Ditẹrọnọmị 17:2 - FỊAFỊA BAỊBỤLỤ

² Ọmịna ama ma tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama ma ḅụ, ḅẹ ama, ḅẹ ama ḅio, ọmịna ogbo-ḅio gbọrụ owiḅọ, anịanịa, gbọrụ ẹrẹḅọ, tẹ KỊNỊNYANAḄỌ ọmịna Tamụnọ ḅe ḍiki-tọrụ ḅụ, ori ọḅọkụ kan ḅụ siye mịẹ tẹ ọ́ ḍọkị-ẹrị-ẹrị,

Ditẹrọnọmị 17:2 Iomraidhean Croise

2 Amadapụ 18:12

gbala ịn KỊNỊNYANAḄỌ ịna Tamụnọ ḅe ḅịḅị poki-a, pịkị ori ọḅọkụ mẹ sima, jen-a jen-a Mozizi KỊNỊNYANAḄỌ ḅe fịrịmẹnjịḅọ ḅe tọn ye mẹ; ini anị poki-a pịkị ọ̀ ḅịḅị poki-a.

2 Amadapụ 21:3

Kẹ gotẹ ọkọ ḅẹẹarị, ò siin oru awarị ma namam, ọ̀ ḍa Hẹzịkaya kan aị ma; tẹ nwẹnị tọnwa ebeka nama Balị pịrị, Ehabụ Izirẹlị ḅẹ amadaḅọ ḅe wẹrịtẹ mịẹ tẹ sunsin tẹ fịrịmẹnjị kẹ So-ḅio sime aị mamgba piri ḅara.

Jobu 31:28

miemẹ sọ mịẹ-irima sọ tẹ ḅẹrẹkọn-apụ ma fomu-ḅara pẹlẹ anị pịrị ḅa, kẹ gotẹ ọkọ ḅẹẹarị, mgbe àrị ọgọnọ-jụ Tamụnọ ḅụụ ofori-ofori tomḅọ sọ tẹẹ.

Paka-so 22:19

“Ḅẹḅọ-ḅẹḅọ tẹ nama na gboloma ḅọ, gboloma ḅọ ọmịnị mḅọ ḅaa ḅa.”

Paka-so 22:20

“Ḅẹḅọ-ḅẹḅọ tẹ KỊNỊNYANAḄỌ ḅe sikima agba mịẹ ḅẹẹ oru-tamụnọ, oru-tamụnọ pịrị ḅọ pịrị ḅọ, ịn gbọrsịḅị mḅọ ḅaa ḅa.”

Jerimaya 31:32

Anị à kẹ ịna elemu aḍapụ na fị ọḅọkụ mẹ na kịka ḅịa, anie à ḅara kẹ ini ọlọ tẹ Ijiputi ḅio ịn kẹ mẹnjị paka sakị mẹ. Arị ini na sime-ḅara ḅụ à diḅọ kịkam sọ; ini anị ọḅọkụ mẹ koko-a.

Jerimaya 34:18

Tomi ma tẹ ị̀ ọḅọkụ mẹ sima tẹ ị̀ tọrọkọ ḅụ ịn fị ọḅọkụ mẹ ḍuko ḅara mẹ mịẹ-a apụ ma. Ịn kẹ ọḅọkụ mẹ mịẹ kụrọma ḅẹ tẹ kẹ maaịn pẹlẹ tẹ maa apakịrị ma ogboku mẹnjị ḅọrọ nambulo ḅe pẹlẹ ḅara mie à kẹ ịn pẹlẹ kọsịma ḅarị ḅara.

Izikẹlị 16:38

À sẹfị na kịnị-ḅa na ḅẹrẹ-pẹlẹ ị́ ọgọnọ gbana ḅa, tẹ ị̀ opu ịganị ḅụ à fịị kẹ í fomu ḅa.

Hosiya 6:7

Ini amakiri mẹ sọ-mu gbọrụ-kirikiri, ini Adamụ kịka tẹ àrị ini na mịẹ ọḅọkụ mẹ kanm.

Hosiya 8:1

KỊNỊNYANAḄỌ ḅe ḍukoarị, “Akusa farị ama sịn! Wamịnị na fịya-a apụ igo amẹẹ kịka tẹ gbiima fiin ḅo ị̀ amakiri ḅụ sara tẹẹ! Ị̀ atomi àrị ini na mị ọḅọkụ mẹ sima tẹ pịkị kọngọ-kụrọma ị̀ tolumaye pịrị tẹẹ.

