Ditẹrọnọmị 15:6 - FỊAFỊA BAỊBỤLỤ

⁶ Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ò wẹrịtẹ ó karịma ḅara ḅụ ó boma ḅa, tẹ ó ye kẹ tọnwa asịẹ ḅọlọ ḅa, kụma ọmịnị ó ye ḅọlọ ma; anịsakị ó ḅẹrẹtọn tọnwa opu asịẹ pịrị ḅa, kụma in ḅẹrẹtọn ó pịrị ḅịa.

Ditẹrọnọmị 15:6 Iomraidhean Croise

1 Amadapụ 4:21

Sọlọmọnị ama-da kụrọ mẹ sịẹ mamgba anị ḅio emii Yuferetisi Tọrụ mẹ ḅụ ọkị mu Filisiteni laa, saakị mu Ijiputi ama anga mẹmgba laa. Ò ḍumo mẹmgba ḅụ ini ama-oso-igbigi kẹ ọ̀ gbẹm tẹ pịkị ò suku-ḅio simem.

1 Amadapụ 4:24

Sọlọmọnị Yuferetisi Tọrụ mẹ ḅụ ḅẹ ịrụa-ideriarị-anga mẹ ḅụ simearị ama ma ḅụ, Tifisa Yuferetisi mẹ akaka simearị ama mẹ ḅụ sakị ḅẹrẹtọn wenii ịrụa-ideriarị-anga mẹ ḅụ mu Gaza opu ama mẹ lam. Amadapụ mamgba tẹ Yuferetisi mẹ ḅụ ḅẹ ịrụa-ideriarị-anga mẹ ḅụ sime apụ mamgba ò suku-ḅio simem, anịsakị ori na kpekitẹ sime opu asịẹ mamgba ori na dein ḅụ simem.

1 Paka-aị 17:27

Anịẹrẹsị yee mịọkụ anị ị́ ḅụụ-ḅẹlẹye sọ tẹ ị́ ị́ fịrịmẹnjịḅọ warị mẹ boma mịẹ tẹ anị ị́ tọrọkọ ḅụ sime tọrọkọ-tọrọkọ mu gbamaso ḅarị ḅara; kẹ gotẹ ọkọ ḅẹẹarị, Yei KỊNỊNYANAḄỌ, ị́yẹrị boma tẹ ye boma gbamaso tẹẹ.”

2 Paka-aị 9:26

Anịsakị ò ḅẹrẹtọn amadapụ mamgba tẹ Yuferetisi ḅụ sime apụ ma ḅụụ ọkị mu Filisiteni ḅẹ ama ma ḅụ mu Ijiputi akaka la pịrịm.

Ẹzịra 4:20

Gburo-gburotẹ opu amadapụ Jeruselemu ḅụ ama-da tẹẹ, tẹ pịkị Opu Tọrụ mẹ akaka simearị ama ma da, nwẹnị pịkị ịna aḅara sịẹ kẹ jen sịẹ gbẹẹarị igbigi na, fịrịma-ḅo ngọ sịḅị ḅẹ igbigi na, opu etela ḅụ mẹnjị-ḅọrọ gbẹẹ-gbẹẹ igbigi na daa-ọkịm.

Nehimaya 9:27

Anị ẹrẹsị ị́ ịn kẹ inina fịya-a apụ ḅara-ḅio sunm, inima tẹ ịn kẹ tọrụsiẹrịma apụ ma. Ịna tọrụsiẹrị sakị ḅụ ini owu ị́ pịrịm, tẹ ị́ So-ḅio ḅụ in naam. Í opu ọkụrụkụrụ sime-ḅara ḅụ, Ị́ ḅọrọma-apụ kẹ in fịrịmam, inima tẹ in ḅọrọma-apụ ma inina fịya-a apụ ḅara ḅụ.

Devidi-Anume 112:5

Ḅioḅẹlẹ sime-ḅara-sarasarama iḅi ḅara kẹ igbigi kẹ kịnị ḅọlọarị ḅọ mẹ pịrịm, anie jen tomḅọ mingirima-a ḅara kẹ amịna tuḅokọn ḅọ mẹ.

Devidi-Anume 37:21

Si-sịḅịḅio-sụa tomḅọ ḅe gbala-gbala ọ̀ ḅọlọ ye ọ̀ gbẹẹ-gbẹẹ-a: kụma iḅi atomi ma ịna aḅara sarasara lama wararị ye ḍie kịnị pịrị ḅụ.

Devidi-Anume 37:26

Ori ḅe sakị mamgba ò ye gbana-a ḅara kẹ ye kẹ ja apụ ḅọlọarị: tẹ ori awọmẹ ma pịkị boma sọ wararị.

Egberima-Ẹkwẹn 22:7

Igoin wararị apụ anie ngọ-kọn wararị tomḅọ ḅe omoniapụ; igbigi ḅọlọọ, tẹ igbigi kẹ kịnị ḅọlọ-ḅọlọ ḅọ ḅe omoniḅọ sọọ.

Luku 6:35

Gbala-gbala! Si kẹ ị́ tọn apụ ḅẹlẹma, tẹ iḅi kẹ ịn mịẹ; ye kẹ kịnị ḅọlọ, tẹ ịn pịkịma ḅo tẹ anị kẹ ị́ pịrị ḅẹ gbọrụ ḅọkọ sọ nwẹn kẹ ḅio tọnma. Ọkọ rẹ mie ọmịnị opu gbẹẹ-ye nyana tẹ pịkị Geletẹịn Tamụnọ ḅe awọmẹ sọ ḅarịye. Kẹ gotẹ ọkọ ḍukoarị ye, ori iḅi mẹ mu ịmịẹtẹ ḅẹẹ ḅẹẹ-a apụ na, si-sịḅịḅio-sụapụ na sọ laarị.

Ditẹrọnọmị 15:5

ọ́ paa KỊNỊNYANAḄỌ ọmịna Tamụnọ ḅe pọkọ poki-poki, tẹ ḅụụ ẹbị-ẹbị tẹ mị oloko mamgba tẹ mịmgba à tọn ó pịrị aị ma mịẹ-mịẹ.

Ditẹrọnọmị 28:44

In ye kẹ ọ́ ḅọlọ ḅa, kụma ọmịnị ye kẹ ịn ḅọlọ ḅịa; ịn sịḅịdaḅọ sọ ḅa, ọmịnị etemi ḅụ sime ḅa.