Ditẹrọnọmị 16:2 - FỊAFỊA BAỊBỤLỤ

² Anịsakị ọmịnị ọmịna anana na, oḅori na ogbo ḅụ, anịanịa nama ogbo mẹ ḅụ Saḅaḅọrọ-Alalị agba mẹ mịẹ KỊNỊNYANAḄỌ ọmịna Tamụnọ ḅe pịrị ḅa anị anga mẹ tẹ KỊNỊNYANAḄỌ ḅe sẹlẹ-ọkị tẹ mịẹtẹ ori ẹrẹ anị anga ḅụ sime ḅẹ anga mẹ.

Ditẹrọnọmị 16:2 Iomraidhean Croise

2 Amadapụ 23:21

Amadaḅọ ḅe nwẹnị tọn tomi mamgba pịrị, “Ọ́ Saḅaḅọrọ-Alalị mẹ wẹrị KỊNỊNYANAḄỌ ọmịna Tamụnọ ḅe pịrịị, anị wẹrịtẹ ọḅọkụ ḍiri mẹ ḅio kẹẹ ḅara.”

2 Paka-aị 35:7

Anịtẹso Saḅaḅọrọ-Alalị agbamịẹ-aị ḅara ḅụ Josaya kẹ ḅarasụa agbamịẹapụ-a apụ ma pịrị ḅụ anana na oḅori na ogbo mẹ ḅụ asambịrịma anana na, oḅori na, tẹra puku jei ẹndẹ finji (30,000) na, owi-nambulo sọnọma ẹndẹ na oyia asi finji (3,000) na kẹ emi apụ ma pịrịm; mịna aị ma amadaḅọ ḅe nyana aị ma ḅụ ḅom.

Kịẹn-aḅịḅị 9:2

“Yee Izirẹlịapụ ma tọn wararị sakị mẹ ḅụ saḅa-ḅọrọ Alalị mẹ fị mẹ koko.

Matiyo 26:17

Sun-a Fịturu Alalị mẹ ḅẹ tarị ene mẹ ḅụ, Jizọsị ḍukamẹnjịapụ ma ọ̀ dama-ḅo tẹ ò gbelam, “Í ḅiiarị wa Saḅa-ḅọrọ Fịye mẹ tẹlẹma ị́ pịrị ḅẹ anga tọ-anga?”

Matiyo 26:2

“Maa ḍin kọnm, ọmịnị sọ nimi ḅara ḅụ, Saḅa-ḅọrọ Alalị mẹ fị sakị mẹ la ḅa, tẹ Juu-ḅẹ-apụ ma Tomḅọ Tụḅọ ḅe saḅama igoniapụ ma pịrị tẹ ini ọ̀ kẹ ẹngbẹsẹ-sịn ḅụ ḅakụ ḅa.”

Makị 14:12

Sun-a Fịturu Alalị mẹ ḅẹ tarị ene mẹ ḅụ, anie Saḅa-ḅọrọ fịye mẹ ḅẹ anana ma ḅaa-ḅaa ene mẹ, Jizọsị ḍukamẹnjịapụ ma ò gbelam, “Ndẹẹ í ḅiiarị anga mịnẹ wa mu tẹ Saḅa-ḅọrọ fịye mẹ tẹlẹma ị́ pịrị?”

Luku 22:15

Ọ̀ nwẹnị ịn ḅẹẹ, “Anịngẹ-kụraḅio ọmịnị na Saḅaḅọrọ-Alalị mẹ fị tẹrẹmẹ à mu àrị ẹrị ḅẹ tọrụsiẹrị mẹ ẹrị mẹ ị̀ tarịm.

Luku 22:8

Jizọsị Pita na Jọnị na fịrịma tẹ ịn ḅẹẹm, “Ó mu tẹ Saḅaḅọrọ-Alalị fịye mẹ tẹlẹma tẹ wa ḅo fị.”

1 Kọrịntị 5:7

Mie ḅụ ọmịnị ọmịna ogbo ḅụ elemu ye sunma si saakị sin, mịẹtẹ ọ́ gbọrsịḅị fịafịa fama ḅarị ḅara. Anịtẹso ọ́ nwẹnị ḅo ịwọma fọị ḅẹ fịlawa kpo, tẹ ye sunma ye ofori ye, yẹrị ḅarana nimim ó sime karakara ḅara mẹ, sime ḅa. Kẹ gotẹ ọkọ ḍukoarị, mịọkụ Kịrayịsị, wamịna Saḅaḅọrọ-Alalị agba anana tụḅọ ḅe, ini ọ̀ ḅaa tẹ ḅẹ sakị, Saḅaḅọrọ-Alalị mẹ tẹlẹma fama tẹ.

