Ditẹrọnọmị 15:1 - FỊAFỊA BAỊBỤLỤ

¹ Mozizi nwẹnị pịkị ḅẹẹ: Sọnọma kụra goyegoye kunoma ḅụ, ó ye ḅụ ḅara-siin ḅa.

Ditẹrọnọmị 15:1 Iomraidhean Croise

Nehimaya 10:31

Ama mẹ ḅẹ apụ ma Ịnyọsara-Ene mẹ anịanịa fịafịa ene ḅụ ngọ, anịanịa ḅẹẹ sịnmgbọlị-sịnmgbọlị kẹ dẹrị ḅẹ ḅo ḅọ, wa ịna ḅara ḅụ anị fẹ ḅịa. Anịsakị sọnọma kụra karama kụra goyegoye ḅụ wa fịye ḍiḅi tẹ paka-ḅo ḅẹ ye goyegoye wa wẹrịso ḅa, pịkị saa goyegoye wẹrịso ḅa.

Paka-so 21:2

“Ọmịnị Hiburu ḅẹ omoniḅọ fẹẹ, fẹẹ, sonio akụra mḅọ nwẹn kẹ fịrịmẹnjị ọ́ pịrị ḅa, sọnọma akụra karama kụra mẹ ḅụ mḅọ gbọrụ ye sọ gbẹẹ-a ḅara ḅụ amịna sịḅị nyana ḅa.

Jerimaya 34:14

‘sọnọma kụra la sakị-sakị, ini ịna Hiburu omoni ma ḅụụ-ḅarasin tẹ ini ịna sịḅị atomi sọ nyanam, in sonio akụra kẹ fịrịmẹnjị ịn pịrị tẹ ḅẹḅẹ. Kụma ọmịna elemu-aḍapụ ị̀ bala-a anịanịa à ḍuko ye poki.

Ditẹrọnọmị 15:2

Anịsakị mịẹ ó ye mẹ ḅụ ḅara-siin ḅarị ḅara: ye kẹ mḅọ pembe ma ḅọ ḅọlọ ḅọ ḅọlọ ḅọ, mḅọ kẹ mḅọ pembe ma ḅọ ḅọlọ ye mẹ ḅụ ḅara-siin mḅọ pịrị ḅa; mḅọ, mḅọ pembe ma ḅọ ḅe-o, ori iyimbere-o ḅara anị ọkị ma, gbala KỊNỊNYANAḄỌ ḅe ò saa wẹrịso mẹ oloku pakama tẹ ẹrẹsị.

Ditẹrọnọmị 15:9

Ọmịnị ọmịna aḅụụ ẹbị anieofori si kuroma ḅofa ọmịna ḅioḅẹngbọ sọ tẹ ó ḅẹẹ: “ye wẹrịso sọnọma akụra karama kụra ma kpeki tẹẹ,” tẹ ọmịna tọrụ ḅịyama ọmịna iyimbere igoinḅọ ḅe ḍa tẹ ḅarị ye kẹ ọ̀ pịrị ḅịa; ọ̀ tẹmẹ-la ḅara kẹ ọ́ mịẹ ye mẹ ḍuko KỊNỊNYANAḄỌ ḅe sụa tẹ anị ọmịna aḅụụ ḅụ siye sọ ḅa.

Ditẹrọnọmị 31:10

Mozizi tọn ịn pịrịm, “Sọnọma akụra kunoma sakị goyegoye kụra mẹ ḅẹ saa wẹrịso sakị mẹ, Sịḅị-kikima-aị Alalị kopini mẹ sakị ḅụ,