Ditẹrọnọmị 12:5 - FỊAFỊA BAỊBỤLỤ

⁵ Kụma ọmịnị ọ́ KỊNỊNYANAḄỌ ọmịna Tamụnọ ḅe furo-furo mamgba ḅụ sẹlẹ pakama-ḅo ḅarị anga mẹ tẹ ori ẹrẹ kẹ sụa tẹ anịjụ kẹ ò sime anga mịẹ ḅẹ ḅara ḍọkị ḅa, anịjụ mie ó mu ḅarịye,

Ditẹrọnọmị 12:5 Iomraidhean Croise

1 Amadapụ 12:27

Mịna atomi ma nwẹnị Jeruselemu mu tẹ anịanga Tẹkẹ-warị mẹ ḅio agba mịẹ KỊNỊNYANAḄỌ ḅe pịrị kụma, ini ịna sịḅị-tuu mẹ saḅama tẹ kẹ Juda ḅẹ Amadaḅọ Rihobohamụ pịrị ḅa tẹ ị̀ ḅaa ḅa tẹ Juda ḅẹ amadaḅọ Rihobohamụ ḍọkụma-mu ḅa.”

1 Amadapụ 14:21

Sọlọmọnị owiḅọtụḅọ Rihobohamụ Juda ḅụụ ama-da sakị ọ̀ sịḅị kụra amesi, gbọrụ kụra finji ḅọrọ tẹẹ, tẹ nwẹnị tẹra kụra fa si kẹ Jeruselemu, Izirẹlị ibe mamgba ḅụ KỊNỊNYANAḄỌ ḅe kẹ in sunsin ọ̀ pịrị ḅẹ anga gotẹ sẹlẹ-ọkị opu ama mẹ ḅụ ama-dam. Ò iyingi ẹrẹ Nahama, Amọnị ḅẹ ẹrẹḅọ.

1 Amadapụ 8:16

‘Àrị Ijiputi ḅụ ị̀ atomi ma pakama-ḅo kụra-ḅio amụ à gbọrụ opu ama sọ sẹlẹ ọkị-a Izirẹlị mamgba ḅụ Tamụnọ warị nama na-iḅi anga ịn sunsin ị̀ pịrị ḅarị anga. Kụma àrị ị́ sẹlẹ-ọkịm, Devidi, ị́ ḅẹrẹtọn ị̀ atomi ma pịrị ḅarị ḅara.’ ”

1 Amadapụ 8:20

“Mịọkụ KỊNỊNYANAḄỌ ḅe ori ọ̀ ḅịḅị sima-a. Àrị ị̀ ḍa ḅe kiri ọkị tẹẹ, Izirẹlị ḅẹ amadaḅọ ḅara ḅụ, anịsakị Tamụnọ-warị mẹ nama tẹẹ, sunsin Izirẹlị ḅẹ KỊNỊNYANA-TAMỤNỌ ḅe pịrị mẹ gotẹ.

1 Amadapụ 8:27

“Kụma Tamụnọ inetẹ tụkụma ḅara ḅụ tomikiri ḅụ anga ḅẹ? So mẹ ḅẹ geletẹịn So mẹ sọ ḍụḅa tẹ ị́ sọ ḅẹ ḅara sime-a; anieḅụ ndẹẹ mị Tẹkẹ-warị mẹ tẹ à nama ye mẹ ị́ sọ ḅẹ ḅara?

1 Amadapụ 8:29

Ḍin na eneḅaka na ḅụ ị́ tọrụ mị tẹkẹ-warị mẹ ḅụ simee, mị yọ mẹ tẹ ị́ sẹlẹ-ọkịm sunsin ị́ pịrị ḅẹ anga mẹ. Ị̀ naa, à tọrụ kẹ mị tẹkẹ-warị mẹ da tẹ tẹkẹ sakị, tẹkẹ sakị.

2 Amadapụ 18:22

“Kụma ị́ nwẹnị ị̀ ḅẹẹm, ‘Wa KỊNỊNYANAḄỌ wamịna Tamụnọ ḅe ḅụụ sịrẹrẹm’ ḅẹḅẹ — Hẹzịkaya kan siin gele ayeyọ ma na ebeka ma na nyana ḅọ ori ḅị Tamụnọ ḅe-a, tẹ Juda na Jeruselemu na ḅẹẹm, ‘Mị ebeka mẹ tọrọkọ mie ọ́ sunsin ḅarị ye Jeruselemu ḅụ?’

