Ditẹrọnọmị 15:7 - FỊAFỊA BAỊBỤLỤ

⁷ Ọmịna ama mẹ tẹ KỊNỊNYANAḄỌ ọmịna Tamụnọ ḅe kẹ ó piri ama mẹ ḅụ, ḅẹẹ ama ḅẹẹ ama ḅio, ọmịna ogbo-ḅio ọmịna mịnapụ ma ḅụụ igoin gbọrụḅọ emi-mii, ọmịnị ọmịna ḅioḅẹngbọ kụrọma ma anịanịa ọmịna ḅara gbaịn ọmịna iyimbere ḅe tẹ igoinḅọ ḅe pịrị ma.

Ditẹrọnọmị 15:7 Iomraidhean Croise

Nehimaya 5:1

Ịna mịnapụ Juu-ḅẹ-apụ ma ẹngbẹsẹ ḅara ḅụ tomi ma na, ịna sime-ereme na ḅụụ gburo-gburotẹ owu pọkọ nwẹnị saakị paka-ḅo.

Ẹsịta 9:19

Anịẹrẹsị kala-ama ḅẹ Juu-ḅẹ-apụ ma tẹ finji tẹ ama ḅio simearị apụ ma nwẹnị ịn kẹ Adà sịn akalụ mẹ ḅẹ ngei aḍin fa jei karama ene mẹ kẹ ḅioḅẹlẹ na kopini afịaị fị na, Ịnyọsara-Ene na, ene tẹ ini ịna ḅụụ ḅẹlẹ tẹ sẹlẹ-ọkị aḍiepịrị-aị kẹ jụmọ-jụmọ pịrịarị ene na sọma.

Ẹsịta 9:22

Ene tẹ Juu-ḅẹ-apụ ma inina fịya-a apụ ma ḅụụ ḍụa ḅọrọma nyana eneḅaka ḅara ḅụ, na akalụ mẹ tẹ ịna kururu pịkị ḅo ḅioḅẹlẹ sọ tẹ ịna ḍụẹịn ḍuu ḅo Ịnyọsara-Ene mịẹm, mịnẹ ini arị ene ma kẹ kopini afịaị fị ene na, ḅioḅẹlẹ ene na, sẹlẹ ọkị aḍiepịrị-aị kẹ jụmọ-jụmọ fịrịma ene na, ḍiepịrị-aị kẹ igoin-apụ pịrị ene na mịẹ.

Paka-so 22:25

“Ọmịnị igbigi kẹ ị̀ atomi ma ḅụ ḅẹḅọ-ḅẹḅọ tẹ igoin wararị ḅọ ḅọlọ-ḅọlọ, ị́ ḅụụ kẹ igbigi kẹ kịnị ḅọlọ ḅọ sọma ọ̀ pịrị tẹ ọ̀ ḅara igbigi sịḅị ḅụ gbana ye ọkị ma.

Egberima-Ẹkwẹn 19:17

Í ye kẹ igoin-apụ pịrịarị sakị anị kịkarị ị́ ye Tamụnọ ḅọlọarị, tẹ KỊNỊNYANAḄỌ ḅe anị kẹ ị́ gbẹẹ ḅa.

Egberima-Ẹkwẹn 21:13

Í igoinḅọ ḅe kọn-arị owu mẹ naa ḍụkụ-a ḅẹḅẹ, ḅarasụa gotẹ kọn-arị owu mẹ sọ kịnị naa ḅịa.

Ayịzaya 58:10

ị́ fịye kẹ ḅuru-pọkọtarịḅọ pịrị fị, tẹ ḅụụ-fụka nyana wararị apụ ḅụụ-fụka mịẹ pẹlẹ ịn pịrịarị ḅẹḅẹ, anịsakị ị́ gbaịn wararị kanakana mẹ ḅo eneḅaka-fịafịa-ogbo ḅịya ḅara ḅịya ḅa.

Lẹvitikọsị 25:35

“Ọmịna iyimbere ḅo igoin, tẹ ọmịnị na sime tẹ inetẹ amịna ḅụụ ḍikiḍiki-a ḅẹḅẹ, ọmịnị mḅọ ḍikiḍiki ḅa, igoniḅọ na, bịanḅọ na ḍikiḍiki ḅara ọ́ nwẹn kẹ mḅọ na anga ḅa.

Matiyo 18:30

Kụma ọ̀ ḍụkụ-a tẹ tomḅọ ḅe kẹ mu ikoli suum, mịnẹ ori anịanga sime nwenii ọ̀ saa mẹ gbẹẹ fama sakị la.

Matiyo 5:42

Tomḅọ ḅo ị́ ḅara ye ḅii, ḅii mḅọ pịrịị; gbọrụḅọ ị́ ḅara ye ḅọlọ ḅẹ-ḅiiarị ḅẹḅẹ kẹ mḅọ ḅọlọọ.

Ditẹrọnọmị 15:11

Kẹ gotẹ ọkọ ḅẹẹarị, igoin-apụ ama mẹ ḅio paka, gbala-gbala kunoma ḅịa, anị ẹrẹsị à tọn ó pịrịarị, ọmịnị ọmịna ḅara finji sara ọmịna iyimbere na, ngiriḅọ ḅe na pịrịị, ama mẹ ḅio.

Ditẹrọnọmị 15:9

Ọmịnị ọmịna aḅụụ ẹbị anieofori si kuroma ḅofa ọmịna ḅioḅẹngbọ sọ tẹ ó ḅẹẹ: “ye wẹrịso sọnọma akụra karama kụra ma kpeki tẹẹ,” tẹ ọmịna tọrụ ḅịyama ọmịna iyimbere igoinḅọ ḅe ḍa tẹ ḅarị ye kẹ ọ̀ pịrị ḅịa; ọ̀ tẹmẹ-la ḅara kẹ ọ́ mịẹ ye mẹ ḍuko KỊNỊNYANAḄỌ ḅe sụa tẹ anị ọmịna aḅụụ ḅụ siye sọ ḅa.

Ditẹrọnọmị 24:14

Ọmịnị ori ḅe tẹ igoin wararị tẹ ngiriarị ọkọ fịrịmẹnjịḅọ ḅe ponoma ma, ori ọmịna amịnapụ ma ḅẹ gbọrụḅọ-o, anịanịa ja asịẹ ḅẹ igoniapụ ma tẹ ọmịna ama ma ḅio simearị apụ ma ḅẹ gbọrụḅọ sọ.