Ditẹrọnọmị 14:5 - FỊAFỊA BAỊBỤLỤ

⁵ ḅụọ okuro sụa nama ḅe na, ḍuu ḅe na, tụḅara ḅe na piri-oḅori ḅe na, tụndụ ọgọnọ ḅẹ anana ḅe na.

Ditẹrọnọmị 14:5 Iomraidhean Croise

1 Amadapụ 5:3

“Ị́ nimi wararị mịnẹ gbala ị̀ ḍa Devidi sakị mẹmgba ori na fịya-a opu asịẹ ma tẹ ori ikelema-koro wararị apụ ma na ọmụgbin-arị tẹ inetẹ gbọrụ tẹkẹ-warị nama tẹ kẹ sunsin KỊNỊNYANAḄỌ ọ̀ Tamụnọ ḅe pịrị-a nwenii KỊNỊNYANAḄỌ ḅe owu-ḅara-iḅi kẹ ọ̀ pịrị tẹ ori na fịya-a apụ mamgba ikelema-koro ḅụ.

Jobu 39:1

Piri ḅio angarị ḅara nyana-a oḅori ma iyiarị sakị í nimi? Tụḅụra ḅe iyiarị anga í sime tẹ ò ḍiki tẹ?

Ayịzaya 51:20

Etela akaka goyegoye ḅụ í atomi ịnyọ faa ḅụ ḅịkị koro wararị; ịn kịkarị ye piri-deeḅọ ịgbọ ḍiein kun sịẹma wararị ḍuu. Tamụnọ ịganị ḅẹ kụrọ ịna ḅụụ ịnọ tẹ.

Ditẹrọnọmị 12:15

Anị sime-ḅara, sime-ḅara ọmịnị inetẹ ọmịna ama ma ḅio ó ḅii ḅara, ḅii ḅara kẹ nama ḅaa-ḅaa tẹ meni pẹị ḅa, boma mẹ tẹ KỊNỊNYANAḄỌ ọmịna Tamụnọ ḅe kẹ wẹrịtẹ ọ́ pịrị tẹ ḅara; ḅụụ fịafịama-a apụ na, ḅụụ fịafịama apụ na inetẹ anị ḅụ nama pẹị ḅa, ḍuu ḅe na, ḅụọ ḅụ okuro sụa nama ḅe na pẹị-pẹị ḅara mẹ.

Ditẹrọnọmị 12:22

Ḍuu anịanịa ḅụọ ḅụ okuro sụa nama pẹị ḅara pembema ḅara, mie ọmịnị anị ḅẹ nama pẹị ḅarị ḅara, ḅụụ mịẹ fịafịama-a ḅọ-o, fịafịa ḅọ-o inetẹ anị ḅẹ nama pẹị ḅa.

Ditẹrọnọmị 14:4

Mịna anama ma mie ọmịnị inetẹ pẹị ḅarị aị: pootẹ-nambulo ḅe na, anana ḅe na, oḅori ḅe na,

Ditẹrọnọmị 14:6

Nama goyegoye tẹ ḅụọ ḅẹ okuro mẹ ḍiema wararị, tẹ okuro mẹ maa apakịrị ḅụ emi, tẹ nama ma ogbo ḅio ḅụ amgba-na-iku-na ḅio fịye fị kọnma wẹrị tẹ pakama-pakama-ḅo tokuruarị anama ma, ọmịnị inetẹ pẹị ḅa.