1 Paka-aị 22:1

Anịtẹso Devidi nwẹnị ḅẹẹ, “Mịanga ḅụ mie KỊNỊNYANA-TAMỤNỌ ḅe warị mẹ sime ḅarịye, anịsakị mịanga sime Izirẹlị dọkịma-agba mịẹ anga pịrị ḅa.”

2 Paka-aị 7:12

Anịtẹso KỊNỊNYANAḄỌ ḅe nwẹnị ḍin ḅụ ḅụụ kẹ Sọlọmọnị ḍie tẹ ọ̀ ḅẹẹ, “Àrị ị́ tẹkẹ naa tẹẹ, anịsakị à mị anga mẹ sẹlẹ-ọkị tẹẹ, agba mịẹ warị ḅara ḅụ.

Ẹzịra 3:2

Anịtẹso Jozadakị owiḅọtụḅọ Jọsụwa nwẹnị saakị, ò pembe agbamịẹapụ Zerubabẹlị, Sẹlịtẹlị owiḅọtụḅọ ḅe na, ori amịnapụ na nwẹnị ọ̀ ḅụụ sọ, tẹ in Izirẹlịapụ tẹkẹarị Tamụnọ ḅe agbamịẹ-anga mẹ namam anị wẹrịtẹ Mozizi Tamụnọ tomḅọ ḅe oloko mẹ ḅio kẹẹ wararị ḅara ḅụ ini anị ọgọnọ dọkịma-agba mịẹ ḅarị ḅara.

Ẹzịra 6:12

Yee Tamụnọ ḅe tẹ mịẹtẹ ori ẹrẹ anịjụ sime ḅọ ḅe Amadaḅọ goḅọ-goḅọ, anịanịa ḅẹẹ-atomi-atomi tẹ ḅara kẹ miemẹ ḍima ḅụ su ḅọ su ḅọ, anịanịa mị Tamụnọ warị mẹ tẹ Jeruselemu ḅụ simearị ye mẹ kanḅọ-kanḅọ nẹngịmaa. Yẹrị Darịyọsị ḅẹrẹ mẹ tọnm; yee sakị fama-a ḅara ḅụ anị mịẹ.”

Ẹzịra 7:17

Mị igbigi mẹ, ọ́ kẹ iḅiọkụ ọ́ fẹ ḅẹ owi-nambulo ma na, ejimina ma na, asambịrịma anana ma na, arịḅẹ mgbọlụ agba mịẹ aị na, arịḅẹ iru agba mịẹ aị na fẹ ḅa, tẹ ḅa tẹ ọmịna Tamụnọ warị mẹ tẹ Jeruselemu ḅụ simearị ye mẹ ḅẹ agbamịẹ-anga mẹ ọgọnọ agba mịẹ ḅa.

Nehimaya 1:9

kụma ọ́ pịkịma ị̀ ḍọkụma-ḅom tẹ ì oloko ma koko tẹ arị mịẹ-mịẹ, ọ́ gala-gala mu ala-tẹịn So-atọrụ ma suku-ḅio sọ-sọ, arị arị ayọ ma ḅụ ó kobiri ḅo à ḅẹẹm ị̀ ẹrẹ mẹ sime ḅẹ tẹ à sẹlẹ-ọkị anga mẹ ḅụ koroma ḅa.’

Devidi-Anume 78:68

Anie nakara ò Juda furo mẹ sẹlẹ ọkịm na Zayọnị Tụndụ mẹ na, anie ọ̀ kpọma ḅẹlẹmarị anga mẹ.

Paka-so 15:2

KỊNỊNYANAḄỌ ḅe anie ị̀ ịnyọ na, ì nume na. Ò ḅo ị̀ ḅọrọmaḅọ sọ tẹẹ; Ḅieḅe anie ị̀ Tamụnọ, àrị ò tokini ḅa; ị̀ ḍa Tamụnọ, tẹ àrị ọ̀ saakị gelema ḅa.

Paka-so 20:24

Lịka mie ọ́ kẹ agbamịẹ-anga nama ị̀ pịrị ḅarịye, tẹ anị ọgọnọ ḅụ ọmịna anana ma na, ọmịna pootẹ-anambulo ma na kẹ dọkịma-agba ma na, dein-pịrị-agba ma na mịẹ ị̀ pịrị ḅarịye; à mịẹtẹ kịnị ị̀ ẹrẹ kẹ ḅiokoroma ḅẹ anga goyegoye ḅụ à ḅo tẹ ó boma ḅa.

