Ditẹrọnọmị 13:16 - FỊAFỊA BAỊBỤLỤ

¹⁶ Ọmịnị anị ḅio ḅẹ aị mamgba kobiri anị ḅẹ ama-ogbo ḅụ sara ḅa, tẹ fịnị kẹ bebetẹ dọkịma agba mịẹ ḅara kẹ opu ama mẹ na, anị ḅio ḅẹ fọịn aị mamgba dọkịma KỊNỊNYANAḄỌ ọmịna Tamụnọ ḅe pịrị ḅa; anị gbọrụ kiri ḅụ kpoli sime gbamaso ḅa, ịn ḅarị jen kẹ sin anị nama ḅịa.

Ditẹrọnọmị 13:16 Iomraidhean Croise

Paka-so 22:19

“Ḅẹḅọ-ḅẹḅọ tẹ nama na gboloma ḅọ, gboloma ḅọ ọmịnị mḅọ ḅaa ḅa.”

Ayịzaya 17:1

KỊNỊNYANAḄỌ ḅe ḅẹẹm, “Damasịkọsị ḅarị jen kẹ ama ẹrẹ fị ḅịa. Si fama tẹ aị tan kpolima wararị yọ mie anị sọ ḅarịye.

Ayịzaya 25:2

Ị́ ama ma pịkị-ḅo kan-saratẹ aị sọma tẹ, pịkị ịna ḅụụ-ḍụaaị ma guluguluma tẹ. Si kẹ wa tọn apụ ma nama amada-awarị ma fa gbamaso tẹ.

Jerimaya 49:2

Kụma sakị mẹ ḅoarị, anie à mịẹ tẹ sịḅịda opu ama, Raba mẹ, ọmụ yeke-yeke naa ḅa, tẹ ini anị kan-sara tẹ so ḅa, tẹ anị ḅẹ kala-ama ma dọkịma kiri lama ḅa. Tẹ Izirẹlị ịna kiri ọkị apụ ma ḅara siin amịna kiri ọkị ḅa.

Izikẹlị 26:14

Papaa finji-sara wararị ịkụ mie à wẹrịso tẹ inji-ḅaapụ inetẹ anị ọgọnọ ịna ịgbọ iri ḅarịye. Kịnị ḅarị jen kẹ opu ama siin nama ḅịa. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.”

Mayịka 1:6

Anịẹrẹsị yẹrị KỊNỊNYANAḄỌ ḅe Sameriya kẹ kikima-a ḅara ḅụ sara sọma kpolima ḅa, sime kụrọ-aḍụọ ḍiḅi pịrị ọkụ. Ịn kẹ ama mẹ nama aḍụḅarị ma à nwẹn ḅaa sara ḅa, tẹ kẹ tụndụ ogboku mẹ ḅụ sara kuroma ḅa, tẹ anịḅẹ sukutarị-aḍụḅarị ma paụma ḅa.

Ditẹrọnọmị 7:25

Ịn kẹ ye kịkama tẹmẹ wararị ịna oru-atamụnọ ma ọ́ fịnị kẹ arị dọkịma ḅa, arị ọgọnọ simearị seleḅa, anịanịa golu mẹ ọ́ nwẹn mọnị ma, anịanịa arị ọkị ọmịna aḅụụ pịrị; anieofori anị ḅofa ḍiein sọ tẹ ó tuu koroma; kẹ gotẹ ọkọ ḅẹẹarị, anị tọn-tọnye sọ KỊNỊNYANAḄỌ ọmịna Tamụnọ ḅe pịrị wararị.

Ditẹrọnọmị 7:26

Anịsakị ọ́ tọn-tọnye ọkị-ḅo ọmịna warị ḅio suu tẹ ḅo anị wori ḅara wori ma; ọ́ gbọrsịḅị anị sịkị tẹ anị tọn ḅa, kẹ gotẹ ọkọ ḅẹẹarị, aniemẹ anie wori tẹ ye.

Jọsụwa 6:21

Anịtẹso ini okologie kẹ opu ama mẹ ḅio ịkatakirikọn-a-ḅara kẹ owiapụ na, ereme na, asambịrịma apụ na, omongitẹ apụ na, pootẹ-anambulo na, anana na, yedogi-anama mamgba na ḅaam.

Jọsụwa 6:24

Anịtẹrẹmẹ ịn fịnị kẹ opu ama mẹ na, anị ḅio sime aị mamgba na dọkịmam; seleḅa na, golu ma na, pịkị ojo na, ikulele na kẹ tẹmẹ ẹfẹrẹ ma na ngẹrị mie ịn kẹ KỊNỊNYANAḄỌ ḅe warị mẹ ḅẹ ye koko anga ḅụ suu ye.

Jọsụwa 6:26

Jọsụwa anị sakị mẹ ḅụ ye karị ini ọgọnọ gbanam, tẹ ḅẹẹm: KỊNỊNYANAḄỌ ḅe tọrọkọ ḅụ wori-nume sime owiḅọ ḅe tẹ saakị tẹ sin mị opu ama Jeriko mẹ nama ḅọ nama ḅọ pịrị. Mḅọ mḅọ tarị iyi owiḅọtụḅọ ḍumo kẹ anịḅẹ sukutarị-ḍụḅarị koroma ḅa; Anịsakị mḅọ, mḅọ furo pẹlẹ owiḅọtụḅọ ḍumo kẹ anịḅẹ Ogigo-aḅọkọ ma sụa ḅa.

Jọsụwa 8:28

Anị ḅara mie Jọsụwa kẹ Ayị dọkịma ḅara, tẹ anị kẹ si-aị nguma kpoli sara sọma gbamasom anị wẹrịtẹ sime ḅo mịmgba sọ la ḅara.