Ditẹrọnọmị 15:10 - FỊAFỊA BAỊBỤLỤ

¹⁰ Sarasara ḅara ḅụ ó kẹ ọ̀ pịrị ḅa, tẹ ọmịna ḅioḅẹngbọ mbụrụmbụrụ ma ó kẹ ọ̀ pịrị sakị, gbala miemẹ mịẹ KỊNỊNYANAḄỌ ọmịna Tamụnọ ḅe kẹ ọmịna kọrịnama mamgba ḅụ na, ó nyana tẹ mịẹ ye mẹmgba ḅụ ó boma ḅarịye ẹrẹsị.

Ditẹrọnọmị 15:10 Iomraidhean Croise

Egberima-Ẹkwẹn 22:9

Ḅara sarasara tẹ ị́ fịye kẹ igoin-apụ ma na ḍiya. Í boma nyana gbamaso ḅa.

Nimi Tolumaḅọ 11:1

Ị́ igbigi kẹ igoniapụ tuḅo ḅụ suu, anịsakị mịna ene ma ḅẹ gbọrụ ene ḅụ ị́ sọye mịẹ ḅa.

Ayịzaya 32:8

Kụma kụn nyana ḅara kẹ ḍumo kọn-arị ḅọ mẹ mḅọ kịnị mingirima, mingirima-a ḅara kẹ ye mịẹarị, pịkị sịẹ kụrọ kuraye mẹ pịrịarị.

Ayịzaya 58:10

ị́ fịye kẹ ḅuru-pọkọtarịḅọ pịrị fị, tẹ ḅụụ-fụka nyana wararị apụ ḅụụ-fụka mịẹ pẹlẹ ịn pịrịarị ḅẹḅẹ, anịsakị ị́ gbaịn wararị kanakana mẹ ḅo eneḅaka-fịafịa-ogbo ḅịya ḅara ḅịya ḅa.

Matiyo 25:40

Amadaḅọ ḅe nwẹnị pakịrị ḅa, ‘À ḍuko ọ́ pịrịarị, ó miemẹ mịẹ tẹ kẹ mịna ị̀ amịnapụ ma ḅụ tomi kẹ ye-sịn-a apụ ma ḅụ iderima-tẹịn ḅọ mẹ pịrị sakị, pịrị sakị, ọ́ mịẹ ị̀ pịrị tẹẹ!’

Fịrịmẹnjịapụ 20:35

Ḅẹẹye-ḅẹẹye ḅụ, à kẹ ó ḍiem mịnẹ ịnyọ kpọma kọrịnama kọrị ḅụ mie wa inetẹ ḅọrọ tẹ ḅarasụa ịnyọ ofori apụ pịrị ḅarịye. Ọ́ KỊNỊNYANAḄỌ Jizọsị ḅarana kọn ẹkwẹn mẹ kẹ ḅiokoromaa, ‘Ye ḍie jụmọ pịrị boma nyana jụmọ ḅara ye daa-ọkị nẹngịm.’ ”

Romu 12:8

anị ḅọrọ ja apụ ḅiokpọma ḅẹḅẹ, wa anị mịẹ. Ja apụ na ye ḍiyarịḅọ emi-emii, mḅọ ḅara sarasara ḅara kẹ mịẹ; ḅẹrẹtọn kụrọ nyanaḅọ ḅẹḅẹ, mḅọ kụrọma kọrịnama kọrịị; iḅi ḅara kẹ kịnị na angarị ḅọ ḅẹḅẹ mḅọ tọrụ ḅẹlẹ ḅara kẹ anị mịẹ.

Ditẹrọnọmị 14:19

Anịsakị pamba-sụa ḍọkọḍọkọ afeni mamgba ọmịna aḅụụ fịafịa-a aị famam; ọmịnị arị pẹị ma.

Ditẹrọnọmị 14:29

tẹ Livayị furo-ḅẹ-apụ ma tẹ ọmịnị na ḍiekiri anịanịa sime anga nyana-a apụ ma na, jen sịẹ ḅẹ igoniapụ ma na, ḍaḅọ-na-iyingiḅọ-na-fịtẹ-awọmẹ ma na, diapụ-fịtẹ-ereme ma na, tẹ ọmịna ama ma ḅio simearị apụ ma, ḅo fị furo ḅinma ḅa; mịẹtẹ KỊNỊNYANAḄỌ ọmịna Tamụnọ ḅe kọrịnama mamgba tẹ ọmịnị ọmịna aḅara kẹ kọrị-ye kọrị-ye ḅụ ó boma ḅẹ ḅara.

