Ditẹrọnọmị 17:12 - FỊAFỊA BAỊBỤLỤ

¹² Tomḅọ ḅe tẹ amịna ḅiotọn ḅara tọn ḅara kẹ ye mịẹ ḅụ anịjụ sịẹsime tẹ KỊNỊNYANAḄỌ ọmịna Tamụnọ ḅe tọrọkọ fịrịmẹnjịarị agbamịẹḅọ ḅe, anịanịa ḅẹrẹkọnḅọ ḅe ḅịḅị poki-a ḅọ, poki-a ḅọ, anị tomḅọ ḅe mḅọ fịị ḅa; mị-ḅara mie ọ́ kẹ Izirẹlị ḅụ siye mẹ sịkịrị sin ḅarịye.

Ditẹrọnọmị 17:12 Iomraidhean Croise

Ẹzịra 10:8

anịsakị ḅẹḅọ-ḅẹḅọ tẹ tẹra aḍin ḅụ ḅo la-a ḅọ goḅọ-goḅọ, fịrịmẹnjị-opuapụ ma na omongiapụ ma na tọn ḅara ḅụ, mḅọ nyana ye mẹmgba in tan-ọkị fama ḅa, tẹ omoni ḅara-ḅio paka-ḅo apụ ma tomina-ogbo mẹ ḅio mḅọ tọrụ fama ḅa.

Devidi-Anume 19:13

Pịkị tọrụ-gelegele mịẹarị asi ḅụ ị̀ wẹrị ḅelemaa; ḍụkụ tẹ arị ḅẹrẹtọn ị̀ pịrị ma. Anịsakị à kara-gbasị tẹ si mịẹ ye ḅụ paka-ḅo ḅa.

Egberima-Ẹkwẹn 21:11

Gbọrụ ḅụụ-gelema ḅọ amịna fomu-ḅara daarị sakị, kuroma nyana-a ḅọ sọ anị ḅụ ye-ḍawọarị. Ye-nimiḅọ mẹ ịn kẹ mḅọ toluma tẹ ye ḅụ ḅọrọ ye-ḍawọ ḅa.

Hosiya 4:4

KỊNỊNYANAḄỌ ḅe ḅẹẹarị, “Yee gbọrụḅọ-sọ ḅẹrẹ kẹ tomi ma sịḅị sẹịn ma, anịanịa in ḍiki-ịganị — ọmịnị agbamịẹapụ ma mie à ḍuko-sụa nyana pịrị apụ.

Zẹkaraya 3:7

Kụrọmamgba nyana KỊNỊNYANAḄỌ ḅe ḍuko tẹ, “Ị́ ị̀ ḅịḅị poki tẹ ì oloko ma na ị́ mẹnjị ḅẹ tẹ à tọn ị́ pịrị afịrị ma na mịẹarị ḅẹḅẹ, anị sakị rẹ mie í sime tọrọkọ mu tẹ ị̀ Warị mẹ na anị ḅẹ ogigo ma na daarị ḅọ sọ ḅarịye, tẹ arị ị́ atẹkẹ naa ḅa, arị ị̀ tọrọkọ sịẹarị enjẹlị ma atẹkẹ naarị gbọrụ ḅara mẹ.

Kịẹn-aḅịḅị 15:30

“Kụma tomḅọ tẹ nimi tẹ opu amịẹaị mịẹ ḅara kẹ ḅẹẹye-ḅẹẹye mịẹ ḅọ, mịẹ ḅọ, mḅọ ḅọrọ ama-kuḅu ḅẹ ḅọ-o, igoniḅọ-o, mḅọ KỊNỊNYANAḄỌ ḅe kẹ inene sịịnm, anịsakị anị tomḅọ mẹ, mḅọ atomi ogbo-ḅio ḅụ ini mḅọ pẹlẹ-siin ḅa.

Kịẹn-aḅịḅị 15:31

Gbala mḅọ KỊNỊNYANAḄỌ ḅe ẹkwẹn-ḅịḅị mẹ ḍiki-sima tẹ, tẹ ọ̀ tọn ye mẹ kan tẹ; anị tomḅọ mẹ ịn gbọrsịḅị mḅọ pẹlẹ-siin ḅa, anịsakị mḅọ mịẹ-irima mḅọ ọgọnọ sime ḅa.”

