Ditẹrọnọmị 13:2 - FỊAFỊA BAỊBỤLỤ

² tẹ elekima mẹ, anịanịa ḅụụ-buamaye mẹ tẹ ò ḍuko ọ́ pịrị ye mẹ paka-paka, tẹ ó yee wa ja oru-atamụnọ tẹ amụ ó nimi-a aị ḍukamẹnjị tẹ fịrịmẹnjị ịn pịrị kẹ ọ́ ḅẹẹ ḅẹẹ,

Ditẹrọnọmị 13:2 Iomraidhean Croise

1 Amadapụ 13:3

Ịkịankoroḅọ ḅe nwẹnị gbọrụ elekima ḍuko ọ̀ pịrị anị gbọrụ ene mẹ ḅụ tẹ ḅẹẹm, “Mị agbamịẹ-anga mẹ kaan-sara ḅa, tẹ anị ọgọnọ ḅẹ fọọn ma gala-gala ḅa.”

Paka-so 22:19

“Ḅẹḅọ-ḅẹḅọ tẹ nama na gboloma ḅọ, gboloma ḅọ ọmịnị mḅọ ḅaa ḅa.”

Paka-so 7:22

Kụma Ijiputi ḅẹ majịkị-mịẹapụ ma ịn ḍawọ tẹ ḍin ḅọị aị ḅụ mị gbọrụ ye mẹ mịẹm; mie ḅụ Fero ḅioḅẹngbọ anị sime kụrọ ḅara mẹ simem; tẹ KỊNỊNYANAḄỌ ḅe ḅẹẹ tẹ ḅara ḅụ, ori ịn poki ḍụkụ-a.

Jerimaya 23:32

Yẹrị, KỊNỊNYANAḄỌ ḅe, ḍukoarị ye pokii! Ịkịankoroapụ ma tẹ amịna iruo aḍawọ ma ḍuko arị apụ ma, arị ini na tụḅụrụarị. In mịna aḍawọ ma ḍuko tẹ ịna iruo-aị ma na ḅụụ-boma na kẹ ị̀ atomi da irimarị. Yẹrị ịn fịrịma-a, anịanịa tọn ịn pịrị in mu, tẹ gbala-gbala gbọrụ ḅarasụa sọ ịn nyana tomi ma pịrị-a. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 27:9

Ọmịna ịkịankoroapụ, anịanịa ḅẹḅọ-ḅẹḅọ tẹ ọkịarị mịnẹ mḅọ inetẹ ḅaa paka ḅẹ ye ḍuko ḅarị ḅọ, anị ḅọrọ ḍawọ ḅụ-o anịanịa fịtẹ-apụ atẹmẹ siin saakị ḅụ-o, anịanịa majịkị ḅụ-o, ọmịnị in poki ma. Inimgba ḍuko ọ́ pịrịarị ọ́ sịḅị-tuu Babịlonịya ḅẹ amadaḅọ ḅe pịrị ma.

Jerimaya 28:9

Kụma gbọrụ ịkịankoroḅọ dein ịkịan korom ḅẹḅẹ, ịn kẹ ori karakara ịkịankoroḅọ nwẹn ḅẹẹ ye lekiri ḅarịye anie, KỊNỊNYANAḄỌ ḅe karakara-ḅara-ḅụ ori ẹrị ịkịan mẹ mịẹ tẹ anị karakara ye sọ ḅa.”

Zẹkaraya 10:2

Tomi oru-afụḅara na ḅịrịapụ na ḅara ye gbelarị, kụma pakịrị-aḅịḅị tẹ ịn nyanarị aị iruo-aị na ofori-ofori aị na. Ja apụ ḍawọ puuarị, kụma ó toluma irima kịngẹ mie ịn mịẹarị; ịn pịrịarị dedema mẹ ye mịẹ-a. Mie ḅụ tomi ma iri-faa tẹ anana ikelekele ḅara ikelekelearị. Ịn ḅụụ-fụka ḅụ emi ịn sịḅịdaḅọ nyana-a ẹrẹsị.

Matiyo 24:24

Kẹ gotẹ ọkọ ḅẹẹarị, iruo Amazaya na, iruo ịkịankoroapụ na, ḅụụ pakama ḅa; ini opu ḅụụ-buama-aị na, ḅụụ-gbiripuma-aị na, mịẹ tẹ oḅori kẹ Tamụnọ sẹlẹ-ọkị tẹ atomi ma sọ sịn ḅẹ ḅii ḅa, anị inetẹ ọkọ mịẹ ḅẹ kụma.

Ditẹrọnọmị 13:13

mịnẹ ofori-ofori gbọrụ atomi ọmịna ogbo-ḅio paka mu opu ama mẹ ḅio sime apụ ma nụnụ so tẹ ḅẹẹm: Ó yee wa mu fịrịmẹnjị oru-atamụnọ pịrị, arị aị ma tẹ amụ ọ́ nimi-a aị ma,

Ditẹrọnọmị 13:6

Í iyimbere, í iyingi owiḅọtụḅọ, anịanịa í owiḅọtụḅọ, anịanịa ị́ ẹrẹḅọtụḅọ, anịanịa ị́ tẹmẹ ḅio sime taḅọ, anịanịa í ikiaḅọ tẹ ị́ ọkị ị́ tẹmẹ lama ḅọ ḅọị ḅara kẹ í toluma tẹ ḅẹẹm: Yee wa mu fịrịmẹnjị oru-atamụnọ pịrị, oru-atamụnọ tẹ ị́yẹrị, anịanịa ị́ aḍapụ sọ nimi-a ye;

Ditẹrọnọmị 18:20

Kụma gbọrụ ịkịankoroḅọ tẹ ọkọ tẹ ị̀ ẹrẹ ḅụ gbọrụ ẹkwẹn-ḅịḅị tẹ amụ à tọn ọ̀ pịrị-a ye ḍuko anịanịa oru-atamụnọ ẹrẹ ḅụ ẹkwẹn ḅọ, ẹkwẹn ḅọ anị gbọrụ ịkịankoroḅọ ḅe ọ̀ fịị.

Ditẹrọnọmị 18:22

gbọrụ ịkịankoroḅọ KỊNỊNYANAḄỌ ḅe ẹrẹ ḅụ ẹkwẹnm, tẹ ẹkwẹn-ḅịḅị mẹ ḅo paka tẹ ḅọrọ-a anịanịa ḅo karakaraye sọ-a ḅẹḅẹ, aniemẹ anie ẹkwẹn-ḅịḅị tẹ KỊNỊNYANAḄỌ ḅe amụ kọn-a ye, ịkịankoroḅọ ḅe ò ḅio ḅụ ọkọ tẹ anị ḍukom. Ọmịnị ò ḍiki-ḅalafa ma.