Ditẹrọnọmị 13:10 - FỊAFỊA BAỊBỤLỤ

¹⁰ Ḍụḅarị mie ọ́ kẹ ò gbin ḅaa ḅarịye, gbala ọ̀ KỊNỊNYANAḄỌ ọmịna Tamụnọ ḅe tẹ Ijiputi ḅẹ ama mẹ ḅio, ọmịnị omoni-sọ anga mẹ ḅio ọ́ pakama-ḅo ḅọ ḅe ḅụụ ḅụ ọ́ nụnụ sin ḅẹ ḍọkịm ẹrẹsị.

Ditẹrọnọmị 13:10 Iomraidhean Croise

2 Amadapụ 11:18

Anịtẹso ama mẹ ḅio ḅe atomi mamgba nwẹnị Balị warị mu tẹ anị kan sara; ori ebeka ma na, ịn kẹ ọ̀ kịkama tẹmẹ-aị ma ịn kẹ pakịrị-pakịrị puu famam, tẹ nwẹnị Balị oru-alaḅọ Matani ḅaa ebeka ma tọrọkọ. Agbamịẹḅọ ḅe nwẹnị kịnị kẹ koroma tẹ KỊNỊNYANAḄỌ ḅe warị mẹ ḍikiḍiki.

2 Paka-aị 24:21

Kụma ịn nwẹnị ḅẹrẹ-ḅiya ọ̀ pịrị, tẹ amadaḅọ ḅe tọn ḅara ḅụ ḍụḅarị kẹ ò gbin ḅaa KỊNỊNYANAḄỌ ḅe warị mẹ nụngọ ḅụ.

Paka-so 20:2

Yẹrị anie KỊNỊNYANAḄỌ ọmịna Tamụnọ ḅee, tẹ Ijiputi ḅẹ ama mẹ ḅio ọ́ pakama-ḅo ḅọ ḅee, ọmịnị omoni-sọ anga mẹ ḅio.

Paka-so 32:27

Tẹ ọ̀ nwẹnị ịn ḅẹẹ, “Mị-ḅara mie KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ḅara, ‘Owiḅọ nwẹn-sịn owiḅọ amịna angagbasa ḅụ amịna okologie sin tẹ kobiri-ogbo mẹ ḅio mẹnjị-iwo-na-ideri-na gbọrụ onu ḅọkọ ḅụ so mu jen la ikelema-koro tẹ ọrụḅọ-ọrụḅọ iyimbere-mịnaḅọ pẹlẹ-ḅaa, ikiaḅọ mḅọ ikiaḅọ pẹlẹ-ḅaa, mịnaḅọ mḅọ na kpeki tẹ angarị mịnaḅọ pẹlẹ-ḅaa.’ ”

Lẹvitikọsị 20:2

“Izirẹlịapụ ma ḅẹẹ, Izirẹlị ḅẹ apụ ma ḅụ, anịanịa igoniapụ tẹ Izirẹlị ḅụ angarị apụ ma ḅụ, ḅẹḅọ-ḅẹḅọ tẹ amịna awọmẹ ḅụ ḅẹḅọ-ḅẹḅọ kẹ Molẹkị nwẹn-sịn oru-tamụnọ ḅe pịrị ḅọ pịrị ḅọ, ini mḅọ ḅaa ḅa; ama mẹ ḅẹ apụ ḍụḅarị kẹ mḅọ gbin ḅaa ḅa.

Lẹvitikọsị 20:27

Owiḅọ, anịanịa ẹrẹḅọ tẹ fụḅara, anịanịa, ḅara-kuḅu ḍikiarị ḅọ, anịanịa majịkị mịẹarị ḅọ, ini mḅọ ḅaa ḅa. Ịn ḍụḅarị kẹ mḅọ gbin ḅaa ḅa. Mḅọ ọmbie amịna ọgọnọ gbana ḅa.

