Ditẹrọnọmị 14:1 - FỊAFỊA BAỊBỤLỤ

¹ Ọmịnị anie KỊNỊNYANAḄỌ ọmịna Tamụnọ ḅe owiapụ-awọmẹ; ọmịnị ogie kẹ ọmịna aḅụụ pẹlẹ ma, pịkị ọmịna afụḅara-ḅọkọ kẹngẹ gbana fịtẹ-apụ pịrị ma.

Ditẹrọnọmị 14:1 Iomraidhean Croise

Suku-saakị 6:2

Tamụnọ owiapụ-awọmẹ ma nwẹnị ẹrị mịnẹ tomina eremịna-awọmẹ ma iḅi wararị; tẹ ịn nwẹnị ịna ḅụụ-ḅẹlẹ apụ sẹlẹ, sẹlẹ sime.

Suku-saakị 6:4

Arị ene ma ḅụ pịkị arị asakị ma ḅọrọ tẹ sakị ḅụ sọ, tomikiri mẹ ḅụ ḍụḅa-ḍụḅatẹ ịnyọ nyana owiapụ emi, tẹ in ḅo tomina eremịna-awọmẹ ma na simem, tẹ awọmẹ iyi ịn pịrịm. Mịna apụ ma anie elemu iḅere-iḅerea sakị ḅẹ kụrọ nyanatẹ opu aị mịẹ-mịẹ tẹ ereso opu atomi ma.

1 Amadapụ 18:28

In nwẹnị kụrọma oloku tẹ ịna mịẹ-mịẹye ḅara ḅụ okologie na, nangwọtẹ sịn kẹ ḅịḅị pịọ-pịọtẹ oḅuarị ikulele ḅụ sụa tẹ kẹ ịna ḅụụ pẹlẹ-pẹlẹ tẹ temi nwenii ọmbie nwẹnị ịna ḅụụ joi-joima sara ḅin.

Ayịzaya 63:16

Ị́yẹrị wamịna Ḍaḅọọ. Wamịna elemu aḍapụ, Ebira-amụ na Jekọbụ na ọkọ kẹ wa ọkị-a-o, kụma, KỊNỊNYANAḄỌ, anie wamịna ḍaḅọ, sakị mamgba wa pụkọ-pakamaḅoarị ḅọ ḅe.

Jerimaya 16:6

Mị amakiri mẹ ḅụ igoin-apụ na alapụ na fịị ḅa, kụma in ḍiḅi ḅẹ ḅọ ofori anịanịa in ḍuu. Gbọrụḅọ-sọ amịna oju pẹlẹ anịanịa sịḅị sẹịn-siin tẹ kẹ mḅọ kururuarị ye ḍie-pakama ḅịa.

Jerimaya 3:19

KỊNỊNYANAḄỌ ḅe mẹẹ, Izirẹlị, à ḅiim arị ị́ kẹ ì owiḅọ tụḅọ ḅara ọkị tẹ ḅioḅẹlẹmarị amakiri kẹ ị́ pịrị, bebe tomikiri mẹ ḅụ iḅi tẹịn amakiri. À ḅiim ị́ ḍaḅọ kẹ ị̀ sịn, tẹ gbala-gbala ḅarị ị̀ ḅụụ pịkị-so ḅịa ḅara.

Jerimaya 31:9

Ị̀ atomi owu-ma pịkị-ḅo ḅa, àrị ịna tọrọkọ tarị wararị sakị ịn tẹkẹarị. Àrị ịn kẹ mu minji mẹnjịarị ayọ la ḅa, gbima-gbima-a etela ḅụ, ịn pụmbụ ḅịa ḅara. À ḍaḅọ sọ Izirẹlị pịrị tẹẹ, tẹ Iferemu anie ị̀ mgbe.”

Jerimaya 41:5

owiapụ inia si nwẹnị Sẹkẹmụ na Silo na Sameriya na ḅụ sime tẹ ḅo la. Ini ịna asịḅị sẹịn-kpụkpụnụmam, tẹ ịna akapa kan tẹ ịna oju pẹlẹ-pẹlẹ pokolomam. Ini mbịaka na kụnụaị na ọkị-ḅo Tamụnọ-warị mẹ ḅio ḅo agbamịẹ ḅẹm.

Jerimaya 47:5

Opu kururu ḅo Gaza ḅẹ apụ la tẹ, tẹ Asẹkẹlọnị ḅẹ apụ gbọsime wararị Filisiteni ḅụ kirikọn-apụ ma kururu mu tọ-sakị la ḅẹ?

Hosiya 1:10

Izirẹlịapụ ma ḅo tọrụ-kọngọ ḅẹ onwi na kịka ḅa, ịn ḅaka ḅarị ḅara kịẹnkịẹn-ọkụ-ofori ḅara anịanịa iku-la-ḅara tọn-ḍikiḍiki-a ḅara. Mịọkụ Tamụnọ ịn ḅẹẹm, “Ọmịnị ị̀ atomi-a,” kụma gbọrụ ene ḅụ ori ịn ḅẹẹ ḅa, “Ọmịnị ḍumo wararị Tamụnọ ḅe awọmẹ!”