Matiyo 10:14

Tẹ gbọrụ warị, anịanịa ama, nwẹnị ọ́ daa-ọkịa, pịkị ọ́ kẹ mu oku mẹ poki ḍụkụ-a ḅẹḅẹ, ọmịnị anịanga mẹ koroma-soo, tẹ ó soarị sakị ọmịna aḅụọ oḅolo fọọn sọ ó gugu sara tẹrẹmẹ ó soo.

Luku 10:16

Jizọsị nwẹnị ò ḍukamẹnjịapụ ma ḅẹẹ, “Ó ḍuko ye naa ḅọ, naa ḅọ à ḍuko ye naa tẹ; ọ́ sịkị ḅọ, sịkị ḅọ ị̀ sịkị tẹ; ị̀ sịkị ḅọ, sịkị ḅọ pịkị ị̀ kẹ fịrịma ḅọ ḅe sịkị tẹ.”

Jọnị 12:48

Ḅẹḅọ-ḅẹḅọ tẹ ị̀ sịkịarị tẹ ì oku mẹ ọkị-a ḅọ, mḅọ kọn ḅarị ḅọ emi. Ị̀ ẹkwẹn ma mie mḅọ kọn ḅarịye kunoma ene mẹ ḅụ!

Jọnị 20:23

Ó si-wẹrịso kịnị pịrị-pịrị, ịna asi ịn wẹrịso ịn pịrị tẹ; ó si-wẹrịso kịnị pịrị-a pịrị-a, ịn pịkị si-wẹrịso pịrị nyana-a.”

1 Kọrịntị 5:13

Sọsị ḅẹ apụ-a tomi kọn mẹ anie Tamụnọ ḅẹrẹ. “Ọmịnị ọmịna ogbo ḅụ simearị si tomḅọ ḅe dee-siin.”

Ditẹrọnọmị 1:43

Àrị anị ḅara kẹ ẹkwẹn ọ́ pịrịm, kụma ó poki-a; ọ́ sịḅị-kụrọma KỊNỊNYANAḄỌ ḅe tọn ye mẹ pịrịm, tẹ ọmịna opu amịẹaị ḅụ mẹnjị iwo tụndụ ọgọnọ ḅẹ opu sịẹ mẹ ḅio sọ-mum.

Ditẹrọnọmị 10:8

Anị sakị ḅụ mie KỊNỊNYANAḄỌ ḅe Livayị furo mẹ sikima KỊNỊNYANAḄỌ ḅe Ọḅọkụ-Igbe mẹ dogi pịrị ye, KỊNỊNYANAḄỌ ḅe tọrọkọ sịẹsime tẹ fịrịmẹnjị ọ̀ pịrị, tẹ ori ẹrẹ ḅụ ye boma ḅo mịmgba lam.

Ditẹrọnọmị 13:11

Anịsakị Izirẹlị mẹmgba anị naa tẹ ḅalafaa ḅa, tẹ ọmịna ogbo-ḅio ḅụ gbọrụḅọ-sọ gbala-gbala ḅarị miemẹ kịkama si-sịḅịḅio-sụa ma.

Ditẹrọnọmị 13:5

Kụma anị ịkịankoroḅọ ḅe, anịanịa anị ḍawọ-puuḅọ ḅe ini ọ̀ ḅaa ḅa, gbala ọ̀ sịḅị-kụrọ toluma tẹ, KỊNỊNYANAḄỌ ọmịna Tamụnọ ḅe tẹ Ijiputi ḅẹ ama mẹ ḅio ọ́ pakama-ḅo, tẹ omoni-sọ anga mẹ ḅio ọ́ pakịrị ḅọ ḅe na tụḅụrụ ye tolumam ẹrẹsị, kẹ ó mịẹtẹ ọmịnị etela mẹ tẹ KỊNỊNYANAḄỌ ọmịna Tamụnọ ḅe tọnm ọ́ mẹnjị ḅẹẹ ye mẹ wẹrịso ḅẹ ḅara. Mị-ḅara mie ọ́ kẹ ọmịna ogbo-ḅio siye mẹ sịkịrị sin ḅarị ḅara.

Ditẹrọnọmị 13:6

Í iyimbere, í iyingi owiḅọtụḅọ, anịanịa í owiḅọtụḅọ, anịanịa ị́ ẹrẹḅọtụḅọ, anịanịa ị́ tẹmẹ ḅio sime taḅọ, anịanịa í ikiaḅọ tẹ ị́ ọkị ị́ tẹmẹ lama ḅọ ḅọị ḅara kẹ í toluma tẹ ḅẹẹm: Yee wa mu fịrịmẹnjị oru-atamụnọ pịrị, oru-atamụnọ tẹ ị́yẹrị, anịanịa ị́ aḍapụ sọ nimi-a ye;

Ditẹrọnọmị 17:13

Anịsakị tomi mamgba anị naa, tẹ ḅalafa ḅa, tẹ ḅarị jen-maaịn kẹ amịna ḅiotọn ḅara tọn ḅara kẹ ye mịẹ ma.