Lẹvitikọsị 20:2

“Izirẹlịapụ ma ḅẹẹ, Izirẹlị ḅẹ apụ ma ḅụ, anịanịa igoniapụ tẹ Izirẹlị ḅụ angarị apụ ma ḅụ, ḅẹḅọ-ḅẹḅọ tẹ amịna awọmẹ ḅụ ḅẹḅọ-ḅẹḅọ kẹ Molẹkị nwẹn-sịn oru-tamụnọ ḅe pịrị ḅọ pịrị ḅọ, ini mḅọ ḅaa ḅa; ama mẹ ḅẹ apụ ḍụḅarị kẹ mḅọ gbin ḅaa ḅa.

Lẹvitikọsị 26:15

ọmịnị ì oloko kẹẹ-koro wararị aị ma sịkị, tẹ kụrọ ḅara-ḅio emi ḅọ ḅara ḅụ à sụa oloko ma ọmịna aḅụụ si tẹ anie ḅụ ọ́ ḅarị ì oloko mamgba koko tẹ mịẹ-a kụma ị̀ ọḅọkụ mẹ kan ḅẹḅẹ;

Lẹvitikọsị 26:25

Àrị ọmụ ọkị-ḅo ọmịna ọgọnọ gbana ḅa, tẹ gbẹẹfị ḅii ọḅọkụ mẹ pịrị ḅa; tẹ ọ́ nwẹnị ọmịna opu ama ma ḅio kobiri, kobiri, sime, sime arị ama gbaịn obi kẹ ọmịna ogbo-ḅio fịrịma ḅa, tẹ ọmịnị na fịya-a apụ ḅara-ḅio ini ọ́ ḅọrọma suu ḅa.

Ditẹrọnọmị 17:5

anịrẹ ọmịnị anị owiḅọ ḅe, anịanịa anị ẹrẹḅọ ma tẹ mị siye mẹ mịẹ ḅọ mẹ kẹ ọmịna ogigo-aḅọkọ ma ḅo ḅa tẹ ḍụḅarị kẹ anị owiḅọ ḅe, anịanịa anị ẹrẹḅọ ma gbin ḅaa ḅa.

Ditẹrọnọmị 29:18

Ọmịnị ọmịna aḅụụ ẹbị anieofori ọmịna ogbo-ḅio gbọrụ owiḅọ, anịanịa ẹrẹḅọ, anịanịa gbọrụ ere-furo, anịanịa furo tẹ amịna ḅioḅẹngbọ mịmgba KỊNỊNYANAḄỌ wamịna Tamụnọ ḅe ḅụụ vuunma pịkị-so tẹ mu fịrịmẹnjị arị opu asịẹ ma ḅẹ oru-atamụnọ ma pịrị ḅẹ ḅọ ḅofa paka-ḅo; anieofori ọmịna ogbo-ḅio kịnị-ḅaaḅa akụarị sịnmgbọlị sụa gbọrụ sịn-kuno ḅofa paka.

Ditẹrọnọmị 29:25

Anịtẹso ọkụma tomi nwẹnị ḅẹẹ ḅa: Anị gotẹ ọkọ mịẹ ye, ịn KỊNỊNYANAḄỌ ịna aḍapụ ma Tamụnọ ḅe ọḅọkụ mẹ tẹ ori Ijiputi ḅẹ ama mẹ ḅio ini ọkị-ḅo sakị mẹ ḅụ ini na fị ye mẹ sịkịm,

Ditẹrọnọmị 31:20

Kẹ gotẹ ọkọ ḅẹẹarị, àrị ịn ọkị-ḅo ḅụụ-ḅẹlẹmatẹ iḅiọkụma fịye so-pakamarị amakiri mẹ, anie à ye karị ḅara ḅụ kẹ ịna aḍapụ ma pịrị ḅẹ minini ye mẹ, tẹ ịn fịye fị ịna furo ḅinma tẹ ḅẹlẹkị sụa sakị, ịn tọrụ pịkị oru-atamụnọ da tẹ fịrịmẹnjị ịn pịrị, tẹ ì ḍiki-sima tẹ ị̀ ọḅọkụ mẹ kan ḅa.