Lẹvitikọsị 21:5

Gbọrụ agbamịẹḅọ sọ amịna sịḅị sẹịn, anịanịa amịna ḅekeke ḅẹ mpọrị agara sẹịn, anịanịa ogie kẹ gbọrụ ḅara sọ kẹ amịna oju puu ma.

Jọnị 1:12

Anịsọ ja apụ ọ̀ daa-ọkịm tẹ ò mininim, mie ḅụ ori ịn mịẹtẹ ịn Tamụnọ awọmẹ sọm.

Jọnị 11:52

pịkị ini ngẹrị-a kụma ọ̀ fịị tẹ Tamụnọ atomi tẹ gala-gala wararị apụ mamgba kẹ ḅo gbọrụ ḅụ wẹrị ḅẹ ḅara.

Romu 8:16

Tamụnọ Tẹmẹ ḅe wamịna tẹmẹ ḅụ sọ tẹ Tamụnọ awọmẹ kẹ wa sịn-arị.

Romu 9:26

Tẹ anị gbọrụ anga mẹ tẹ in ḍuko ịn pịrịm ‘Ọmịnị ị̀ atomi-a’ ḅẹẹ anga mẹ ḅụ mie ini ịn sịn ḅarịye, ḍumo wararị Tamụnọ ḅe awọmẹ.”

Romu 9:4

Ini anie Tamụnọ atomi ma; ori ḅarana ịn kẹ ori awọmẹ sọma, tẹ ori ebube kẹ in ḍiem; ori ini na ọḅọkụ fị tẹ Oloko mẹ kẹ ịn pịrịm; ini anie karakara Tamụnọ tẹkẹ mẹ nyana ye; Tamụnọ minini ịn pịrị aị ịn nyana tẹ;

Romu 9:8

Miemẹ fiearị ye anie, tomi awọ iyi-iyi ḅara kẹ iyi apụ mamgba Tamụnọ awọmẹ ma-a; anie nakara Tamụnọ minini ye ḅụ iyi apụ ma anie karakara-ḅara-ḅụ Ebira-amụ furo-ḅẹ-apụ ma.

2 Kọrịntị 6:18

Àrị ọmịna Ḍaḅọ sọ ḅa, tẹ ọmịnị ị̀ owiapụ-awọmẹ na ị̀ eremịna-awọmẹ na sọ ḅa, Kụrọmamgba nyana KỊNỊNYANAḄỌ ḅe ọkọ ḅẹẹarị.”

Galesiya 3:26

Minini ḅụ mie ọmịnị-mgba ḅọrọ tẹ Kịrayịsị Jizọsị na gbọrụ ḅụ sime tẹ Tamụnọ awọmẹ sọ ye.

Ditẹrọnọmị 13:18

ó nwẹnị KỊNỊNYANAḄỌ ọmịna Tamụnọ ḅe pọkọ poki, ori oloko mamgba tẹ mịmgba à tọn ọ́ pịrị aị ma koko, tẹ KỊNỊNYANAḄỌ ọmịna Tamụnọ ḅe ḍiki-tọrụ ḅụ aniemẹ tẹ kuraye mịẹ-mịẹ.

Ditẹrọnọmị 32:6

Ọmịnị oḅori-sọarị tẹ sịḅịḅio nyana-a tomi, mị-ḅara mẹ mie ọ́ kẹ KỊNỊNYANAḄỌ ḅe gbẹẹ ḅara aro? Oriḅe tẹ ọ́ mịẹ tẹ ọ́ sịẹ kụrọ ḅọ ḅe ọmịna ḍaḅọ, tẹ ọ́ tẹmẹḅọ ḅe ori-a?

1 Tẹsalonịka 4:13

Wamịna mịnapụ, wa ḅiiarị ọ́ fịị ḅọrọtẹ apụ ma gboloma ye mẹ ḅẹ karakara mẹ nimi, mịẹtẹ ọ́ ḅarị ḅiokpọmaye nyana-a apụ kururu ḅara kẹ kururu ḅịa ḅara.

Hiburu 2:10

Anị kuram, mịnẹ Tamụnọ, tẹ ye mamgba tẹmẹ tẹ pịkị wẹrị kpaịnmarị ḅọ ḅe, mịẹtẹ Jizọsị tọrụsiẹrị ḅụ ḅọrọ tẹ kara gbasịm, mịẹ tẹ ọ̀ tọnwa awọmẹ ọkị-ḅo tẹ ini ori ebube ḅụ ḍie kiri nyana ḅẹ ḅara. Kẹ gotẹ ọkọ ḍukoarị, Jizọsị ḅe anie tọrọkọ-sụn tẹ ịn kẹ mu ḅọrọma laarị ḅọ.

1 Jọnị 3:10

Miemẹ giregirema Tamụnọ awọmẹ ma na Ekwesu ḅe awọmẹ ma na ogboku simearị kịrị mẹ ḍie-pakamarị; ḅẹḅọ-ḅẹḅọ tẹ kuraye mịẹ-a, pịkị amịna mịnaḅọ ḅẹlẹma-a ḅọ, anie Tamụnọ tụḅọ-a.

1 Jọnị 5:2

Wa Tamụnọ ḅẹlẹma tẹ, ọ̀ ḅịḅị poki tẹ ori oloko kokoarị ḅara, mie wa ḅọrọ tẹ nimiarị mịnẹ wa Tamụnọ awọmẹ ma ḅẹlẹmarị.