Ditẹrọnọmị 13:7 - FỊAFỊA BAỊBỤLỤ

⁷ tomi-kụlọkụlọ ma tẹ ọmịnị ikelema-koro wararị apụ ma oru-atamụnọ ma ọmịnị na kpeki aị-o, ala-jụ ḅụ sime aị-o, tomikiri mẹ ḅẹ gbọrụ kunoma ḅụ ọkị mu osi kunoma la,

Ditẹrọnọmị 13:7 Iomraidhean Croise

2 Paka-aị 22:3

Ori sọ Ehabụ warị mẹ mẹnjị etela mẹnjịm, ò iyingi anie ọ̀ mịẹ na-iḅi ye kẹ ò tolumarị ḅọ, si-sịḅịḅio-sụa ḅara kẹ ye mịẹ ḅụ ẹrẹsị.

Jerimaya 44:15

Anịtẹso owiapụ mamgba tẹ nimim mịnẹ ịna ereme agba mịẹ-mịẹ oru-atamụnọ pịrị tẹ apụ ma, na anịanga sịẹsime-sime ereme ma na, pịkị Izirẹlịapụ tẹ Ijiputi sịẹ mẹ ḅẹ suku-jụ ḅụ anga sime apụ ma kẹ ịna ḅụụ sụa — inimgba kịẹn-ḅịḅị ḍụḅam — nwẹnị ị̀ ḅẹẹ,

Kịẹn-aḅịḅị 25:4

tẹ KỊNỊNYANAḄỌ ḅe nwẹnị Mozizi ḅẹẹ, “Izirẹlị ḅẹ alapụ ma ọkịị, tẹ ịrụa mẹ ḅio, KỊNỊNYANAḄỌ ḅe tọrọkọ ịn kpọ-ḅaa, mịẹtẹ KỊNỊNYANAḄỌ ḅe ḅalafama kụrọ ịganị mẹ Izirẹlị ḅụ pịkị-so ḅarị ḅara.”

Ditẹrọnọmị 13:6

Í iyimbere, í iyingi owiḅọtụḅọ, anịanịa í owiḅọtụḅọ, anịanịa ị́ ẹrẹḅọtụḅọ, anịanịa ị́ tẹmẹ ḅio sime taḅọ, anịanịa í ikiaḅọ tẹ ị́ ọkị ị́ tẹmẹ lama ḅọ ḅọị ḅara kẹ í toluma tẹ ḅẹẹm: Yee wa mu fịrịmẹnjị oru-atamụnọ pịrị, oru-atamụnọ tẹ ị́yẹrị, anịanịa ị́ aḍapụ sọ nimi-a ye;

Ditẹrọnọmị 13:8

ọ́ ḅụụ-sịkị ọ̀ pịrị anịanịa ò poki ma, anịanịa ọmịnị ò ḍiki sịḅị-jịrị, anịanịa wẹrịso ọ̀ pịrị, anịanịa ọ̀ gbaịn;

Ditẹrọnọmị 6:14

Ó tomi ma tẹ ọmịnị ikelema-koro wararị apụ ma oru-atamụnọ ma ḅụ gbọrụ oru-tamụnọ sọ ḍukamẹnjị ma.

Jọsụwa 24:15

Anịsakị ọmịnị ma nwẹnị fịrịmẹnjị KỊNỊNYANAḄỌ ḅe pịrị ḅẹ ḅịa ḅẹḅẹ, mịmgba ọmịnị ọ́ fịrịmẹnjị pịrị ḅẹ ḅọ sẹlẹẹ, ọmịnị ọmịna aḍapụ ma Tọrụ mẹ saḅa ye-yọ ḅụ fịrịmẹnjị pịrị oru-afụḅara ma; anịanịa ọmịnị angarị Amọrayịtị apụ ma ama mẹ ḅẹ oru-afụḅara ma ḅoto; kụma yẹrị na ị̀ warị ḅẹ apụ na, KỊNỊNYANAḄỌ ḅe mie wa fịrịmẹnjị pịrị ḅarịye.”