Paka-so 25:22

Anị yọ mie à ḅo ọmịnị na ẹrịya ḅarị anga, anịsakị ḅịḅị-gbaịnye mẹ ọgọnọ, maa Sẹrubimu ma tẹ Ọḅọkụ-Igbe mẹ ọgọnọ simearị aị ma ogboku mie àrị oloko mamgba tẹ à sụa Izirẹlịapụ ma pịrị ḅẹ aị kẹ ị́ na ẹkwẹn ḅarịye.”

Jerimaya 26:2

KỊNỊNYANAḄỌ ḅe ị̀ ḅẹẹm, “Tamụnọ-warị mẹ ḅẹ ogigo mẹ ogboku sịẹsime tẹ à tọn ị́ pịrị tẹ í ḍuko ḅẹ aị mamgba ḍuko wasama Juda ḅẹ ama ma ḅụ sime tẹ ḅo sunsin Tamụnọ pịrị ḅẹ apụ ma pịrịị. Gberie-sọ siin ma.

Jerimaya 7:12

Silo muu, à tarị sẹlẹ ọkịm in sunsin ị̀ pịrị ḅẹm nwẹn ḅẹẹ anga mẹ, tẹ à kẹ anị mịẹ ye ẹrị, ị̀ atomi Izirẹlị asi gotẹ.

Jerimaya 7:14

Anie ḅụ, à kẹ Silo mịẹ ye mẹ à kẹ mie ị̀ Warị mẹ mịẹ ḅa, ọ́ kẹ ḅiokpọmarị ye mẹ. Mị yọ mẹ tẹ à kẹ ọmịna elemu aḍapụ na ọmịnị na pịrị ye mẹ, àrị à kẹ Silo mịẹ gbọrụ ye mẹ kẹ anị mịẹ ḅa.

Lẹvitikọsị 17:4

tẹ anị ọkị-ḅo tẹ kẹ ḍiepịrịye ḅara ḅụ Kobiri Akpụrụ-warị mẹ ḅọkọ ḅụ, Ọḅọkụ-Igbe koko Akpụrụ-warị mẹ tọrọkọ anị kẹ KỊNỊNYANAḄỌ ḅe pịrị-a ḅẹḅẹ ọmbie ọsụma ḅẹrẹ-ḅarasii anị tomḅọ ḅe ọgọnọ gbana ḅa, mḅọ ọmbie ọsụma tẹ, anịsakị anị tomḅọ ḅe ini mḅọ pẹlẹ-siin ḅa mḅọ atomi ogbo-ḅio ḅụ.

Kịẹn-aḅịḅị 7:89

Tẹ Mozizi mẹnjị Kobiri Akpụrụ-warị mẹ ḅio sọ, tẹ KỊNỊNYANAḄỌ ḅe na ẹkwẹn ḅẹ mu tẹso, ọkụrụkụrụ Emine mẹ tẹ Ḅụụ ḍie-pakama Ọḅọkụ-Igbe mẹ ọgọnọ-jụ maa Sẹrubimu ma ogboku ḅụ ọ̀ nwẹnị ẹkwẹn ọ̀ pịrịarị pọkọ mẹ naa tẹ anị ẹkwẹn ọ̀ pịrịm.

Ditẹrọnọmị 12:11

anịtẹrẹmẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ tẹ mịẹtẹ ori ẹrẹ anịjụ sime ḅẹ anga mẹ, anịanga mẹ tẹ ọmịnị à tọn ọ́ pịrị aị mamgba: ọmịna dọkịma agbamịẹ-aị na, ọmịna agba ma na, ọmịna nyana-oyi-ḅụụ-gberie mẹ na, agba tẹ ọ́ mịẹ ḅẹ aị na, ịlọ tẹ ó minini KỊNỊNYANAḄỌ ḅe pịrị tẹ suma ḅẹ aị mamgba na kẹ ḅo ḅẹ anga mẹ.

Ditẹrọnọmị 12:13

Ọmịnị ọmịna aḅụụ ẹbị mịnẹ ọ́ ḅẹẹ-anga ḅẹẹ-anga tẹ ọmịnị ẹrị anga, ẹrị anga ḅụ ọmịna dọkịma-agba ma mịẹ-a.

