Ditẹrọnọmị 13:4 - FỊAFỊA BAỊBỤLỤ

⁴ Ọ́ KỊNỊNYANAḄỌ ọmịna Tamụnọ ḅe ḍukamẹnjị ḅa, tẹ ò mangịma tẹ ori oloko ma koko, tẹ ọ̀ pọkọ poki, tẹ fịrịmẹnjị ọ̀ pịrị, tẹ ọ̀ fịnama ḅa.

Ditẹrọnọmị 13:4 Iomraidhean Croise

2 Amadapụ 23:3

Amadaḅọ ḅe nwẹnị ḅeriye mẹ akaka sịẹsime tẹ KỊNỊNYANAḄỌ ḅe tọrọkọ ori na ọḅọkụ fị mịnẹ ori ò ḅioḅẹngbọ mẹmgba na, ọ̀ tẹmẹ mẹmgba na kẹ KỊNỊNYANAḄỌ ḅe ḍukamẹnjị tẹ ọ̀ tọn aị ma na, ò ḍuko aị ma na, ori oloko ma tẹ kẹẹ wararị aị ma na koko tẹ mị ḍiri mẹ ḅio kẹẹ wararị ọḅọkụ mẹ ḅẹ ẹkwẹn-aḅịḅị ma ḅẹẹ ḅara mịẹ ḅa; tẹ tomi mamgba nwẹnị ọḅọkụ mẹ ḅụ sọ.

2 Paka-aị 34:31

Amadaḅọ ḅe nwẹnị ò sime anga ḅụ saakị sịẹsime tẹ KỊNỊNYANAḄỌ ḅe tọrọkọ ọḅọkụ fịm, ori ò ḅioḅẹngbọ mẹmgba na, ọ̀ tẹmẹ mẹmgba na kẹ KỊNỊNYANAḄỌ ḅe ḍukamẹnjị tẹ ọ̀ tọn aị ma na, ọ̀ kọrị tẹ iḅi-aị ma na, kẹẹ wararị oloko ma na koko, tẹ mị ḍiri mẹ ḅio kẹẹ wararị ọḅọkụ mẹ ḅẹ ẹkwẹn-aḅịḅị ma ḅẹẹ ḅara mịẹ ḅarị ḅara.

Jerimaya 7:23

Kụma à tọn ịn pịrịm ini ị̀ ḅịḅị pokii, anie ḅụ àrị ịna Tamụnọ sọ tẹ ini ì atomi sọ ḅẹm. Tẹ à ḍuko ịn pịrịm ini à tọn ịn pịrị ḅara ḍiki ḍumo kọn, mịẹ tẹ ye ini na iḅi ḅarị ḅara.

Mayịka 6:8

Mayịka nwẹnị ịn ḅẹ mịnẹ ọkọ-a, yei Izirẹlịapụ, KỊNỊNYANAḄỌ ḅe kọkọ wa mịẹ ḅẹ iḅiye mẹ kẹ wa ḍie, tẹ ọ̀ wamịna ḅara ḅii ye ḍuko wa pịrị tẹ; arị aị ma anie: karakara ḅẹrẹkọn na, iḅi-yemịẹ-ḅara na ḅẹlẹma na nyana jụmọ-jụmọ pịrị pịkị ḅụụ iderima ḅara kẹ wamịna Tamụnọ ḅe na gbọrụ ḅụụ sime.

Luku 1:6

Ini maa apụ mamgba Tamụnọ tọrọkọ iḅi ḍumo kọnm, anie ịn pịkị KỊNỊNYANAḄỌ ḅe oloko mamgba koko kpaịnma ḅara.

Romu 6:13

Ọ́ pịkị ḍụkụ tẹ si ọmịna ḅụ ḅẹ gbọrụ pakịrị sọ ọkị mu si amịẹaị ḅio suu ma. Anie nakara ọmịnị ọmịna aḅụụ mamgba saakị Tamụnọ pịrịị, anie fịị ḅụ ḅọrọ ḅo ḍumo ḅio sọ tẹ apụ ḅara ḅụ, tẹ ọmịna bebe oju mẹ sịkị karakara mịẹ pịrịị.

