Ditẹrọnọmị 14:2 - FỊAFỊA BAỊBỤLỤ

² Kẹ gotẹ ọkọ ḅẹẹarị, ọmịnị anie fịafịa sime KỊNỊNYANAḄỌ ọmịna Tamụnọ ḅe pịrị gbọrụ atomi, anịsakị KỊNỊNYANAḄỌ ḅe ọ́ sẹlẹ-ọkị tẹ kẹ ó soku ḅụ ọ̀ nyana gbọrụ atomi sọma tẹ tomi-kụlọkụlọ ma tẹ tomikiri tọrụ mẹ ḅụ simearị apụ ma ḅụụ ḅụ.

Ditẹrọnọmị 14:2 Iomraidhean Croise

Ẹzịra 9:2

kẹ gotẹ ọkọ ḅẹẹarị, ini ịna eremịna-awọmẹ ma ḅẹ jen-apụ sime ọkị tẹẹ, pịkị sime ịna owiapụ-awọmẹ pịrị tẹẹ; anie mịẹtẹ fịafịa furo mẹ anị ḅụụ kẹ ama mẹ ḅẹ atomi ma na gụa pikiri tẹ. Anịsakị mị minini nyana-a mẹ, fịrịmẹnjị-opuapụ ma na, sịḅịdapụ ma na anie anị kẹ tọrọkọ tarị tẹịn ye.”

Ayịzaya 41:9

Tomikiri ḅẹ ịkọlị ma ḅụ àrị í ọkị-ḅom; sụma tẹịn ịkọlị ma ḅụ í simearị tẹ àrị ị́ sịn tẹ ị́ ḅẹẹm, ị́yẹrị ị̀ fịrịmẹnjịḅọọ. Àrị ị́ sịkị-a, kụma àrị ị́ sẹlẹ ọkịm.

Ayịzaya 6:13

Gbọrụḅọ kịngẹ ḅọrọ kọn sọ owiapụ ḅụ ama kiri mẹ ḅio, ori sọ ini ọ̀ ḅaa guluguluma ḅa; opu sịn pẹlẹ-gbin tẹ suku mẹ kọn ḅara anie ọ̀ kịka ḅarịye.” Suku mẹ sịẹ Tamụnọ atomi ma tẹ ịwọma saakị ḅarị apụ ma pịrị ḅa.

Ayịzaya 62:12

Ịn kẹ ịn sịn ḅarị ye: “Tamụnọ Fịafịa Atomi, KỊNỊNYANAḄỌ Ḅe Ḅọrọma Tẹ Apụ.” Ịn kẹ Jeruselemu sịn ḅarị ye: “Ḍọkị Pakama-ḅotẹ Ama, Tamụnọ Sịkị-a Opu Ama Mẹ.”

Jerimaya 2:3

Izirẹlị, í sime yẹrị ngẹrị pịrịm; ị́ tọn-tọn ḅara sime ị̀ pịrịm. Ye kẹ ị́ lama ḅọ lama ḅọ, à tọrụsiẹrị na opu ḅụụ-fụka na kẹ mḅọ fịrịmam. Yẹrị, KỊNỊNYANAḄỌ ḅe ọkọ ḅẹẹm.

Izikẹlị 21:2

Ori mẹẹ, “Fịị-fịị tomḅọ, Jeruselemu sime si ḅara na á paka ḅẹ ye na ḍuko-pakama. In mu-mu tẹ tẹkẹarị ayọ ma sime si ḅara ḍuko-pakama. Izirẹlị amakiri mẹ ḅẹ apụ ma ḅeri nụnụ

Danẹlị 12:7

Enjẹlị ḅe nwẹnị ori maa aḅara saakị so da tẹ tẹmẹ-la ḅara kẹ Sime-gbamaso Tamụnọ ḅe ẹrẹ ḅụ ye minini. Ò ḍukoarị tẹ à naam, “Tẹra akụra na pakịrị na mie anị la ḅarịye. Tamụnọ atomi ma ḅaa ḅẹ ḍọkị mẹ kunoma ḅẹ sakị, mịna aị mamgba paka fama ḅa.”

Danẹlị 8:24

Ọ̀ kụrọ paka-ḅo ḅa, kụma ò soku-ḅẹ kụrọ ḅụ-a. Ọ̀ ḅalafama ḅara kẹ ye guluguluma ḅa tẹ ọ̀ mịẹ ye mịẹ ye pịkị ọ̀ ḅara-ḅẹsọ ḅa. Ò gulugulu-faa dogi-ḅo kụrọ atomi na pịkị sime Tamụnọ pịrị apụ ma na pịrị ḅa.

Lẹvitikọsị 11:45

Kẹ gotẹ ọkọ ḅẹẹarị, Yẹrị anie KỊNỊNYANAḄỌ ḅe tẹ Ijiputi ama mẹ ḅio ọmịna Tamụnọ sọ ḅẹ ẹrẹsị ọ́ pakama-ḅo ḅọọ ọkọẹrẹsị ọ́ fịafịa ḅa, kẹ gotẹ ọkọ ḅẹẹarị, Yẹrị à fịafịa wararị.”

Lẹvitikọsị 19:2

“Izirẹlịapụ ma tomina-ogbo mẹmgba ḅẹẹ, ó fịafịa ḅara simee, gbala Yẹrị KỊNỊNYANAḄỌ ọmịna Tamụnọ ḅe à fịafịa wararị ẹrẹsị.

