Ditẹrọnọmị 14:3 - FỊAFỊA BAỊBỤLỤ

³ Ḅẹ tọn-tọnye goyegoye ọ́ pẹị ma.

Ditẹrọnọmị 14:3 Iomraidhean Croise

Suku-saakị 7:2

Fịafịatẹ anama ḅụ owi-na-ịyọrọ-na sọnọma, sọnọma ọkị sụa ḅụkụlọọ, anịsakị fịafịa-a anama ḅụ owi-na-ịyọrọ-na maaịn-maaịn kẹ sẹịn,

Ayịzaya 65:4

Ḍin ḅụ in fukuru na ḍuḅu na mu-mu tẹ fịtẹ-apụ atẹmẹ ḅịḅị ḅiiarị. Ini opuropo nama na kẹ agbamịẹ oru pịrị tẹ anama ḅụ ḅo aị kẹ sọọ ọḍụ na pẹịarị.

Izikẹlị 4:14

Kụma à pakịrịm, “Ẹn-ẹn, Tẹịn-Ḅẹrẹtọn-Kụrọ-Nyana KỊNỊNYANAḄỌ! Gbala amụ arị ị̀ ḅụụ pilema-a. Ị́ kala-sakị kụra ḅio gbala-gbala amụ arị ngẹrị fịị nama anịanịa piri-ḅio-ḅẹ nama ḅaa nama pẹị-a. Gbala-gbala amụ ịn kẹ fịafịa-a ḅara ọkị tẹ fịye fị-a.”

Lẹvitikọsị 11:2

“Ọmịnị Izirẹlịapụ ma ḅẹẹ, ‘Tomikiri ḅụ piri-ḅio simearị nama amẹẹ na, feni amẹẹ na mamgba ḅụ mịna aị ma anie ḍumo wararị aị tẹ ọ́ pẹị ḅarị aị arị ogbo-ḅio ḅụ.

Lẹvitikọsị 11:43

Ọmịnị ọmịna aḅụụ kẹ ḅẹ ḍọkọḍọkọ mẹnjị ye tẹ ogbo ḅụ mẹnjịma ḅọrọarị aị ma na sọ tẹ tọn-tọn ḅara sime ma; anịsakị ọmịnị ịn kẹ ọmịna aḅụụ pilema ma, anieofori ó ḅofa ḅo fịafịa-a apụ sọ.

Lẹvitikọsị 20:25

Ọmịnị anịẹrẹsị fịafịatẹ anama na, fịafịa-a anama na ogboku kịrị pakama ḅa, pịkị fịafịatẹ afeni na, fịafịa-a afeni na sọ; nama ḅụụ, anịanịa feni ḅụụ, anịanịa ḅẹẹye-ḅẹẹye tẹ ogbo-ogbo ḅụụ kiri mẹ ọgọnọ ḅụ mẹnjịarị aị ma ḅụụ, arị aị ma tẹ à sikima ọ́ pịrịm, ọ́ kẹ fịafịa-a aị sọma nwẹn ḅẹẹ aị ma ḅụ, ọmịnị ọmịna aḅụụ pilema ma.

Romu 14:14

KỊNỊNYANAḄỌ Jizọsị ḅụụ àrị emi ye mẹ mịẹtẹ à nimi lama wararị mịnẹ fị-fịye goyegoye tomḅọ sima ḅẹ ye-a; kụma gbọrụḅọ nwẹnị ọkịm mịnẹ ja afịaị tomḅọ sima simam ḅẹḅẹ anie mḅọ ḅẹrẹ la tẹ.

1 Kọrịntị 10:28

Kụma kịnị ḅo ị́ ḅẹẹ mịnẹ, “Mị fịye mẹ ịn kẹ oru karịma tẹ fịye”, ḅẹẹ, ḅẹẹ, anị fịye mẹ fị ma, ye mẹ ḍuko ḅọ ḅe sịḅị ẹrẹsị, pịkị tẹmẹ ḅioḅẹngbọ gotẹ;

Tayịtọsị 1:15

Fịafịa wararị apụ ḅụ ye goyegoye fịafịam; kụma pilematẹ, minini nyana-a apụ ḅụ, gberie-sọ fịafịa-a, kẹ gotẹ ọkọ ḍukoarị, ịna akuroma na, ịna tẹmẹ aḅioḅẹngbọ na pilema tẹ.