Ditẹrọnọmị 15:18

Anị ị́ ḅụụ kụrọ ye sọ ma, ị́ ọ̀ wẹrịso tẹ ori ị́ ḅụụ ḅụ sịḅị nyana sakị, kẹ gotẹ ọkọ ḅẹẹarị, gbọrụ ọkọ fịrịmẹnjịḅọ fị ḅarị igbigi mẹ kẹ maa kiri ḍie ḅẹ gbọrụ kiri mịẹ ọ̀ kẹ sonio akụra ḅụ fịrịmẹnjị ị́ pịrị yee. Miemẹ mịẹ, anịsakị KỊNỊNYANAḄỌ ọmịna Tamụnọ ḅe ọ́ mịẹ ye mịẹ ye ḅụ ó boma ḅa.

Ditẹrọnọmị 15:4

Ọmịna ogbo-ḅio ḅụ igoinḅọ paka ḅịa, kẹ gotẹ ọkọ ḅẹẹarị, ama mẹ tẹ KỊNỊNYANAḄỌ ọmịna Tamụnọ ḅe kẹ ó nyana ḅẹ ó pịrị sime anga mẹ ḅụ KỊNỊNYANAḄỌ ḅe ó boma ḅa,

Ditẹrọnọmị 23:20

Jen sịẹ ḅẹ ḅọ ḅara ḅụ, ọmịnị inetẹ ye gbanama gbẹẹ ḅara kẹ ye kẹ mḅọ ḅọlọ ḅa, kụma ó ye gbanama gbẹẹ ḅara kẹ ye kẹ ọmịna pembe Izirẹlị ḅọ ḅọlọ ma; mịẹtẹ KỊNỊNYANAḄỌ ọmịna Tamụnọ ḅe ama mẹ tẹ ọ́ sọ anị ḅẹ aị ọkị nyana ḅẹ muarị ama mẹ ḅio ọmịnị ọkị tẹ mịẹ ḅẹ aị mamgba ḅụ ó boma ḅẹ ḅara.

Ditẹrọnọmị 24:19

Ọmịnị ọmịna ḍụọ ḅio ọmịna afịaị sokum tẹ ḍụọ mẹ ḅio fịye gbọrụ puku kẹ ḅioḅọrọma sakị ḅọrọma sakị, ọmịnị ọḅụ pịkị tẹ mu anị ọkị ma; anị sime jen sịẹ ḅẹ igoniḅọ ḅe na, ḍaḅọ-na-iyingiḅọ-na-fịtẹ-tụḅọ na, diḅọ-fịtẹ-ẹrẹḅọ ma na pịrịm; mịẹtẹ KỊNỊNYANAḄỌ ọmịna Tamụnọ ḅe ọmịna aḅara ḅẹ kọrịnama mamgba ḅụ ọ́ boma ḅẹ ḅara.

Ditẹrọnọmị 28:8

KỊNỊNYANAḄỌ ḅe tọn ọmịna ọgọnọ ḅẹ boma mẹ pịrị ḅa, tẹ anị ọmịna afịaị koko ayeyọ ma ọgọnọ sịra ḅa; tẹ ama mẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ ḅio ọ́ mịẹ ḅẹ aị mamgba ḅụ ori ó boma ḅa.

Hiburu 13:16

Iḅi mịẹ na, ḅarasụa jụmọ-jụmọ pịrị na mẹ ọ́ kẹ ḅioḅọrọma ma, kẹ gotẹ ọkọ ḍukoarị, mịna agba aḅara ma mie Tamụnọ ḅụụ-ḅẹlẹarị ye.

1 Pita 4:11

Ḅẹḅọ-ḅẹḅọ tẹ Tamụnọ ẹkwẹn kọn-arị ḅọ, mḅọ Tamụnọ oku ma ḍukoo; ḅẹḅọ-ḅẹḅọ tẹ fịrịmẹnjịarị ḅọ mḅọ Tamụnọ kẹ mḅọ pịrịarị ịnyọ ḅụ mẹnjịị, mịẹtẹ ye mamgba ḅụ tomi Jizọsị Kịrayịsị ḅụ ḅọrọ tẹ Tamụnọ tokini ḅẹ ḅara, anie ebube na kụrọ na sime pịrị ḅọ ḅe, mu ḅẹ sakị, ḅẹ sakị la. Amẹnị.