Ditẹrọnọmị 16:1 - FỊAFỊA BAỊBỤLỤ

¹ Ọmịnị ịn kẹ Abibu sịn akalụ mẹ kẹ elekima sụa, tẹ Saḅaḅọrọ-Alalị mẹ fị-fị KỊNỊNYANAḄỌ ọmịna Tamụnọ ḅe pịrị; kẹ gotẹ ọkọ ḅẹẹarị, ịn kẹ Abibu sịn akalụ mẹ ḅụ, ḍin ḅụ mie KỊNỊNYANAḄỌ ọmịna Tamụnọ ḅe Ijiputi ama mẹ ḅio ọ́ pakama-ḅo ye.

Ditẹrọnọmị 16:1 Iomraidhean Croise

Paka-so 12:51

Anị ene mẹ ḅụ, KỊNỊNYANAḄỌ ḅe Ijiputi ama mẹ ḅio Izirẹlịapụ ma pakama-ḅom, ịna inweni-ogbo-ogbo ma ḅụ.

Paka-so 13:3

Mozizi nwẹnị tomi ma ḅẹẹ, “Ọ́ mị eneḅaka mẹ kẹ ḅiokoromaa — mị ene mẹ tẹ KỊNỊNYANAḄỌ ḅe ọ̀ ḅara ḅẹ ịnyọ ḅụ Ijiputi, ọmịnị omoni-sọ anga mẹ, ḅio ọ́ pakama-ḅo mị yọ mẹ lama ene mẹ. Sunmatẹ gbọrụ fịturu sọ ọ́ fị ma.

Paka-so 13:4

Abibu nwẹn-sịn tarị akalụ mẹ ḅẹ mịmgba mẹ ḅụ mie ọ́ paka-soarị ye.

Paka-so 23:14

“Kụra mẹ ḅụ tẹra sakị ọ́ nwẹn kẹ alalị fị ị̀ pịrị ḅa.

Paka-so 23:15

Ó Sunmaye sọ-a Fịturu Alalị mẹ fị ḅa; à wẹrịtẹ tọn ọ́ pịrị ḅara, Abibu nwẹn-sịn akalụ mẹ ḅio, tọọn wararị sakị mẹ ḅụ sọnọma aḍin ḅụ ó sunmaye sọ tẹ fịturu fị ma; kẹ gotẹ ọkọ ḅẹẹarị, anị ḅụ mie ọmịnị Ijiputi ama mẹ ḅio paka-ḅo ye. Ó ḅo sunsin ị̀ pịrị ḅarị sakị, gbọrụḅọ-sọ papaa, ḅara-ḅio gberie-sọ ofori ḅara kẹ boma.”

Paka-so 34:18

“Ó sunmaye sọ-a fịturu alalị mẹ fị ḅa à wẹrịtẹ tọn ọ́ pịrị ḅara, sọnọma aḍin ọ́ nwẹn kẹ sunmaye sọ-a fịturu fị ḅa ịn kẹ Abibu sịn akalụ mẹ ḅụ, à pẹlẹ ọ́ pịrị sakị mẹ ḅụ; kẹ gotẹ ọkọ ḅẹẹarị, Abibu nwẹn-sịn akalụ mẹ ḅụ mie ọmịnị Ijiputi ama mẹ ḅio paka-ḅo ye.

Lẹvitikọsị 23:5

“Tarị akalụ mẹ ḅẹ ngei fa jei karama ene mẹ ḅẹ ḅoḅiri-so mẹ anie KỊNỊNYANAḄỌ ḅe Saḅa-ḅọrọ Alalị mẹẹ.

Kịẹn-aḅịḅị 28:16

“Tarị akalụ mẹ ḅẹ ngei aḍin fa jei karama eneḅaka mẹ anie KỊNỊNYANAḄỌ ḅe Saḅa-ḅọrọ Alalị eneḅaka mẹ.

Luku 2:41

Kụra-kụra ḅụ Jizọsị ḍa-na-iyingi-na Saḅa-ḅọrọ Alalị mẹ fị ḅẹ tẹ Jeruselemu mu-mum.

Jọnị 2:13

Juu-ḅẹ-apụ Saḅaḅọrọ-Alalị mẹ kpeki lama tẹso Jizọsị Jeruselemu mum.

Jọnị 5:1

Miemẹ ḅọrọ tẹso, Jizọsị nwẹnị Jeruselemu ḅụ Juu-ḅẹ-apụ gbọrụ Tamụnọ Alalị mu.

Jọnị 6:4

Anị sakị Juu-ḅẹ-apụ ma Saḅaḅọrọ-Alalị mẹ ḅo kpeki tẹ.

Ditẹrọnọmị 16:2

Anịsakị ọmịnị ọmịna anana na, oḅori na ogbo ḅụ, anịanịa nama ogbo mẹ ḅụ Saḅaḅọrọ-Alalị agba mẹ mịẹ KỊNỊNYANAḄỌ ọmịna Tamụnọ ḅe pịrị ḅa anị anga mẹ tẹ KỊNỊNYANAḄỌ ḅe sẹlẹ-ọkị tẹ mịẹtẹ ori ẹrẹ anị anga ḅụ sime ḅẹ anga mẹ.