Ditẹrọnọmị 13:18 - FỊAFỊA BAỊBỤLỤ

¹⁸ ó nwẹnị KỊNỊNYANAḄỌ ọmịna Tamụnọ ḅe pọkọ poki, ori oloko mamgba tẹ mịmgba à tọn ọ́ pịrị aị ma koko, tẹ KỊNỊNYANAḄỌ ọmịna Tamụnọ ḅe ḍiki-tọrụ ḅụ aniemẹ tẹ kuraye mịẹ-mịẹ.

Ditẹrọnọmị 13:18 Iomraidhean Croise

Suku-saakị 22:17

piki-pikiye-ofori ḅara ḅụ arị í boma ḅa, à mịẹtẹ í furo-ḅẹ-apụ So-ḅio ḅẹ alolia ma na, onwi ma tẹ tọrụ akaka ḅẹ mịmọ mẹ ọgọnọ simearị aị ma sara ḅara kama ḅa. Anịsakị í furo-ḅẹ-apụ ini na fịya-a apụ ma ogigo mẹ ọkị nyana ḅa,

Devidi-Anume 119:6

Àrị ị́ tọn kuroma aị mamgba kẹ ye-sịn kụma à ḅarị mu ḅụụ-jịrị ḅio sọ ḅịa.

Matiyo 6:33

Anie nakara, ọ́ mịẹ ḅẹẹye-ḅẹẹye nẹngị na-iḅi ye anie, Tamụnọ Ama-da mẹ na ò ḅiiarị ọ́ mịẹ ḅẹ kura-aị ma na ḍọkịị, tẹ ori nwẹnị ḅarana osi-aị mamgba mịẹ tẹ arị ḅo ọmịna ḅara la.

Matiyo 7:21

“ ‘Ị̀ Nyanaḅọ, Ị̀ Nyanaḅọ’ kẹ ị̀ sịn-arị ḅọ goḅọ-goḅọ anie Tamụnọ Ama-da suku-ḅio simearị atomi ma ḅẹ gbọrụḅọ sọ ḅarị ḅọ-a, kụma ị̀ Ḍa So-ḅio simearị ḅọ ḅe ḅiiarị ye mịẹ ḅọ ngẹrị.

Matiyo 7:24

“Ọkọẹrẹsị, ḅẹḅọ-ḅẹḅọ tẹ mịna ị̀ ẹkwẹn ma naa tẹ arị koro ḅara mịẹ ḅọ mḅọ kịkarị ḅọ anie ye-nimi tomḅọ tẹ amịna warị kẹ ịkụ ọgọnọ nama ḅọ.

Ditẹrọnọmị 12:25

Ọmịnị anị pẹị ma; mịẹtẹ ye mamgba ọmịnị na iḅiọkụ sime ma mu, tẹ ọ́ ḅọrọtẹ so sakị ye ọmịna awọmẹ na iḅiọkụ sime ma mu ḅẹ ḅara, ọ́ KỊNỊNYANAḄỌ ḅe ḍiki-tọrụ ḅụ kuraye mịẹ sakị goyegoye.

Ditẹrọnọmị 12:28

Ọ́ ḅụụ ẹbị-bịtẹ mịna ẹkwẹn mamgba tẹ à kọn tẹ tọn ọ́ pịrị aị ma kẹ elekima sụa, mịẹtẹ anị ọmịnị na iḅiọkụ sime ma mu gbamaso ḅẹ ḅara, ọ́ KỊNỊNYANAḄỌ ọmịna Tamụnọ ḅe ḍiki-tọrụ ḅụ iḅiye na, kuraye na mịẹ sakị goyegoye.

Ditẹrọnọmị 12:32

À tọn ọ́ pịrị ye goyegoye ọ́ ḅụụ ẹbị-ẹbị tẹ anị mịẹ ḅa; ó ye kẹ anị ḅụ sụa, anịanịa ye sin ma.

Ditẹrọnọmị 13:17

Sime sima pịrị aị ma ḅẹ gberie-sọ ọmịna ḅara sọ ma; mịẹtẹ KỊNỊNYANAḄỌ ḅe ọ̀ ḅalafama ịganị ḅụ pịkị tẹ ọkụrụkụrụ na, ḍiki-ḅụụjịrị na nyana ọ́ pịrị, tẹ ọ̀ wẹrịtẹ ye karị ḅara kẹ minini ọmịna aḍapụ ma pịrị ḅara ori ọ́ mịẹtẹ ọ́ kama ḅẹ ḅara,

Ditẹrọnọmị 14:1

Ọmịnị anie KỊNỊNYANAḄỌ ọmịna Tamụnọ ḅe owiapụ-awọmẹ; ọmịnị ogie kẹ ọmịna aḅụụ pẹlẹ ma, pịkị ọmịna afụḅara-ḅọkọ kẹngẹ gbana fịtẹ-apụ pịrị ma.

Ditẹrọnọmị 7:26

Anịsakị ọ́ tọn-tọnye ọkị-ḅo ọmịna warị ḅio suu tẹ ḅo anị wori ḅara wori ma; ọ́ gbọrsịḅị anị sịkị tẹ anị tọn ḅa, kẹ gotẹ ọkọ ḅẹẹarị, aniemẹ anie wori tẹ ye.

Jọsụwa 7:26

Ịn gburo-gburo ḅara kẹ tọnwa aḍụḅarị saakị saakị ori ọgọnọ kpolima tundurumam, tẹ anị sime ḅo mịmgba lam. Anịẹrẹsị ọkị-ḅo mịmgba la ịn kẹ anịjụ mẹ koro ẹrẹ anie Akọ Tụndụ-ogboku. Anịtẹso KỊNỊNYANAḄỌ ḅe nwẹnị ori ịganị tẹ fịnị kọrị ḅara kọrịarị ye mẹ ḅụ pịkị.