Lẹvitikọsị 24:23

Mị-ḅara mie Mozizi ẹkwẹn Izirẹlị ḅẹ apụ ma pịrị ḅara; tẹ ịn nwẹnị kobiri-ogbo mẹ sime anga mẹ ḅụ ḅịḅị kẹ Tamụnọ lama ḅọ ḅe pakama-ḅo, tẹ ḍụḅarị kẹ ò gbin ḅaam. Mị-ḅara mie Izirẹlị ḅẹ apụ ma kẹ KỊNỊNYANAḄỌ ḅe tọn Mozizi pịrị ye mẹ mịẹ ḅara.

Ditẹrọnọmị 13:5

Kụma anị ịkịankoroḅọ ḅe, anịanịa anị ḍawọ-puuḅọ ḅe ini ọ̀ ḅaa ḅa, gbala ọ̀ sịḅị-kụrọ toluma tẹ, KỊNỊNYANAḄỌ ọmịna Tamụnọ ḅe tẹ Ijiputi ḅẹ ama mẹ ḅio ọ́ pakama-ḅo, tẹ omoni-sọ anga mẹ ḅio ọ́ pakịrị ḅọ ḅe na tụḅụrụ ye tolumam ẹrẹsị, kẹ ó mịẹtẹ ọmịnị etela mẹ tẹ KỊNỊNYANAḄỌ ọmịna Tamụnọ ḅe tọnm ọ́ mẹnjị ḅẹẹ ye mẹ wẹrịso ḅẹ ḅara. Mị-ḅara mie ọ́ kẹ ọmịna ogbo-ḅio siye mẹ sịkịrị sin ḅarị ḅara.

Ditẹrọnọmị 17:5

anịrẹ ọmịnị anị owiḅọ ḅe, anịanịa anị ẹrẹḅọ ma tẹ mị siye mẹ mịẹ ḅọ mẹ kẹ ọmịna ogigo-aḅọkọ ma ḅo ḅa tẹ ḍụḅarị kẹ anị owiḅọ ḅe, anịanịa anị ẹrẹḅọ ma gbin ḅaa ḅa.

Ditẹrọnọmị 17:7

Ọ̀ ḅaa mẹ ḅụ ḅẹrẹ kiri sime apụ ma ḅara tomi mamgba ḅụ tarị tarị ọ̀ da-paka ḅa, tẹrẹmẹ tomi mamgba ḅo anị ḅụ sọ ḅa. Mị-ḅara mie ọmịnị ọmịna ogbo-ḅio siye mẹ sịkịrị sin ḅarị ḅara.

Ditẹrọnọmị 21:21

Anịtẹso ọkụma opu ama mẹ ḅẹ owiapụ mamgba ḍụḅarị kẹ ò gbin ḅaa ḅa; mị-ḅara mie ọ́ kẹ siye mẹ sịkịrị siin ḅarị ḅara ọmịna ogbo-ḅio ḅụ; anịsakị Izirẹlị mẹmgba naa tẹ ḅalafa ḅa.

Ditẹrọnọmị 4:19

Anịsakị ọmịnị ọmịna aḅụụ ẹbị anieofori ó ḅofa ọmịna atọrụ saakị So daa, tẹ So-ḅio sime aị mamgba — ịrụa mẹ na, akalụ mẹ na, lolia ma na — ẹrị sakị ó ḅofa pịkị tẹ sunsin tẹ fịrịmẹnjị arị pịrị. KỊNỊNYANAḄỌ ọmịna Tamụnọ ḅe mịna aị ma kẹ bebe So mẹ suku-ḅio simearị asịẹ mamgba pịrị tẹẹ.

Jọsụwa 7:25

Jọsụwa nwẹnị ḅẹẹ, “Í tiegotẹ ḅụụ-fụka ọkị-ḅo wamịna ọgọnọ gbana? KỊNỊNYANAḄỌ ḅe mịmgba ḅụụ-fụka ọkị-ḅo ị́ ọgọnọ gbana tẹ.” Tẹ Izirẹlị mẹmgba ḍụḅarị kẹ ò gbin tẹ fịnị kẹ ịn dọkịmam.