Ditẹrọnọmị 12:7 - FỊAFỊA BAỊBỤLỤ

⁷ Anịjụ mie ọ́ KỊNỊNYANAḄỌ ọmịna Tamụnọ ḅe tọrọkọ fịye fị tẹ ḍereku ḅarịye, ọmịnị awarị suku na, ọ́ mịẹarị tẹ KỊNỊNYANAḄỌ ọmịna Tamụnọ ḅe kẹ ó boma aị mamgba ḅụ.

Ditẹrọnọmị 12:7 Iomraidhean Croise

1 Paka-aị 29:22

Anị ene mẹ ḅụ, ịn KỊNỊNYANAḄỌ ḅe tọrọkọ ḅụ fị-na-ḅuu-nam, gburo-gburotẹ ḅioḅẹlẹ ḅụ. Ịn nwẹnị maaịn karama sakị kẹ Sọlọmọnị Devidi owiḅọtụḅọ ḅe kẹ amadaḅọ sọma, tẹ KỊNỊNYANAḄỌ ḅe amadaḅọ owiḅọtụḅọ ḅara ḅụ pulo kẹ ọ̀ sịḅị sara, tẹ Zadọkụ kẹ agbamịẹḅọ sọma.

Nehimaya 8:9

Nehimaya ḅẹrẹtọn sime ḅọ ḅe na, Ẹzịra agbamịẹḅọ pịkị ḍiri-kẹẹḅọ ḅe na, Livayị furo-ḅẹ-apụ tẹ ye kẹ tomi ma toluma apụ ma nwẹnị tomi mamgba ḅẹẹ, “Mịmgba mẹ anie KỊNỊNYANAḄỌ ọmịna Tamụnọ ḅe ḅụụ ḅụ fịafịa eneḅaka; ó kururu, anịanịa owu ma.” Kẹ gotẹ ọkọ ḅẹẹarị, ini Oloko mẹ ḅẹ ẹkwẹn-aḅịḅị ma naa tẹso, tomi mamgba owum.

Nimi Tolumaḅọ 3:12

À nimi wararị mịnẹ ịn ḍumo wararị sakị goyegoye ini na iḅi kẹ fị-na-ḅuu-na, ḅioḅẹlẹ na nẹngị ḅẹ ye ofori;

Nimi Tolumaḅọ 3:13

aniemẹ anie Tamụnọ ḍiepịrịye tẹ ọ̀ kẹ tomḅọ pịrị ye, mịnẹ ḅẹḅọ-ḅẹḅọ fị, pịkị ḅuu tẹ mḅọ nụnụ ye mẹmgba ḅẹ tọrụ-ḅẹlẹ nyana-a.

Nimi Tolumaḅọ 5:18

Ḍikii, mịẹ na-iḅi ye tẹ àrị ẹrị iḅiye anie: fị-na-ḅuu-na, tẹ Tamụnọ kẹ mḅọ pịrị wararị kpụlụtẹ ḍumo mẹ ḅụ mḅọ kọrị pakama-ḅo tẹ ye mẹ ḅụ tọrụ-ḅẹlẹ nyana; miemẹ anie tomḅọ So ḅụ ḅo ye mị tomikiri mẹ ḅụ.

Ayịzaya 23:18

Tuḅo ḅụ á nyana ḅarị igbigi mẹ á wẹrị sikima KỊNỊNYANAḄỌ ḅe pịrị ḅa. Árị anị kẹ koko ḅụụ pịrị fama ḅịa, kụma sunsin KỊNỊNYANAḄỌ pịrịarị apụ igbigi mẹ kẹ in ḅiiarị fịye na ḅịtẹ na kapa na fẹẹ ḅa.

Ayịzaya 62:9

Kụma ọmịnị mbịaka mẹ ḍiḅi tẹ anị kpọọ tẹ pẹlẹ apụ ma Anie anị ḅẹ fịturu mẹ fị tẹ KỊNỊNYANAḄỌ ḅe tokini ḅarịye. Ọmịnị kụrọ mgbọlụ ma tẹlẹma pakama-ḅo tẹ kaịn kobiri apụ ma Anị ḅẹ iru mẹ ḅuu ḅa ị̀ warị mẹ ḅẹ ogigo mẹ ḅio.”

Izikẹlị 44:3

Anịsọ Izirẹlịapụ Ḅẹrẹtọnḅọ ḅe mu anị anga ị̀ tọrọkọ ḅụ sime tẹ fịafịa fịye fị ḅa. Ogigo-ḅọkọ mẹ ḅẹ mẹnjị-toluḅọrọ-anga mẹ ḅụ, mie ọ̀ ḅọrọ sọ-na-paka-na ḅarị ye.”

Jowẹlị 1:16

Ḍikii! Wamịna tọrọkọ anị paka tẹẹ: wa soku-ḅẹ afịaị ma gulugulu fama tẹẹ. Wamịna Tamụnọ ḅe warị mẹ ḅio sọ ḍereku fa tẹẹ.

Jowẹlị 2:26

Mịọkụ ọ́ tọnwa fịaị nyana tẹ fị ḅa, tẹ anị ọmịnị na iḅi ḅa. Ọ́ KỊNỊNYANAḄỌ ọmịna Tamụnọ ḅe tokini ḅa, anie ḅụụ-buama-aị mịẹ ọ́ pịrị ḅọ ḅe. Kịnị ḅarị jen kẹ gbala-gbala ị̀ atomi ma ḍiki-sima ḅịa.

