Ditẹrọnọmị 17:16 - FỊAFỊA BAỊBỤLỤ

¹⁶ Anị ḅio sime gberie anie ọ̀ tọnwa asụ nyana ọ̀ ḅụụ pịrị ḅẹ ḅii nyana ḅịa, anịanịa tọnwa asụ nyana gotẹ mịẹtẹ tomi ma pịkịma Ijiputi mu ḅịa, KỊNỊNYANAḄỌ ḅe ọ́ ḅẹẹ tẹ: Gbala-gbala ọ́ ḅarị jen-maaịn kẹ pịkịma anị etela mu ma nwẹn ḅẹẹ sakị.

Ditẹrọnọmị 17:16 Iomraidhean Croise

2 Samụẹlị 8:4

Devidi ọ̀ ḅara ḅụ asụ-dọkụ-ọmụapụ kịnị inia ẹndẹ sọnọa si finji (1,700) na, ḅụọ kẹ mẹnjịarị ọmụgbin-apụ kịnị maa apuku, oyi ẹndẹ finji (20,000) na ọkịm; tẹ Devidi nwẹnị kirimẹnjị-ọmụarụ ma ḅẹ asụ mamgba aḅụọ pẹlẹ-pẹlẹ-siin fama, kụma nwẹnị kirimẹnjị-ọmụarụ sọnọa si na-iḅi ḅẹ asụ kọnma.

1 Amadapụ 1:5

Mịọkụ mẹ Abusalọmụ fịị tẹ ḅẹẹ-sakị, Adonịja, Devidi na Agiti na iyi owiḅọtụḅọ ḅe anie omongiḅọ tẹịnḅọ ḍumo wararị apụ ma ḅụụ. Ọ̀ nwẹnị ọ̀ ḅụụ saakị-gelema tẹ ḅẹẹ, “Yẹrị mie amadaḅọ ḅe sọ ḅarị ḅọ.” Ọ̀ kpọma owiḅọ iḅi kọnm. Ọ̀ nwẹnị kirimẹnjị-arụ na, asụ-dọkụ-ọmụapụ na, pịkị kịnị amesi oyi finji tẹlẹma ọ̀ ḅụụ pịrị anie ọ̀ panmu ḅarị apụ.

1 Amadapụ 4:26

Sọlọmọnị ḅio si sọnọa puku (40,000) nyana tẹ kẹ ò kirimẹnjị-arụ ma ḅẹ asụ na, pịkị asụ ọgọnọ ḅẹ ọmụgbin apụ kẹ ọmụgbin ḅarị asụ gbọrụ puku oyia ẹndẹ finji (12,000) na kokom.

1 Amadapụ 5:6

Anịẹrẹsị ị́ atomi fịrịma Lẹbanọnị mu tẹ sida pẹlẹ koroma ị̀ pịrịị. Ị̀ atomi inina kọrị ḅa, tẹ à nwẹnị í ḍuko pẹlẹ ye pẹlẹ ye kẹ ị́ atomi ma gbẹẹ ḅa. Í nimi ḅara ḅụ ị̀ atomi ma ini í atomi opu sịn pẹlẹ ḍịn ḅara ḍịn-a.”

2 Paka-aị 1:16

Sọlọmọnị fịrịma, fịrịma ḅoarị asụ ma Ijiputi na, Kuwe (in kẹ Silisiya sịn-arị anga) na ḅụ mie arị ḅoarị ye tẹ amadaḅọ ḅe tuḅokọn apụ ma nwẹnị Kuwe ḅụ gbọrụ ḅịḅị kẹ arị da-da ḅoarị.

2 Paka-aị 9:25

Sọlọmọnị asụ na, kirimẹnjị-ọmụarụ na koko anga ḅẹ oyi ẹndẹ (4,000) na, asụ-dọkụ-ọmụapụ ḅụụ kịnị ẹndẹ suei (12,000) na nyanam, inima tẹ ọ̀ kẹ kirimẹnjị-ọmụarụ simearị opu ama ma na, Jeruselemu ḅụ na koroma amadaḅọ ḅe pịrị apụ ma.

Devidi-Anume 20:7

Japụ ḅioḅẹngbọ kẹ ịna akirimẹnjị-ọmụarụ ọgọnọ gbanarị, tẹ jen-apụ ịna asụ ma ọgọnọ, kụma wamịnị KỊNỊNYANAḄỌ, wamịna Tamụnọ ḅe kụrọ mie wamịna ḅiokpọ.

Paka-so 13:17

Fero tomi ma wẹrịso tẹ ịn so sakị, Tamụnọ Filisiteniapụ ma ama ḅẹ etela ḅụ ịn ḅọrọma ḅo-a, anị etela mẹ kpeki wararị ḅẹsọ; gbala Tamụnọ ḅẹẹm, “tomi ma ḅofa tọrụngbọ kẹ ọmụ ẹrị tẹ ịna ḅioḅẹngbọ pịkị tẹ pịkịma-so Ijiputi mu,” ẹrẹsị.