Ditẹrọnọmị 4:23

Ọmịnị ọmịna aḅụụ ẹbị, anieofori ó ḅofa KỊNỊNYANAḄỌ ọmịna Tamụnọ ḅe ọḅọkụ mẹ tẹ ori ọmịnị na fị ye mẹ kẹ ḅioḅọrọma, tẹ ḅẹẹye-ḅẹẹye kịkama tẹmẹ ọmịna aḅụụ pịrị, aniemẹ tẹ KỊNỊNYANAḄỌ ọmịna Tamụnọ ḅe kẹ tọn-tọnye sọma ọ́ pịrị tẹ ye mẹ.

Hiburu 10:28

Mozizi Oloko mẹ kan ḅọ, kan ḅọ, tẹ maa apụ, anịanịa ọkọ nẹngị apụ, paka-ḅo in nimi ḅara ḍuko, tẹ ḅẹrẹ mẹ mḅọ ọlọ-ọlọọ, gbọrụ ọkụrụkụrụ sọ nyana mḅọ pịrị-a ḅara ḅụ ini mḅọ ḅaa ḅaam.

Jọsụwa 23:16

Ọ́ KỊNỊNYANAḄỌ ọmịna Tamụnọ ḅe ọḅọkụ mẹ tẹ ọ̀ tọn ọ́ pịrị ye mẹ ḅụ mịẹ-irima tẹ mu fịrịmẹnjị oru-atamụnọ pịrị tẹ sịḅị-tuu ịn pịrị-pịrị, anịrẹ mie KỊNỊNYANAḄỌ ḅe ịganị kẹngẹma ọmịna ọgọnọ sara tẹ ọ́ fọnya ḅara ḅụ iḅi ama mẹ tẹ ọ̀ kẹ ọ́ pịrị tẹ ama mẹ ḅụ fịị fa ḅarịye.”

Jọsụwa 7:11

Izirẹlị si mịẹ tẹ; ị̀ ọḅọkụ tẹ à tọn ịn pịrị ye mẹ ini anị kan tẹẹ; ‘Sime ḅaa na gulugulma na pịrị aị’ ma ḅẹ jaị ịn nwẹn ọkị tẹẹ; ịn furu tẹ ọkị ịna soku-ḅẹ aị ḅụ sụa tẹ iruo tẹẹ.

Jọsụwa 7:15

Anịsakị oriḅe tẹ ‘Sime ḅaa na gulugulma na pịrị aị’ ma na emi ḅọ ḅe ịn fịnị kẹ ori na, ọ̀ nyana aị mamgba na dọkịma ḅa; gbala ọ̀ KỊNỊNYANAḄỌ ḅe ọḅọkụ mẹ kanm, tẹ pịkị ḅụụ-jịrịma ye mịẹ tẹ ẹrẹsị Izirẹlị ḅụ.”

Ḅẹrẹkọn-apụ 2:20

Anieḅụ KỊNỊNYANAḄỌ ḅe ịganị kẹngẹma Izirẹlị ọgọnọ saram, tẹ ọ̀ nwẹnị ḅẹẹ, “Mịna atomi ma arị ịna aḍapụ na fị ọḅọkụ tẹ tọn ịn piri aị ma kan tẹ, tẹ ḅarị ị̀ pọkọ poki-a ẹrẹsị,

Ḅẹrẹkọn-apụ 6:31

Kụma Johasị nwẹnị inimgba tẹ ọ̀ da-paka ḅẹ ḅụụ tẹlẹma apụ ma ḅẹẹ, “Ọ́ ḅẹrẹ ịgbanị Balị pịrị ḅẹ? Anịanịa ọ́ mịẹye ḅụ sịẹ ọ̀ pịrị ḅẹ? Ḅẹḅọ-ḅẹḅọ tẹ ḅẹrẹ ịgbanị ọ̀ pịrị-ḅọ pịrị-ḅọ ini mḅọ ḅaa ḅa dede-ḅio mẹ ḅụ. Ori nwẹnị tamụnọ ḅẹḅẹ yee ọ̀ ḅẹrẹ ịgbanị amịna ḅụụ pịrị, kẹ gotẹ ọkọ ḅẹẹarị, ori ebeka mie ịn sukuruma-gbin ye.”