Lẹvitikọsị 23:40

Tarị eneḅaka mẹ ḅụ, ọmịnị iḅi asịn ma ḅẹ iḅi-iḅịtẹ asịnmgbọlụ na, ọrọrọ aḅara na, ịnyịnya sụa wararị asịn ịkpangị na, kuroro akaka so-pakarị tẹịn, tẹịntẹ asịn kala aị na ọkị tẹ kẹ KỊNỊNYANAḄỌ ọmịna Tamụnọ ḅe tọrọkọ sọnọma aḍin kẹ ḍereku ḅa.

Malakayị 2:13

Mie jen tẹ ọ́ mịẹarị ye. Ọmịnị owu-minji kẹ KỊNỊNYANAḄỌ ḅe agbamịẹ-anga mẹ ḅilemarị, tẹ lee-leema owuarị, ọ̀ ḅarị jen kẹ ọmịnị ọkị-ḅoarị ḍiepịrị-aị ma da-a ẹrẹsị.

Fịrịmẹnjịapụ 2:46

Ene gbarịma-a ḅara ịn nwẹn kẹ Tamụnọ-warị mẹ ḅio gbọrụ ogbo ḅẹ apụ ḅara kẹ kobirim, tẹ nwẹnị ini anga awarị ḅụ ye fị, ḅioḅẹlẹ na ḅụụ-iderima aḅioḅẹngbọ na ḅụ.

Ditẹrọnọmị 12:12

Anịsakị ọ́ KỊNỊNYANAḄỌ ọmịna Tamụnọ ḅe tọrọkọ ḍereku ḅa, ọmịnị na, ọmịna owiapụ-awọmẹ na, ọmịna eremịna awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na ini ọmịnị na gbọrụ ḍiekiri, anịanịa sime anga sọ nyana-a ḅẹ sakị.

Ditẹrọnọmị 12:18

Kụma KỊNỊNYANAḄỌ ọmịna Tamụnọ ḅe tọrọkọ mie ọ́ fị ḅarịye anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅarị anga mẹ ḅụ, ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, Livayị furo-ḅẹ-apụ tẹ ọmịna ama ma ḅio sime apụ ma na; anịsakị ọ́ KỊNỊNYANAḄỌ ọmịna Tamụnọ ḅe Tọrọkọ ḍereku ḅa ọ́ nyana tẹ mịẹ ye, mịẹ ye mamgba ḅụ.

Ditẹrọnọmị 12:8

Ọ́ wẹrịtẹ ọrụḅọ-ọrụḅọ mḅọ tọrụ kura ḅara tẹ mịmgba wa mịẹarị aị mamgba mịẹ ma.

Ditẹrọnọmị 14:23

Anịsakị KỊNỊNYANAḄỌ ọmịna Tamụnọ ḅe tọrọkọ mie, anịanga mẹ tẹ ọ̀ sẹlẹ-ọkị tẹ mịẹtẹ ori ẹrẹ mẹ anịanga ḅụ sime ḅarị anga mẹ ḅụ, ọmịnị ọmịna sịnmgbọlị mẹ na, ọmịna iru mẹ na, ọmịna pulo mẹ na, ọmịna anama ogbo mẹ na, ọmịna anana na oḅori na ogbo ma na, furo finji anama ma na, nyana-oyi-ḅụụ-gberie mẹ fị, anịanịa ḅuu, anịanịa taḅa tẹ pịkị pẹị ḅarịye, mịẹtẹ ọ́ sakị mẹmgba inetẹ KỊNỊNYANAḄỌ ọmịna Tamụnọ ḅe mangịma mẹ ḍawọ ḅarị ḅara.

Ditẹrọnọmị 14:26

tẹ igbigi mẹ kẹ ó ḅii ye, ḅii ye fẹ ḅa, pootẹ-nambulo-o, anịanịa anana-o, anịanịa iru-o, anịanịa kụrọtẹ iru-o, ị́ pọkọ tarị ye, tarị ye; tẹ ị́yẹrị na, ị́ warị suku na, anịjụ KỊNỊNYANAḄỌ ọmịna Tamụnọ ḅe tọrọkọ arị fị-fị ḍereku ḅa.

Ditẹrọnọmị 15:20

Anị anga mẹ tẹ KỊNỊNYANAḄỌ ḅe sẹlẹ-ọkị ḅarị anga ḅụ ọmịnị na, ọmịna warị-suku na kụra ḅụ KỊNỊNYANAḄỌ ọmịna Tamụnọ ḅe tọrọkọ anị pẹị ḅa.

Ditẹrọnọmị 26:11

Anịsakị ọmịnị na, Livayị furo-ḅẹ-ḅọ ḅe na, jen sịẹ ḅẹ igoni ḅọ ḅe tẹ ọmịna ogbo-ḅio simearị ḅọ ḅe na, nwẹnị iḅi mẹ tẹ KỊNỊNYANAḄỌ ọmịna Tamụnọ ḅe kẹ ọmịnị na, ọmịna warị na pịrị tẹ ye mẹ kẹ ḍereku ḅa.

Ditẹrọnọmị 27:7

Anịsakị ọ́ tọnwa dein-pịrị-agba mịẹ, tẹ anịjụ fịye fị ḅa; tẹ KỊNỊNYANAḄỌ ọmịna Tamụnọ ḅe tọrọkọ ḍereku ḅa.

Ditẹrọnọmị 28:47

Gbala ọ́ tọnwa ḅara kẹ ye mamgba nyana ye ẹrẹsị ó ḍereku na, ḅioḅẹngbọ ḅẹ ḅioḅẹlẹ na ḅụ fịrịmẹnjị kẹ KỊNỊNYANAḄỌ ọmịna Tamụnọ ḅe pịrị-a.

Filipayị 4:4

Sakị mamgba ó ḅioḅẹlẹẹ, ọ́ KỊNỊNYANAḄỌ ḅe na gbọrụ ḅụ emi ye mẹ ḅụ. À siin ḍukoarị, ó ḍerekuu!