Ditẹrọnọmị 14:8 - FỊAFỊA BAỊBỤLỤ

⁸ Opuropo ma ịna ḅụọ ḅẹ okuro ma ḍiema wararị kụma ini amgba-na-iku-na ḅio fịye fị kọnma wẹrịtẹ pakama pakama ḅo tokuru-a ẹrẹsị ọmịna ḅụụ ḅụ ịn fịafịa-a. Ịna meni ma ọ́ pẹị ma, anịsakị ịna fịtẹ oju akpakpa ma sọ ọ́ ḅara kẹ lama ma.

Ditẹrọnọmị 14:8 Iomraidhean Croise

Ayịzaya 65:4

Ḍin ḅụ in fukuru na ḍuḅu na mu-mu tẹ fịtẹ-apụ atẹmẹ ḅịḅị ḅiiarị. Ini opuropo nama na kẹ agbamịẹ oru pịrị tẹ anama ḅụ ḅo aị kẹ sọọ ọḍụ na pẹịarị.

Ayịzaya 66:17

KỊNỊNYANAḄỌ ḅe mẹẹ, “Amịna aḅụụ wẹrị sikima sunsin oru pịrị-pịrịarị apụ ma kunoma ḅo kpekitẹ, anie ọgbụrụ-sụntẹ oru tẹkẹ tọn-tọn fịlawa aḍụọ ḅio muarị apụ ma, tẹ opuropo na ofunguru na ja si afịaị na fịarị apụ ma.

Ayịzaya 66:3

Tomi ma ịna ḅụụ ḅẹlẹ ye ḅẹlẹ ye mịẹarị. Ịn nambulo ḅaa kẹ agba mịẹ-o, in tomḅọ kẹ mịẹ-o, ịna ḅụ gberie; ini anana tụḅọ kẹ agbamịẹ-o, obiri kọngọ anyịma tẹ kẹ mịẹ-o, anịanịa ini mgbọlị afịaị kẹ agbamịẹ-o, opuropo ọmbie kẹ mịẹ-o; ịn ḅọrọ kụnụaị agbamịẹ oru pịrị, anịanịa oru tẹkẹ-o. Ḅụụ ḅụ si lama wararị sunsin Tamụnọ pịrị ḅara mẹ nwẹnị ịna ḅio ḅẹlẹmarị.

Lẹvitikọsị 11:3

Ḅẹẹ-nama-nama tẹ ḅụọ ḅụ okuro mẹ ḍiema wararị tẹ ḍiematẹ okuro ḅụọ sụa nama, tẹ pịkị nama ma ogbo ḅio ḅụ amgba-na-iku-na ḅio fịye fị kọnma wẹrị tẹ pakama-pakama-ḅo tokuruarị anama ma ọmịnị inetẹ pẹị ḅa.

Lẹvitikọsị 5:2

“Anịanịa ḅẹḅọ-ḅẹḅọ nimi-a ḅara ḅụ ḅara kẹ fịafịa-a ye lama-lama, anị nwẹnị piri-ḅio-ḅẹ fịafịa-a fịtẹ nama, anịanịa tomi na angarị fịafịa-a fịtẹ opu nama, anịanịa ogbo ḅụ mẹnjịarị aị ḅụ fịafịa-a fịtẹ nama-o, feni-o, mḅọ ḅo fịafịa-a ḅọ sọ tẹ, mḅọ ḅẹrẹ-ḅarasii nyana ḅa.

Ditẹrọnọmị 14:7

Anịsọ arị aị ma tẹ amgba-na-iku-na ḅio fịye fị kọnma wẹrịtẹ pakama pakama ḅo tokuruarị anịanịa ḅụọ ḅụ okuro sụa anama ma ḅụ mịna anama ma ọ́ pẹị ma: ike-sụa-nama ḅe na, ịnwa ḅe na, ewita ḅe na, gbala ini amgba-na-iku-na ḅio fịye fị kọnma wẹrị tẹ pakama-pakama-ḅo tokuruarị kụma ịna ḅụọ ḅẹ okuro mẹ ḍiema-a ẹrẹsị ọmịna ḅụụ ḅụ ịn fịafịa-a.

Ditẹrọnọmị 14:9

Arị aị tẹ minji mẹ ḅio simearị aị mamgba ọmịnị arị pẹị ḅa: ịsịram na, ẹfẹrẹfẹ na sụa inji goyegoye ọmịnị inetẹ pẹị ḅa.

2 Pita 2:22

Ịna ḅụụ paka ye mẹ ḍie-pakamarị mịnẹ mịna egberi ma karakaram: “Obiri pịkị mu amịna ọsụ ye mẹnịarị” na “Ịn sịkịrị fịafịamatẹ opuropo pịkị mu lịka ḅio mbelembelearị” na.