Ditẹrọnọmị 16:11 - FỊAFỊA BAỊBỤLỤ

¹¹ anịsakị ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na, jen sịẹ ḅẹ igoniḅọ ḅe na, ḍa-na-iyingi-na-fịtẹ-awọmẹ ma na, diapụ-fịtẹ-ereme ma na tẹ ọmịna ogbo-ḅio simearị apụ ma na ḍereku ḅa anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị tẹ mịẹtẹ ori ẹrẹ mẹ sime ḅe anga mẹ ḅụ.

Ditẹrọnọmị 16:11 Iomraidhean Croise

Paka-so 20:24

Lịka mie ọ́ kẹ agbamịẹ-anga nama ị̀ pịrị ḅarịye, tẹ anị ọgọnọ ḅụ ọmịna anana ma na, ọmịna pootẹ-anambulo ma na kẹ dọkịma-agba ma na, dein-pịrị-agba ma na mịẹ ị̀ pịrị ḅarịye; à mịẹtẹ kịnị ị̀ ẹrẹ kẹ ḅiokoroma ḅẹ anga goyegoye ḅụ à ḅo tẹ ó boma ḅa.

Ayịzaya 64:5

Ị́yẹrị anie kuraye mịẹ ḅụ ḍerekuarị apụ daa-ọkịarị ḅọ, anie í ḅiiarị ịn kẹ ḍumo kọn ḅẹ ḅara kẹ ḅiokoromarị apụ. Ị́ wa ḍiki-ịganịm, kụma wa paa si mịẹ ma tọrọkọ-tọrọkọ mum; í opu ịganị ḅụ sọ wa paa kura-aye mịẹarị elemu sakị kụra ḅio.

Jowẹlị 1:16

Ḍikii! Wamịna tọrọkọ anị paka tẹẹ: wa soku-ḅẹ afịaị ma gulugulu fama tẹẹ. Wamịna Tamụnọ ḅe warị mẹ ḅio sọ ḍereku fa tẹẹ.

Habakọkụ 3:18

À paa ḍereku tẹ ḅioḅẹlẹ ḅa, KỊNỊNYANA-TAMỤNỌ ḅe anie ị̀ ḅọrọmaḅọ ẹrẹsị

Romu 5:11

Kụma anie ngẹrị-a, wa Nyanaḅọ Jizọsị Kịrayịsị ḅe tẹ wa kẹ Tamụnọ ikiapụ sọma ḅọ ḅe ḅụ, wa ḅọrọ tẹ Tamụnọ ḅụ ḅioḅẹlẹ nyana tẹ.

2 Kọrịntị 1:24

Wa ḅụụkụrọma tẹ ọ̀ wa tọn ḅara, tọn ḅara minini ḅẹ ḅara kẹ ọmịnị na mịẹ-a; wa nimi wararị mịnẹ mininiye mẹ ḅụ ọ́ sịẹ-kụrọ wararị. Anie nakara wa ọmịna ḅioḅẹlẹ gotẹ ọmịnị na kọrịnama kọrị gbolomarị.

Ditẹrọnọmị 12:12

Anịsakị ọ́ KỊNỊNYANAḄỌ ọmịna Tamụnọ ḅe tọrọkọ ḍereku ḅa, ọmịnị na, ọmịna owiapụ-awọmẹ na, ọmịna eremịna awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na ini ọmịnị na gbọrụ ḍiekiri, anịanịa sime anga sọ nyana-a ḅẹ sakị.

Ditẹrọnọmị 12:18

Kụma KỊNỊNYANAḄỌ ọmịna Tamụnọ ḅe tọrọkọ mie ọ́ fị ḅarịye anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅarị anga mẹ ḅụ, ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, Livayị furo-ḅẹ-apụ tẹ ọmịna ama ma ḅio sime apụ ma na; anịsakị ọ́ KỊNỊNYANAḄỌ ọmịna Tamụnọ ḅe Tọrọkọ ḍereku ḅa ọ́ nyana tẹ mịẹ ye, mịẹ ye mamgba ḅụ.

Ditẹrọnọmị 12:5

Kụma ọmịnị ọ́ KỊNỊNYANAḄỌ ọmịna Tamụnọ ḅe furo-furo mamgba ḅụ sẹlẹ pakama-ḅo ḅarị anga mẹ tẹ ori ẹrẹ kẹ sụa tẹ anịjụ kẹ ò sime anga mịẹ ḅẹ ḅara ḍọkị ḅa, anịjụ mie ó mu ḅarịye,

Ditẹrọnọmị 12:7

Anịjụ mie ọ́ KỊNỊNYANAḄỌ ọmịna Tamụnọ ḅe tọrọkọ fịye fị tẹ ḍereku ḅarịye, ọmịnị awarị suku na, ọ́ mịẹarị tẹ KỊNỊNYANAḄỌ ọmịna Tamụnọ ḅe kẹ ó boma aị mamgba ḅụ.

Ditẹrọnọmị 14:29

tẹ Livayị furo-ḅẹ-apụ ma tẹ ọmịnị na ḍiekiri anịanịa sime anga nyana-a apụ ma na, jen sịẹ ḅẹ igoniapụ ma na, ḍaḅọ-na-iyingiḅọ-na-fịtẹ-awọmẹ ma na, diapụ-fịtẹ-ereme ma na, tẹ ọmịna ama ma ḅio simearị apụ ma, ḅo fị furo ḅinma ḅa; mịẹtẹ KỊNỊNYANAḄỌ ọmịna Tamụnọ ḅe kọrịnama mamgba tẹ ọmịnị ọmịna aḅara kẹ kọrị-ye kọrị-ye ḅụ ó boma ḅẹ ḅara.

Ditẹrọnọmị 16:10

Anịtẹrẹmẹ ó fẹnị-anga, fẹnị-anga ḅẹ kopini afịaị alalị mẹ fị KỊNỊNYANAḄỌ ọmịna Tamụnọ ḅe pịrị ḅa, ọmịna ḅara ọ́ pakama-ḅo ye kẹ kuroma ḅụ ḅo agba mịẹ ḅụ, anie mẹ tẹ KỊNỊNYANAḄỌ ọmịna Tamụnọ ḅe wẹrịtẹ kẹ ó boma ḅara;

Ditẹrọnọmị 16:14

Ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na, jen sịẹ ḅe igoniḅọ ḅe na, ḍa-na-iyingi-na-fịtẹ-awọmẹ ma na, diapụ-fịtẹ-ereme ma na, ọmịna kopini afịaị ma ḅụ sọ tẹ ḍereku ḅa.

Ditẹrọnọmị 26:11

Anịsakị ọmịnị na, Livayị furo-ḅẹ-ḅọ ḅe na, jen sịẹ ḅẹ igoni ḅọ ḅe tẹ ọmịna ogbo-ḅio simearị ḅọ ḅe na, nwẹnị iḅi mẹ tẹ KỊNỊNYANAḄỌ ọmịna Tamụnọ ḅe kẹ ọmịnị na, ọmịna warị na pịrị tẹ ye mẹ kẹ ḍereku ḅa.

Filipayị 4:4

Sakị mamgba ó ḅioḅẹlẹẹ, ọ́ KỊNỊNYANAḄỌ ḅe na gbọrụ ḅụ emi ye mẹ ḅụ. À siin ḍukoarị, ó ḍerekuu!