹ owiapụ ma ḍụḅarị kẹ á gbin ḅaa ḅa; gbala á sẹfị oḅori mịẹye mịẹ tẹ ẹrẹsị á ḍa warị ḅio Izirẹlị ḅụ. Mị-ḅara mie ọ́ kẹ ọmịna ogbo-ḅio ḅụ siye sịkịrị sin ḅarị ḅara.

Ditẹrọnọmị 22:24

anịrẹ ọmịnị ini maa apụ ma pakama anị opu ama mẹ ḅẹ ogigo-ḅọkọ mẹ ḅo ḅa, tẹ ḍụḅarị kẹ ịn gbin ḅaa ḅa gbala ẹrẹḅọtụḅọ ma opu ama mẹ ḅio emi sọ ḅarasụa gotẹ oloku-a; anịsakị owiḅọ ḅe, ori ọ̀ mịnaḅọ ta pilemam ẹrẹsị; mị-ḅara mie ọ́ kẹ ọmịna ogbo-ḅio ḅụ siye mẹ sịkịrị siin ḅarịye.

Jọsụwa 7:25

Jọsụwa nwẹnị ḅẹẹ, “Í tiegotẹ ḅụụ-fụka ọkị-ḅo wamịna ọgọnọ gbana? KỊNỊNYANAḄỌ ḅe mịmgba ḅụụ-fụka ọkị-ḅo ị́ ọgọnọ gbana tẹ.” Tẹ Izirẹlị mẹmgba ḍụḅarị kẹ ò gbin tẹ fịnị kẹ ịn dọkịmam.

Ḅẹrẹkọn-apụ 6:31

Kụma Johasị nwẹnị inimgba tẹ ọ̀ da-paka ḅẹ ḅụụ tẹlẹma apụ ma ḅẹẹ, “Ọ́ ḅẹrẹ ịgbanị Balị pịrị ḅẹ? Anịanịa ọ́ mịẹye ḅụ sịẹ ọ̀ pịrị ḅẹ? Ḅẹḅọ-ḅẹḅọ tẹ ḅẹrẹ ịgbanị ọ̀ pịrị-ḅọ pịrị-ḅọ ini mḅọ ḅaa ḅa dede-ḅio mẹ ḅụ. Ori nwẹnị tamụnọ ḅẹḅẹ yee ọ̀ ḅẹrẹ ịgbanị amịna ḅụụ pịrị, kẹ gotẹ ọkọ ḅẹẹarị, ori ebeka mie ịn sukuruma-gbin ye.”