1 Kọrịntị 6:17

Kụma amịna ḅụụ kẹ KỊNỊNYANAḄỌ ḅe na gbolomarị ḅọ mẹ, tẹmẹ ḅụ, ori na gbọrụ ḅụ sime tẹẹ.

Ditẹrọnọmị 10:20

Ọ́ KỊNỊNYANAḄỌ ọmịna Tamụnọ ḅe ḍiki ḅalafa ḅa, ọ́ fịrịmẹnjị ọ̀ pịrị tẹ ọ̀ fịnama ḅa anịsakị ori ẹrẹ ḅụ mie ọ́ ḅụụ pikima ḅarịye.

Ditẹrọnọmị 11:1

Ọmịnị anịẹrẹsị KỊNỊNYANAḄỌ ọmịna Tamụnọ ḅe ḅẹlẹma tẹ ọ̀ tọn ọ́ pịrị aị ma na, ori oloko ma tẹ kẹẹ wararị aị ma na, kụrọ ọ̀ ḅara emi ḅara kẹ ọ̀ sụa oloko ma na, ori Oloko ma na koko tẹ arị mịẹ ḅa.

Ditẹrọnọmị 30:20

Ọ́ KỊNỊNYANAḄỌ ọmịna Tamụnọ ḅe ḅẹlẹmaa, ọ̀ pọkọ pokii, tẹ ori oḅoloo; aniemẹ gbala ḍumo na nangwọ ene na fie ọ́ pịrịarị ẹrẹsị, mịẹtẹ ama mẹ tẹ KỊNỊNYANAḄỌ ḅe ye karị ḅara ḅụ, kẹ ọmịna aḍapụ Ebira-amụ na, Ayịzịkị na, Jekọbụ na pịrị ḅẹ minini ịn pịrị ama mẹ ḅio ọmịnị anga ḅẹ ḅara.”

Ditẹrọnọmị 6:13

Ọ́ KỊNỊNYANAḄỌ ọmịna Tamụnọ ḅe mangịma ḅa; ọ́ fịrịmẹnjị ọ̀ pịrị ḅa, tẹ ori ẹrẹ ngẹrị ḅụ ḅụụ-pikima ḅa.

Ditẹrọnọmị 6:5

Anịsakị ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na, ọmịnị ịnyọ mẹmgba na, kẹ KỊNỊNYANAḄỌ ọmịna Tamụnọ ḅe ḅẹlẹma ḅa.

Kọlọsị 1:10

Anịtẹso ó ḅo inetẹ KỊNỊNYANAḄỌ ḅe ḅiiarị ḍumo ḅara, kọn tẹ pịkị sakị mamgba ò ḅioḅẹlẹma ḅarịye mịẹ ḅa. Ọmịna ḍumo iḅi amịẹaị ḅara-ḅara pakama-ḅo ḅa, tẹ ọ́ Tamụnọ nimi tọrọkọ-tọrọkọ mu ḅa.

2 Jọnị 1:6

Tamụnọ na wamịna pembema atomi na ḅẹlẹma mẹ fiearị ye anie Tamụnọ ḍuko ye mịẹ. Oloko mẹ tẹ Anịngẹ-kụraḅio ọmịnị-mgba naa tẹ ye mẹ anie, ọ́ jụmọ-jụmọ ḅẹlẹma ḅụ angaa.

1 Samụẹlị 7:3

Anịtẹso Samụwẹlị nwẹnị Izirẹlị warị mẹmgba ḅẹẹ, “Ọ́ nwẹnị ọmịna ḅioḅẹngbọ mẹmgba kẹ pịkịma KỊNỊNYANAḄỌ ḅe ḍọkụma-ḅoarị ḅẹḅẹ, ọmịnị ọmịna ogbo-ḅio igoni oru-atamụnọ ma na, Asịtarọtị ẹrẹḅọ-oru ma na kẹ-ngumaa, tẹ ọmịna ḅioḅẹngbọ kẹ da-da KỊNỊNYANAḄỌ ḅe daa, tẹ fịrịmẹnjị ori ngẹrị pịrịị, anịsakị ò Filisiteniapụ ma ḅara ḅụ ọ́ ḍụa-ḅọrọma ḅa.”