Ditẹrọnọmị 15:9 - FỊAFỊA BAỊBỤLỤ

⁹ Ọmịnị ọmịna aḅụụ ẹbị anieofori si kuroma ḅofa ọmịna ḅioḅẹngbọ sọ tẹ ó ḅẹẹ: “ye wẹrịso sọnọma akụra karama kụra ma kpeki tẹẹ,” tẹ ọmịna tọrụ ḅịyama ọmịna iyimbere igoinḅọ ḅe ḍa tẹ ḅarị ye kẹ ọ̀ pịrị ḅịa; ọ̀ tẹmẹ-la ḅara kẹ ọ́ mịẹ ye mẹ ḍuko KỊNỊNYANAḄỌ ḅe sụa tẹ anị ọmịna aḅụụ ḅụ siye sọ ḅa.

Ditẹrọnọmị 15:9 Iomraidhean Croise

Jobu 34:28

Anieḅụ ịn mịẹ tẹ igoin-apụ ma owu mẹ ọ̀ ḍọkụma-ḅom, tẹ ọ̀ ḅụụ-fụka ḅụụ ḅụ simearị apụ ma owu naam.

Devidi-Anume 101:3

tẹ gbala-gbala à ḍụkụ tẹ siye kiri nyana ḅịa. Ọḅụ pịkị Tamụnọ gbin-arị apụ ma mịẹarị aị ma à ḍiki-ḅioḅuarị; arị ini na nyana tẹ mịẹ ḅẹ gberie-sọ ofori.

Devidi-Anume 12:5

KỊNỊNYANAḄỌ ḅe ḅẹẹarị, “Kụma mịọkụ à ḅo ḅa, in mịẹ ḅẹ ọkụ ofori apụ ma ponomarị ẹrẹsị, tẹ ịn ḅaa ḅẹ ḍọkịarị apụ fụka ye ḅụ iningiarị. In ḅii sime-ḅara ḅụ à ḍụkụ tẹ ye ịn la ḅịa.”

Devidi-Anume 9:12

Tamụnọ tọrụsiẹrịarị apụ ma kẹ ḅiokoromarị: Ori ịna owu kẹ ḅioḅọrọma-a: tẹ ò fomu-ḅara kẹ kura-aye kẹ ịn mịẹarị apụ pịrịarị.

Paka-so 22:22

Ó diḅọ-fịtẹ-ẹrẹḅọ, anịanịa, ḍaḅọ-na-iyingiḅọ-na-fịtẹ-tụḅọ sọ ḅụụ fụkama ma.

Paka-so 22:23

Ọmịnị ịna aḅụụ fụkama, tẹ ini owu pakama ị̀ pịrị ḅẹḅẹ, tụkụma ḅara ḅụ àrị ịna owu naa ḅa;

Paka-so 3:7

Anịtẹso KỊNỊNYANAḄỌ ḅe nwẹnị ḅẹẹ, “Ị̀ atomi ma tẹ Ijiputi ḅụ simearị apụ ma tọrụsiẹrị mẹ arị ẹrị tẹ, pịkị ịna owu na naa tẹẹ, kụrọ kọrịnama tọn-tọn ịn pịrịarị ịna sịḅịdapụ ma gotẹ; arị ịna ḅụụ-fụka ma nimi wararị.

Egberima-Ẹkwẹn 14:21

Í ḅioḅẹlẹ ḅẹ-ḅiiarị ḅẹḅẹ, iḅiọkụ igoin-apụ na angaa; ḅẹḅọ-ḅẹḅọ ḍiki-sima mẹ anie sii.

Egberima-Ẹkwẹn 21:13

Í igoinḅọ ḅe kọn-arị owu mẹ naa ḍụkụ-a ḅẹḅẹ, ḅarasụa gotẹ kọn-arị owu mẹ sọ kịnị naa ḅịa.

Egberima-Ẹkwẹn 23:6

Ịmụkụ ḅọ dẹbịlẹ ḅụ yefị ma, anịanịa opu-pọkọḅẹngbọ sụa ọ̀ pakama-pakama-ḅoarị iḅi afịaị ma pịrị.

Egberima-Ẹkwẹn 24:9

Oḅori-ḅọ sụa ḅo kuroma tẹ si-a ye ofori. Tomi jen-apụ ḍiki-sima ngẹrị kẹ mịẹ-mịẹ sọma tẹ mịẹarị ḅọ ḍiki-ḅioḅuarị.

Egberima-Ẹkwẹn 28:22

Amịna ḅụụ ngẹrị balarị apụ ma fọnya ngọ kọn ḍuka nwenii igoin ḅo in fomu ḅẹ sakị in nimi-a.