Ditẹrọnọmị 17:7

Ọ̀ ḅaa mẹ ḅụ ḅẹrẹ kiri sime apụ ma ḅara tomi mamgba ḅụ tarị tarị ọ̀ da-paka ḅa, tẹrẹmẹ tomi mamgba ḅo anị ḅụ sọ ḅa. Mị-ḅara mie ọmịnị ọmịna ogbo-ḅio siye mẹ sịkịrị sin ḅarị ḅara.

Ditẹrọnọmị 18:20

Kụma gbọrụ ịkịankoroḅọ tẹ ọkọ tẹ ị̀ ẹrẹ ḅụ gbọrụ ẹkwẹn-ḅịḅị tẹ amụ à tọn ọ̀ pịrị-a ye ḍuko anịanịa oru-atamụnọ ẹrẹ ḅụ ẹkwẹn ḅọ, ẹkwẹn ḅọ anị gbọrụ ịkịankoroḅọ ḅe ọ̀ fịị.

Ditẹrọnọmị 18:5

Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna afuro mamgba ḅụ ọ̀ sẹlẹ pakama-ḅom, tẹ ori na, ori owiapụ-awọmẹ na sịẹsime tẹ KỊNỊNYANAḄỌ ḅe ẹrẹ mẹ ḅụ fịrịmẹnjị gbamaso ḅẹ ḅara.

Ditẹrọnọmị 18:7

anị sakị mẹ ori inetẹ ò pembe Livayị furo-ḅẹ-apụ mamgba tẹ anịjụ fịrịmẹnjị ḅẹ KỊNỊNYANAḄỌ ḅe tọrọkọ sịẹsime apụ ma sịẹsime ḅara kẹ sịẹsime tẹ KỊNỊNYANAḄỌ ọ̀ Tamụnọ ḅe ẹrẹ ḅụ fịrịmẹnjị ḅa.

1 Tẹsalonịka 4:2

Kẹ gotẹ ọkọ ḍukoarị, KỊNỊNYANAḄỌ Jizọsị ḅe kụrọ ḅụ, wa sụa ọ́ pịrị oloko ma ó nimi wararị.

1 Tẹsalonịka 4:8

Anie ḅụ, mị tolumaye mẹ sịkị ḅọ, sịkị ḅọ, mḅọ tomḅọ sịkị-a, kụma Tamụnọ, amịna Fịafịa Tẹmẹ ḅe kẹ ọ́ pịrịarị ḅọ ḅe, mie mḅọ sịkịarị ye.

1 Timoti 5:20

Tomina ogboku ḅụ siye mịẹarị apụ mamgba ḍiki-ịganịị, mịẹtẹ kirikọn-apụ ḅalafa ḅarị ḅara.

Jọsụwa 1:18

Ḅẹḅọ-ḅẹḅọ tẹ sịḅị-kụrọma ị́ tọn ye pịrị tẹ ị́ ẹkwẹn-aḅịḅị poki-a ḅọ, poki-a ḅọ ị́ tọn mḅọ pịrị ye goyegoye ḅụ, sime fịị pịrị ḅa. Ị́yẹrị kịngẹ paa kụrọ sịẹ tẹ iḅi ḅiokpọ nyana.”

Ḅẹrẹkọn-apụ 20:13

Anịẹrẹsị mịọkụ ó Gibiya ḅụ nguronguro atomi ma pakama-ḅoo, mịẹtẹ wa ịn ḅaa ḅẹ ḅara, tẹ Izirẹlị ḅụ siye saakị sin.” Kụma Benijamịnị furo-ḅẹ-apụ ma ịna mịnapụ Izirẹlịapụ ma pọkọ poki ḅẹ ḅịa.

1 Samụẹlị 3:13

À ḍuko ọ̀ pịrịm mịnẹ arị ọ̀ warị fomu gbamaso ḅẹ-yearị, mịẹ-irima tẹ ò nimim, ori owiapụ-awọmẹ ḅịḅị kẹ Tamụnọ lamarị tẹ ori ịn dasịẹma-a ye gotẹ.