Ditẹrọnọmị 16:9 - FỊAFỊA BAỊBỤLỤ

⁹ Ọ́ sọnọma afẹnị-anga kịẹn ḅa; ọ́ tarị saakị mgbọlụ pẹlẹ ogie mẹ kẹ sịẹ, sịẹ wararị mgbọlụ ma pẹlẹ sakị ḅụ ọ́ saakị sọnọma afẹnị-anga ma kịẹn ḅa.

Ditẹrọnọmị 16:9 Iomraidhean Croise

2 Paka-aị 8:13

Ene-ene ḅẹ kọrịnama mẹ ḅii ḅara ḅii ḅara Mozizi agba mịẹ oloko mẹ wẹrịtẹ sime-ḅara ḅụ, Ịnyọsara-Ene ma na, ịwọ akalụ ene ma na, ịrụa kụra ḅụ kopini afịaị fị tẹra sakị ma ḅụ — anie sun-a fịturu kopini afịaị fị sakị mẹ na, feni anga-anga ḅụ fịarị kopini afịaị ma na, Ọḅọkụ-Igbe mẹ sime akpụrụ-awarị mẹ ḅẹ kopini afịaị na.

Paka-so 23:16

“Ó Fịye Soku Alalị fị ḅa ó ḍiḅi ḍụọ mẹ ḅẹ kọrịnama mẹ ḅụ ḅẹ tarị asịnmgbọlụ ḅụ.” “Kụra mẹ ḅẹ kunoma ọ́ ḍụọ ḅio ọ́ kọrị kọrịnama mẹ ḅẹ sịnmgbọlụ mẹ kobiri warị suu ḅarị sakị ḅụ ó Kobiri Warị Suu Alalị fị ḅa.

Paka-so 34:22

“Ọ́ fẹnị-anga-anga ḅụ fị-fị kopini afịaị alalị mẹ fịị, ịn kẹ witi sịn mbịaka mẹ ḅẹ tarị pẹlẹ aị ma fịye soku sakị ḅụ, na kụra mẹ kunoma ḅụ fịaị kobiri warị suu alalị mẹ na.”

Fịrịmẹnjịapụ 2:1

Pẹnitikọsị (anie Jizọsị fị-ḅụ-saakị tẹ ḍin amesi oyi finji karama ene mẹ) ḅụ ò minini apụ ma mu gbọrụ anga kobirim.

1 Kọrịntị 16:8

Mị yọ Ẹfisọsị ḅụ à sime mu Pẹnitikọsị ene la ḅa.

Ditẹrọnọmị 16:10

Anịtẹrẹmẹ ó fẹnị-anga, fẹnị-anga ḅẹ kopini afịaị alalị mẹ fị KỊNỊNYANAḄỌ ọmịna Tamụnọ ḅe pịrị ḅa, ọmịna ḅara ọ́ pakama-ḅo ye kẹ kuroma ḅụ ḅo agba mịẹ ḅụ, anie mẹ tẹ KỊNỊNYANAḄỌ ọmịna Tamụnọ ḅe wẹrịtẹ kẹ ó boma ḅara;

Ditẹrọnọmị 16:16

Anị anga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅẹ anga mẹ ḅụ ọmịna owiapụ mamgba tẹra asakị kẹ gbọrụ kụra ḅụ ḅụụ kẹ ọ̀ tọrọkọ ḅụ ò ḍie ḅa: sun-a fịturu kopini afịaị alalị mẹ ḅụ na, fẹnị-anga, fẹnị-anga ḅẹ kopini afịaị alalị ḅụ na, igurugu awarị kopini afịaị alalị mẹ na ḅụ. Ịn papaa ḅara kẹ KỊNỊNYANAḄỌ ḅe tọrọkọ ḅụ ḅụụ kẹ ò ḍie ma.

Hiburu 2:1

Anie mẹ mie wa gotẹ wa naa tẹ akarakara mamgba fịnama sịẹma na-iḅi ye, ọkọ-a kụma tomikiri mẹ ḅofa minji anị ḅio tẹịn-arị ye fọnọ-so ḅara kẹ wa fọnọ-so.

Rufu 2:23

Anieḅụ á Bohazi afịrịmẹnjị-ereme ma na kpeki-kpeki sime tẹ ḅara-kọnma-aị ma kolokolo nwenii ịn kẹ bali na witi na sịn afịaị ma soku mẹ kunomam, tẹ árị á di iyingi ma ḅụụ sọ tẹ árị na simem.