Ditẹrọnọmị 13:1 - FỊAFỊA BAỊBỤLỤ

¹ Ọmịna ogboku ịkịankoroḅọ, anịanịa ḍawọ-puuḅọ saakị paka-ḅo tẹ gbọrụ elekima, anịanịa gbọrụ ḅụụ-buamaye ḍuko ọ́ pịrị,

Ditẹrọnọmị 13:1 Iomraidhean Croise

1 Amadapụ 13:18

Anịtẹso Bẹtẹlị ḅụ ḅo elemu ịkịankoroḅọ ḅe nwẹnị ọ̀ ḅẹẹ, “Yẹrị ḅe sọ í pembe ịkịankoroḅọ tẹ gbọrụ enjẹlị ḅo KỊNỊNYANAḄỌ ḅe ẹkwẹn-ḅịḅị ḅụ ẹkwẹn ị̀ pịrịm, tẹ ḅẹẹm, ‘Ori na pịkịma ị́ warị ḅio sọ-ḅo tẹ mịẹtẹ ò yefị tẹ minji ḅuu ḅẹ ḅara.’ ” Kụma ori iruo kọn ọ̀ pịrịm.

1 Amadapụ 13:19

Anieḅụ ọ̀ nwẹnị ori na pịkịma-so, tẹ ọ̀ warị ḅụ yefị tẹ minji ḅuum.

Egberima-Ẹkwẹn 30:6

Ị́ ọkịarị mịnẹ ò gberie ḍukom, tẹ ori ọkọ sime ye ḍuko-a ḅẹḅẹ, ori í ḍiki-ịganị tẹ mịẹ tẹ kịnị nimi ḅa mịnẹ ị́yẹrị iruoḅọ.

Ayịzaya 9:15

Omongitẹ kụn kẹ pịrị na-iḅi apụ ma anie sịḅị mẹ — tẹ etemi mẹ nwẹnị iruo aị tolumarị ịkịankoroapụ ma!

Jerimaya 23:11

KỊNỊNYANAḄỌ ḅe mẹẹ: Ịkịankoroapụ ma na agbamịẹapụ ma na ịn Tamụnọ nimi-a; In siye mịẹarị tẹ arị in kun tẹ Tamụnọ-warị mẹ ḅio ḅioju ḅụ sọ.

Jerimaya 23:32

Yẹrị, KỊNỊNYANAḄỌ ḅe, ḍukoarị ye pokii! Ịkịankoroapụ ma tẹ amịna iruo aḍawọ ma ḍuko arị apụ ma, arị ini na tụḅụrụarị. In mịna aḍawọ ma ḍuko tẹ ịna iruo-aị ma na ḅụụ-boma na kẹ ị̀ atomi da irimarị. Yẹrị ịn fịrịma-a, anịanịa tọn ịn pịrị in mu, tẹ gbala-gbala gbọrụ ḅarasụa sọ ịn nyana tomi ma pịrị-a. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 27:9

Ọmịna ịkịankoroapụ, anịanịa ḅẹḅọ-ḅẹḅọ tẹ ọkịarị mịnẹ mḅọ inetẹ ḅaa paka ḅẹ ye ḍuko ḅarị ḅọ, anị ḅọrọ ḍawọ ḅụ-o anịanịa fịtẹ-apụ atẹmẹ siin saakị ḅụ-o, anịanịa majịkị ḅụ-o, ọmịnị in poki ma. Inimgba ḍuko ọ́ pịrịarị ọ́ sịḅị-tuu Babịlonịya ḅẹ amadaḅọ ḅe pịrị ma.

Jerimaya 29:24

Ḍuko Sẹmaya, Nehelamụ ḅẹ ḅọ ḅe pịrịị,

Jerimaya 29:26

‘KỊNỊNYANAḄỌ ḅe ị́ kẹ agbamịẹḅọ sọma tẹ kẹ Jehohada kiri ḍima tẹẹ, anie mịọkụ sịḅịda fịrịmẹnjịḅọọ Tamụnọ-warị mẹ ḅio. Anị ị́ kọrịnama sọ tẹẹ, nọmụḅọ goḅọ-goḅọ tẹ amịna ḅụụ kẹ ịkịankoroḅọ sịn-arị ḅọ kọngọ ḅụ ikoli kẹ ịkasị koroma.

Jerimaya 29:8

Yẹrị, KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ọmịna ḅeri nụnụarị mịnẹ ọmịnị ọmịna aḅụụ wẹrịso tẹ ọmịna ogboku anga ịkịankoroapụ ma oḅori kẹ ọ́ sịn ma, anịanịa ḅẹ japụ-japụ tẹ amịna aḅụụ ọkịarị mịnẹ ini inetẹ ḅaa paka ḅẹ ye nimi tẹ ḍuko ḅa. Ịn kọn-arị aḍawọ ma ḅẹ gberie-sọ ọ́ kẹ ye-sịn ma.

Jerimaya 6:13

Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Izikẹlị 13:23

Mịọkụ ọkọ ẹrẹsị ọmịna papaa ịkịan ma na ọmịnị ẹrịarị kịnị toluma irimarị aḅịrị ma na ḅẹrẹ fa tẹ. Àrị ị̀ atomi pụkọ-pakamaḅoarị ọmịna kụrọ ḅụ, mịẹ tẹ ó nimi ḅarị ḅara mịnẹ yẹrị anie KỊNỊNYANAḄỌ ḅe.”