Paka-so 13:18

Kụma Tamụnọ ịkpa mẹ ḅẹ etela mẹ ḅụ ikelema Awụ Tọrụ mẹ da-mu ḅụ etela kẹ tomi ma ḍiem. Tẹ Izirẹlịapụ ma ḅụụ tẹlẹma owu pịrị tẹ ḅara kẹ Ijiputi ama ḅụ mẹnjị pakam.

Paka-so 14:13

Mozizi nwẹnị tomi ma pakịrị, “Ọ́ ḅalafa ma, ọ́ sịẹ-kụrọọ, tẹ tọrụngbọ kẹ KỊNỊNYANAḄỌ ḅe ḅọrọma mẹ tẹ mịmgba ọ̀ kọrị ọ́ pịrị ḅarịye mẹ ẹrịị: kẹ gotẹ ọkọ ḅẹẹarị, Ijiputi-ḅẹ-apụ ma tẹ ọ́ mịmgba ẹrịarị apụ ma ọ́ gbala-gbala ḅarị jen-maaịn kẹ ini ẹrị ḅịa.

Ayịzaya 2:7

Ịna amakiri mẹ ḅụ seleḅa na golu na ḅin tẹ, tẹ in kiki ofori ḅara kẹ ngọ-kọn sara tẹ. Ịna amakiri mẹ ḅụ asụ-asụ-asụ ḅin tẹ, tẹ in kiki ofori ḅara kẹ kirimẹnjị-ọmụarụ nyana sara tẹ.

Jerimaya 42:19

Anịtẹso à paa ẹkwẹn tọrọkọ mum, “KỊNỊNYANAḄỌ ḅe ḍuko ọmịnị Juda ḅụ kirikọn-apụ ma pịrị tẹ ọmịnị Ijiputi mu ma. Tẹ mie ḅụ àrị ọmịna aḅeri nụnụarị mịọkụ

Izikẹlị 17:15

Kụma Juda ḅẹ amadaḅọ ḅe kọngọ-kụrọma tẹ kịnị kẹ Ijiputi fịrịma mu asụ amẹẹ na opu ọmụ-ogbo na nyana ḅẹm. Anị ò ḅii ḅara paka ḅẹ? Ori inetẹ pụkọ-so ḅẹ? Ori inetẹ ọḅọkụ mẹ kan tẹ fomu-ḅara da-a ḅara kẹ so ḅịa!

Hosiya 11:5

Ịn ḍụkụ tẹ pịkị ị̀ ḍọkụma-ḅoa, tẹ mie ḅụ ịn pịkị Ijiputi mu nyanam, tẹ Asiriya ḅẹrẹtọn ịn pịrị ḅa.

Hosiya 14:3

Gbala-gbala Asiriya inetẹ wa ḅọrọma ḅịa, tẹ ọmụgbin-asụ inetẹ wa gbaịn ḅọrọma ḅịa. Wa ḅarị jen kẹ wamịna oru-afụḅara ma ḅẹẹ ḅịa mịnẹ arị wamịna Tamụnọọ. Yei KỊNỊNYANAḄỌ, ọkụrụkụrụ nyana jen ịn dama-mu tẹ ḅarasụa nyana ḅẹ anga ofori apụ pịrịarị ḅọ.”

Mayịka 5:10

Anị ene mẹ ḅụ, yẹrị KỊNỊNYANAḄỌ ḅe ọmịna asụ ma pẹlẹ-siin ḅa ọmịna ogbo-ḅio tẹ ọmịna kirimẹnjị-ọmụarụ ma sima ḅa.

Ditẹrọnọmị 28:68

Anịsakị KỊNỊNYANAḄỌ ḅe pịkị ọ́ kẹ pịkị Ijiputi ḅo ḅa tọnwa opu onwi-arụ ḅio ḅụ, igoni tẹ à mininim mịnẹ ọ́ gbala-gbala ḅarị sin mu ḅịa anga mẹ; tẹ anịjụ ḅụ ọmịnị ọmịna aḅụụ kẹ ọmịnị na fịya-a apụ ma dẹrị ḅẹ ḍọkị ḅa owiapụ na, ereme na omoni ḅara ḅụ ini ọ́ fẹẹ, kụma gbọrụ tomḅọ sọ ọ́ fẹẹ ḍụkụ ḅịa.”

1 Samụẹlị 8:11

Ori ḅẹẹm, “Mịna aḅara ma mie amadaḅọ ḅe tẹ ama mẹ da ọ́ pịrị ḅarị ḅọ ḅe etela ma sime ḅarị ḅara: ori ọmịna owiapụ-awọmẹ ma ọkị tẹ in tọn ò kirimẹnjị-ọmụarụ pịrị na, ori asụ-dọkụ-ọmụapụ na, ori kirimẹnjị-ọmụarụ ma tọrọkọ mangị-na-koro-na apụ mịẹ ḅa;