Lẹvitikọsị 20:24

Kụma à ḍuko ọ́ pịrị tẹ, ọmịnị ịna ama mẹ ḅio anga ḅa, tẹ arị anị kẹ ọ́ pịrị tẹ ọmịnị anị nyana ḅa, anie ḅụụ-ḅẹlẹmatẹ iḅiọkụma fịye so-pakamarị amakiri mẹ. Yẹrị anie KỊNỊNYANAḄỌ ọmịna Tamụnọ ḅe tẹ tomi ma ḅụụ ó ḅelema ḅọ ḅee.

Lẹvitikọsị 20:26

Ọmịnị ọmịna aḅụụ mịẹ fịafịama ị̀ pịrịị, gbala yẹrị KỊNỊNYANAḄỌ ḅe à fịafịa wararị ẹrẹsị, tẹ osi atomi ma ḅụụ ó puu-ḅelema tẹẹ, mịnẹ ó sime ị̀ pịrịị.

Romu 12:1

Mie ḅụ, ị̀ amịnapụ, Tamụnọ nyana wa pịrị opu ọkụrụkụrụ mẹ ẹrẹsị àrị ọ́ tẹkẹm: Ọmịnị ọmịna aḅụụ kẹ ḍumo wararị agba sọma Tamụnọ pịrịị, tẹ ḅụụ sịkị ọ̀ fịrị na ọ̀ ḅioḅẹlẹma na pịrịị. Miemẹ anie karakara ḅara mẹ tẹ ọ́ kẹ sunsin ọ̀ pịrị ḅarị ḅara.

Ditẹrọnọmị 14:21

Ḅẹẹye-ḅẹẹye tẹ ḅarana ngẹrị fịị ye goyegoye, ọ́ pẹị ma; ọmịnị inetẹ anị kẹ jen sịẹ ḅẹ ḅọ tẹ ọmịna ama ma ḅio simearị ḅọ pịrị ḅa mịnẹ mḅọ inetẹ anị pẹị ḅa, anịanịa ọmịnị inetẹ anị kẹ mḅọ dẹrị ḅa. Ọmịnị anie fịafịatẹ sime kẹ KỊNỊNYANAḄỌ ọmịna Tamụnọ ḅe pịrị apụ. Ọmịnị oḅori iyingiḅọ ndo-minji kẹ pịrịarị kala-oḅori sọọ pẹị ma.

Ditẹrọnọmị 28:9

Ọ̀ wẹrịtẹ ye karị ḅara kẹ minini ọ́ pịrị tẹ ḅara, sime ò ḅioju pịrị fịafịatẹ gbọrụ atomi ḅara ḅụ, KỊNỊNYANAḄỌ ḅe ọ́ sịẹma kụrọma ḅa, ọ́ KỊNỊNYANAḄỌ ọmịna Tamụnọ ḅe oloko ma koko, tẹ ori etela ma ḅụ mẹnjị-mẹnjị.

Ditẹrọnọmị 33:3

Karakara-ḅara-ḅụ ori ori atomi ḅẹlẹmam; ịn mịẹ-fịafịama ọ̀ pịrị apụ mamgba ọ̀ ḅara ḅio emi; anị ḅara mie ini ị́ mẹnjị-aḅụọ ḍukamẹnjị ḅịa, ị́ ḅụụ datụkụma ọkịarị,

Ditẹrọnọmị 4:20

Kụma ọmịnị KỊNỊNYANAḄỌ ḅe ọmịna ọkị tẹ, Ijiputi ḅio ḅụ, ikulele orumo ḅio ọ́ pakama-ḅom, ó ḅo ò soku ḅụ ọ̀ nyana atomi sọ ḅẹ ḅara, anị wẹrịtẹ mịmgba sime-ḅara.

Ditẹrọnọmị 7:6

Gbala ọmịnị anie fịafịa tẹ sime KỊNỊNYANAḄỌ ọmịna Tamụnọ ḅe pịrị gbọrụ atomi ẹrẹsị. KỊNỊNYANAḄỌ ọmịna Tamụnọ ḅe ọ́ sẹlẹ-ọkị tẹ kẹ gbọrsịḅị ori atomi tẹ sime ọ̀ pịrị apụ sọma tẹẹ, bebe tomikiri mẹmgba ḅụ.

Ditẹrọnọmị 7:7

Kịẹn-ḅịḅị ḅụ ọ́ ja atomi nẹngịm ẹrẹsị KỊNỊNYANAḄỌ ḅe ọ̀ ḅẹlẹma kẹ ọmịnị ọgọnọ gbana tẹ ọ́ sẹlẹ-ọkịm ọkọ-a, kẹ gotẹ ọkọ ḅẹẹarị, tomi mamgba ḅụ ọmịnị boowa tẹịnm.

Tayịtọsị 2:14

Ọ̀ wa gotẹ ọ̀ ḅụụ saakị pịrịm, tẹ si-sịḅịḅio mẹmgba ḅụ wa pụkọ-pakamaḅo, tẹ wa mịẹtẹ wa kpaịntẹ atomi sọ tẹ sime ori kịngẹ pịrị, tẹ iḅiye ngẹrị mịẹ ḅẹ ḅio-sẹsẹ nyana.

1 Pita 2:9

Kụma ọmịnị ma anie Tamụnọ sẹlẹ-ọkị tẹ furo, Amadaḅọ agbamịẹapụ, fịafịa sịẹ, sime Tamụnọ pịrị atomi, sẹlẹ pakama-ḅo tẹ Tamụnọ ḅụụ-buama amịẹaị ma ḍuko wasama ḅẹ apụ, anie kanakana ḅio ọ́ sịn pakama-ḅo ḅalafama bele ḅio suu Tamụnọ ḅe.