Zẹkaraya 10:2

Tomi oru-afụḅara na ḅịrịapụ na ḅara ye gbelarị, kụma pakịrị-aḅịḅị tẹ ịn nyanarị aị iruo-aị na ofori-ofori aị na. Ja apụ ḍawọ puuarị, kụma ó toluma irima kịngẹ mie ịn mịẹarị; ịn pịrịarị dedema mẹ ye mịẹ-a. Mie ḅụ tomi ma iri-faa tẹ anana ikelekele ḅara ikelekelearị. Ịn ḅụụ-fụka ḅụ emi ịn sịḅịdaḅọ nyana-a ẹrẹsị.

Zẹkaraya 13:4

Anị ene mẹ ḅụ, gbọrụ ịkịankoroḅọ sọ mḅọ ẹrị ịkịan ma kẹ ḅụụ-tọn ḅịa, anịanịa ịkịankoroḅọ kịka ḅara kẹ ye mịẹ, anịanịa ịkịankoroḅọ kụrọtẹ ḅịtẹ paka sụa tẹ kẹ oḅori kẹ kịnị sịn.

Matiyo 24:11

Anịsakị tọnwa iruo ịkịankoroapụ amịna aḅụụ ḍie-pakama tẹ oḅori kẹ tọnwa-apụ sịn ḅa.

Matiyo 24:24

Kẹ gotẹ ọkọ ḅẹẹarị, iruo Amazaya na, iruo ịkịankoroapụ na, ḅụụ pakama ḅa; ini opu ḅụụ-buama-aị na, ḅụụ-gbiripuma-aị na, mịẹ tẹ oḅori kẹ Tamụnọ sẹlẹ-ọkị tẹ atomi ma sọ sịn ḅẹ ḅii ḅa, anị inetẹ ọkọ mịẹ ḅẹ kụma.

Matiyo 7:15

“Ọmịnị iruo ịkịankoro apụ ḍiki ḅụụ kịẹn; ini ọ́ ḍọkụma-ḅo ḅarị sakị anana oju mie ịn sụa tẹ ḅo ḅarịye, kụma ḅioju ḅụ ini ma anie karakaramatẹ piri ḅio anana kun pẹị-pẹị anama.

Makị 13:22

Gotẹ ọkọ ḅẹẹarị, iruo-mẹsayapụ na, iruo ịkịankoroapụ na tolu-sịẹ ḅa. Ịn ḅụụ-gbiripuma aị na ḅụụ-buama-aị na mịẹ ḅa, kẹ oḅori kẹ, anị inetẹ mịẹ ḅẹ kụma, Tamụnọ sẹlẹ-ọkị tẹ apụ ma sọ sịn ḅa.

Luku 6:26

“Tomi mamgba ọ́ kẹ iḅiye fiearị ḅẹḅẹ, ọ́ tẹkẹlẹ tẹẹ; ma gbọrụ aị ma mie ịna atẹngịapụ ma iruo ịkịankoroapụ ḅụ ḍuko aị ma.”

Ditẹrọnọmị 18:20

Kụma gbọrụ ịkịankoroḅọ tẹ ọkọ tẹ ị̀ ẹrẹ ḅụ gbọrụ ẹkwẹn-ḅịḅị tẹ amụ à tọn ọ̀ pịrị-a ye ḍuko anịanịa oru-atamụnọ ẹrẹ ḅụ ẹkwẹn ḅọ, ẹkwẹn ḅọ anị gbọrụ ịkịankoroḅọ ḅe ọ̀ fịị.

Ditẹrọnọmị 4:1

Izirẹlị, mịọkụ ọ́ kẹẹ wararị oloko ma na, kụrọ ḅara-ḅio sime apụ sụa ọ́ pịrị oloko ma na tẹ à kẹ ó toluma aị ma koko tẹ arị mịẹ; mịẹtẹ ó ḍumo tẹ mu KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị ama mẹ ọkị nyana ḅẹ ḅara

Ditẹrọnọmị 4:2

Ẹkwẹn mẹ tẹ arị ẹkwẹn tẹ tọn ọ́ pịrị ye mẹ ḅụ ó ye kẹ sụa, anịanịa ye sin ma; mịẹtẹ ọ́ KỊNỊNYANAḄỌ ọmịna Tamụnọ ḅe oloko ma tẹ à tọn ọ́ pịrị aị ma koko ḅẹ ḅara.

2 Tẹsalonịka 2:9

Si-sịḅịḅio-sụa Ḅọ ḅe, Ekwesu kụrọ mie ọ̀ kẹ ḅo ḅarịye, tẹ kẹ kịrị-kịrị iruo ḅụụ-buama-aị na ḅụụ-gbiripuma aị na mịẹ ḅa,

2 Pita 2:1

Elemu sakị iruo ịkịankoro apụ tomi ma ogboku paka gbọrụ ḅara mẹ, mie ọmịna ogboku sọ iruo ye-tolumapụ paka ḅarị ḅara. Ye gala-galama na kura-a toluma aị na mie in dogi-ḅo ḅarịye, tẹ pịkị ịn pakịrị ḅo Sịḅịdaḅọ ḅe sọ pịkị ḅa, anị ḅara ḅụ ịn bẹkẹ-ḅara-kẹ in ḅaa guluguluma ḅarị ḅụụ-fụka dogi-ḅo amịna ọgọnọ gbana ḅa.

1 Jọnị 4:1

Ì iḅi ikiapụ, ọmịnị ọ́ ḅẹẹarị mịnẹ ịn Fịafịa Tẹmẹ ḅe nyana wararị ḅẹẹ apụ mamgba minini ma, kụma ọmịnị ịn tọn ḍiki tẹ nimi ịn nyana tẹmẹ mẹ Tamụnọ ḅara ḅoarị ḅoto. Kẹ gotẹ ọkọ ḍukoarị, tọnwa iruo ịkịankoroapụ anga, anga ḅụ saakị paka tẹ.