Ditẹrọnọmị 12:11

anịtẹrẹmẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ tẹ mịẹtẹ ori ẹrẹ anịjụ sime ḅẹ anga mẹ, anịanga mẹ tẹ ọmịnị à tọn ọ́ pịrị aị mamgba: ọmịna dọkịma agbamịẹ-aị na, ọmịna agba ma na, ọmịna nyana-oyi-ḅụụ-gberie mẹ na, agba tẹ ọ́ mịẹ ḅẹ aị na, ịlọ tẹ ó minini KỊNỊNYANAḄỌ ḅe pịrị tẹ suma ḅẹ aị mamgba na kẹ ḅo ḅẹ anga mẹ.

Ditẹrọnọmị 12:14

Kụma anịanga mẹ tẹ KỊNỊNYANAḄỌ ḅe ọmịna afuro ma ḅẹ gbọrụ furo ḅio ḅụ sẹlẹ-ọkị anga mẹ ḅụ, anịjụ mie ọmịnị ọmịna dọkịma-agba ma mịẹ ḅarịye, anịsakị anịjụ mie ọmịnị à tọn ọ́ pịrịarị aị mamgba mịẹ ḅarị ye.

Ditẹrọnọmị 12:18

Kụma KỊNỊNYANAḄỌ ọmịna Tamụnọ ḅe tọrọkọ mie ọ́ fị ḅarịye anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅarị anga mẹ ḅụ, ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, Livayị furo-ḅẹ-apụ tẹ ọmịna ama ma ḅio sime apụ ma na; anịsakị ọ́ KỊNỊNYANAḄỌ ọmịna Tamụnọ ḅe Tọrọkọ ḍereku ḅa ọ́ nyana tẹ mịẹ ye, mịẹ ye mamgba ḅụ.

Ditẹrọnọmị 12:26

Kụma fịafịa aị ma tẹ ọmịnị ọkị-ḅo ḅẹ aị ma na, ọ́ kẹ ịlọ suma agba mịẹ ḅẹ aị ma na, ọmịnị arị ọkị kẹ anịanga mẹ tẹ KỊNỊNYANAḄỌ ḅe sẹlẹ-ọkị ḅẹ anga mẹ mu ḅa,

Ditẹrọnọmị 12:5

Kụma ọmịnị ọ́ KỊNỊNYANAḄỌ ọmịna Tamụnọ ḅe furo-furo mamgba ḅụ sẹlẹ pakama-ḅo ḅarị anga mẹ tẹ ori ẹrẹ kẹ sụa tẹ anịjụ kẹ ò sime anga mịẹ ḅẹ ḅara ḍọkị ḅa, anịjụ mie ó mu ḅarịye,

Ditẹrọnọmị 15:20

Anị anga mẹ tẹ KỊNỊNYANAḄỌ ḅe sẹlẹ-ọkị ḅarị anga ḅụ ọmịnị na, ọmịna warị-suku na kụra ḅụ KỊNỊNYANAḄỌ ọmịna Tamụnọ ḅe tọrọkọ anị pẹị ḅa.

Ditẹrọnọmị 16:1

Ọmịnị ịn kẹ Abibu sịn akalụ mẹ kẹ elekima sụa, tẹ Saḅaḅọrọ-Alalị mẹ fị-fị KỊNỊNYANAḄỌ ọmịna Tamụnọ ḅe pịrị; kẹ gotẹ ọkọ ḅẹẹarị, ịn kẹ Abibu sịn akalụ mẹ ḅụ, ḍin ḅụ mie KỊNỊNYANAḄỌ ọmịna Tamụnọ ḅe Ijiputi ama mẹ ḅio ọ́ pakama-ḅo ye.

Ditẹrọnọmị 16:3

Ọ́ suntẹ fịturu kẹ anị na fị ma; sọnọma aḍin ọ́ nwẹn kẹ sun-a fịturu kẹ anị na fị ḅa, tọrụsiẹrị fịturu mẹ — kẹ gotẹ ọkọ ḅẹẹarị, fọnya mangị ḅụ ọmịnị Ijiputi ḅẹ ama mẹ ḅio paka-ḅom — mịnẹ ọmịna ḍumo ene mamgba ḅụ ọmịnị inetẹ mịmgba mẹ tẹ ọmịnị Ijiputi ḅẹ ama mẹ ḅio paka-ḅo sakị mẹ kẹ ḅiokoroma ḅa.