Ditẹrọnọmị 12:18

Kụma KỊNỊNYANAḄỌ ọmịna Tamụnọ ḅe tọrọkọ mie ọ́ fị ḅarịye anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅarị anga mẹ ḅụ, ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, Livayị furo-ḅẹ-apụ tẹ ọmịna ama ma ḅio sime apụ ma na; anịsakị ọ́ KỊNỊNYANAḄỌ ọmịna Tamụnọ ḅe Tọrọkọ ḍereku ḅa ọ́ nyana tẹ mịẹ ye, mịẹ ye mamgba ḅụ.

Ditẹrọnọmị 12:4

Ọmịnị ọkọ kẹ sunsin KỊNỊNYANAḄỌ ọmịna Tamụnọ ḅe pịrị ma.

Ditẹrọnọmị 14:23

Anịsakị KỊNỊNYANAḄỌ ọmịna Tamụnọ ḅe tọrọkọ mie, anịanga mẹ tẹ ọ̀ sẹlẹ-ọkị tẹ mịẹtẹ ori ẹrẹ mẹ anịanga ḅụ sime ḅarị anga mẹ ḅụ, ọmịnị ọmịna sịnmgbọlị mẹ na, ọmịna iru mẹ na, ọmịna pulo mẹ na, ọmịna anama ogbo mẹ na, ọmịna anana na oḅori na ogbo ma na, furo finji anama ma na, nyana-oyi-ḅụụ-gberie mẹ fị, anịanịa ḅuu, anịanịa taḅa tẹ pịkị pẹị ḅarịye, mịẹtẹ ọ́ sakị mẹmgba inetẹ KỊNỊNYANAḄỌ ọmịna Tamụnọ ḅe mangịma mẹ ḍawọ ḅarị ḅara.

Ditẹrọnọmị 14:24

KỊNỊNYANAḄỌ ọmịna Tamụnọ ḅe ó boma sakị, anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị tẹ ori ẹrẹ mẹ kẹ wẹrị ḅẹ anga mẹ, etela mẹ ọmịna aḅụụ ala ḅakam tẹ ọmịnị inetẹ ọ́ nyana-oyi-ḅụụ-gberie mẹ ọkị-ḅo-a ye-yọ mẹ ó sime anga ḅụ ala ḅakam ẹrẹsị ḅẹḅẹ, miemẹ mịẹẹ:

Ditẹrọnọmị 15:20

Anị anga mẹ tẹ KỊNỊNYANAḄỌ ḅe sẹlẹ-ọkị ḅarị anga ḅụ ọmịnị na, ọmịna warị-suku na kụra ḅụ KỊNỊNYANAḄỌ ọmịna Tamụnọ ḅe tọrọkọ anị pẹị ḅa.

Ditẹrọnọmị 16:11

anịsakị ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na, jen sịẹ ḅẹ igoniḅọ ḅe na, ḍa-na-iyingi-na-fịtẹ-awọmẹ ma na, diapụ-fịtẹ-ereme ma na tẹ ọmịna ogbo-ḅio simearị apụ ma na ḍereku ḅa anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị tẹ mịẹtẹ ori ẹrẹ mẹ sime ḅe anga mẹ ḅụ.

Ditẹrọnọmị 16:15

Ọ́ sọnọma aḍin kẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅẹ anga mẹ ḅụ kopini afịaị alalị mẹ fị ḅa; gbala KỊNỊNYANAḄỌ ọmịna Tamụnọ ḅe ọ́ mịẹ pakama-ḅo aị mamgba ḅụ na, ọmịnị ọmịna aḅara kẹ kọrị kọrịnama mamgba na ḅụ ó boma ḅa ẹrẹsị, mịẹtẹ arịmgba gboloma ḅụ ó ḍereku ḅẹ ḅara.

Ditẹrọnọmị 16:2

Anịsakị ọmịnị ọmịna anana na, oḅori na ogbo ḅụ, anịanịa nama ogbo mẹ ḅụ Saḅaḅọrọ-Alalị agba mẹ mịẹ KỊNỊNYANAḄỌ ọmịna Tamụnọ ḅe pịrị ḅa anị anga mẹ tẹ KỊNỊNYANAḄỌ ḅe sẹlẹ-ọkị tẹ mịẹtẹ ori ẹrẹ anị anga ḅụ sime ḅẹ anga mẹ.