Egberima-Ẹkwẹn 4:23

Ị́ ḅẹrẹ kẹ ḅiokoromarị ḅara ẹbịị; í kuromarị arị mie í ḍumo kẹ anị simearị ḅara wẹrịarị.

Jerimaya 17:10

Yẹrị, KỊNỊNYANAḄỌ ḅe, anie kuroma ma sọkịrịarị ḅọ, pịkị tomina aḅioḅẹngbọ daaḍikiarị. Ọrụḅọ-ọrụḅọ kẹ ḍumo kọn-arị ḅara mie à ḍiki tẹ mḅọ na mịẹarị, mḅọ mịẹarị ye sime-ḅara.”

Jerimaya 34:14

‘sọnọma kụra la sakị-sakị, ini ịna Hiburu omoni ma ḅụụ-ḅarasin tẹ ini ịna sịḅị atomi sọ nyanam, in sonio akụra kẹ fịrịmẹnjị ịn pịrị tẹ ḅẹḅẹ. Kụma ọmịna elemu-aḍapụ ị̀ bala-a anịanịa à ḍuko ye poki.

Matiyo 15:19

Kẹ gotẹ ọkọ ḍukoarị, mḅọ ḅioḅẹngbọ ḅụ mie si akuroma, tẹ mḅọ sukuruma mu kịnị ḅaa na, sẹfị na, ja si amịẹaị na ḅụ suuarị aị ma sime tẹ paka-ḅoarị; furu na, iruo na ja apụ wori-sima na sọ, paa anị gbọrụ ḅara mẹ.

Matiyo 20:15

À kụrọ nyana-a, ì igbigi kẹ ì ḅiotọn ḅara mịẹ? Anịanịa, à ḅara sarasara tẹ iḅi mịẹarị ye mẹ ị́ ḅụụ-ḅẹsọarị ḅoto?’ ”

Ditẹrọnọmị 15:1

Mozizi nwẹnị pịkị ḅẹẹ: Sọnọma kụra goyegoye kunoma ḅụ, ó ye ḅụ ḅara-siin ḅa.

Ditẹrọnọmị 24:15

Ọmịnị ori ọkọ igbigi mẹ kẹ ọ̀ pịrịị, ọ̀ kọrịnama mẹ kọrị tẹ anị fị ḅẹ ene mẹ ḅụ, tẹrẹmẹ ịrụa mẹ tuuideri sakị la, kẹ gotẹ ọkọ ḅẹẹarị, ori igoin wararị, tẹ anị mie ọ̀ kẹ ọ̀ ḅụụ ḍikiḍiki ḅẹ tẹ koruarị. Anie ofori, ò ḅofa ọmịnị na tụḅụrụ ḅụ tẹmẹ-la ḅara kẹ ḍuko-sụa KỊNỊNYANAḄỌ ḅe pịrị, tẹ anị siye sọ kẹ ọ́ pịrị.

Ditẹrọnọmị 31:10

Mozizi tọn ịn pịrịm, “Sọnọma akụra kunoma sakị goyegoye kụra mẹ ḅẹ saa wẹrịso sakị mẹ, Sịḅị-kikima-aị Alalị kopini mẹ sakị ḅụ,

Jemụsị 4:17

Anie ḅụ, amịna mịẹ ḅẹ iḅiye mẹ nimi wararị tẹ mịẹ-a ḅọ mẹ mḅọ si mịẹ tẹẹ.

Jemụsị 4:5

Ó kuroma ma mịnẹ Fịafịa Ḍiri mẹ ḍukoarị ye mẹ karakara anị ḅụ ofori, “Tamụnọ kẹ wamịna ḅụụ ḅio suu wararị tẹmẹ mẹ kụrọma ye ịgbanịarị.”

Jemụsị 5:4

Gbọrụ gbẹẹ-ye sọ amụ ọ́ kẹ ọmịna apiri ḅio kọrịnama kọrị atomi ma gbẹẹ-a; ọmịnị ịn kọn-arị owu ma naa! Ọmịna afịaị ma soku kobiri warị suu apụ ma kọn-arị owu ma mu Tamụnọ ḅeri la tẹ, Kụrọmamgba Nyana KỊNỊNYANAḄỌ ḅe.

Jemụsị 5:9

Ị̀ amịnapụ, ó ye kẹ jụmọ-jụmọ ọlọ ma, mịẹtẹ Tamụnọ ọ́ kọn ḅịa ḅara. Ḅẹrẹkọnḅọ ḅe ḅo kpeki tẹ, ala-a ò tolu-paka ḅa.

1 Pita 4:9

Ọmịnị mbụrụmbụrụ-a ḅara kẹ jụmọ-jụmọ da warị suu.