Ditẹrọnọmị 16:6

kụma anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị tẹ mịẹtẹ ori ẹrẹ mẹ anịanga ḅụ sime ḅẹ anga mẹ mie ọ́ Saḅa ḅọrọ Alalị agba mẹ mịẹ ḅarịye, ḅoḅiri-so ịrụa mẹ tuuideriarị ogbo anị sakị mẹ tẹ ọmịnị Ijiputi ḅụ paka-ḅo sakị mẹ.

Ditẹrọnọmị 16:7

Anị anga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅarị anga mẹ ḅụ ọmịnị anị sọ tẹ pẹị ḅa, tẹ dede-ḅio ḅụ ó so ọmịna akpụrụ-awarị mu ḅa.

Ditẹrọnọmị 17:8

Ḅẹẹ ḅẹrẹ ḅẹrẹ ọmịna ama ma ḅio saakịm tẹ ọ́ kọọn ḅẹ-ḅiiarị — anị ḅọrọ gbọrụ kịnị-ḅa jen kịnị-ḅa ḅụ kịrị-ḅele ḅara-o, anịanịa gbọrụ oloko ḅẹ karakara jen oloko ḅẹ karakara ḅụ kịrị-ḅele ḅara-o, anịanịa gbọrụ kịnị fomu-ḅara jen kịnị fomu-ḅara ḅụ kịrị-ḅele ḅara-o — tẹ anị ọmịna aḅụụ kụrọ ḅaka-ḅaka, anịrẹ ọ́ saakị iwo anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅẹ anga mẹ mu ḅa,

Ditẹrọnọmị 18:6

Livayị furo ḅẹ gbọrụḅọ, ọmịna ama ma ḅụ Izirẹlị ḅẹ ama mamgba ḅụ, ḅẹẹ ama ḅẹẹ ama ḅụ ò simearị tẹ anị anga sime tẹ ḅo ḅoo, tẹ inetẹ ò ḅii sakị ḅụ anị anga mẹ tẹ KỊNỊNYANAḄỌ ḅe sẹlẹ-ọkị ḅẹ anga mẹ ḅom,

Ditẹrọnọmị 26:2

ọmịnị ama tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ ḅẹ kiri mẹ ḅio ḅẹ tarị sịnmgbọlụ mamgba ḅụ ḅẹ jaị kẹ kana ḅio sụa, tẹ ọmịnị anị kẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị tẹ ori ẹrẹ anịanga sime ḅa ḅẹẹ anga mẹ mu ḅa.

Ditẹrọnọmị 31:11

Izirẹlị mẹmgba ḅo anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅẹ anga mẹ ḅụ, ọ̀ tọrọkọ, ḅụụ kẹ ò ḍie ḅarị sakị mẹ ḅụ, ọmịnị Izirẹlị mẹmgba tọrọkọ ịn naarị ḅara kẹ mị Oloko mẹ go ḅa.

Kọlọsị 2:9

Kẹ gotẹ ọkọ ḍukoarị, bebe Tamụnọ sime-ḅara mẹmgba Kịrayịsị ḅụ angarị, ori tomḅọ ḅara ḅụ,

Hiburu 12:22

Anie nakara, ó ḅo la anga anie Zayọnị Tụndụ, ḍumo wararị Tamụnọ ḅe opu ama mẹ So-ḅio ḅẹ Jeruselemu mẹ, tẹ kịẹnkịẹn-ọkụ-ofori enjẹlị ogbo emi anga mẹ.

Jọsụwa 18:1

Anịtẹso bebe Izirẹlịapụ ma tomina-ogbo mẹ nwẹnị ḅo kobiri Silo ḅụ, ama mẹ ịna tọrọkọ ḅụ sịḅị-tuu tẹso, tẹ nwẹnị ịn kobiri ḅarị Akpụrụ-warị nama anịanga ḅụ.

Jọsụwa 22:11

Kirikọn Izirẹlịapụ ma naam mịnẹ Rubẹnị furo-ḅẹ-apụ ma na, Gadi furo-ḅẹ-apụ ma na, Manasẹ furo mẹ kẹ maa anga ḍiya ḅẹ gbọrụ pakịrị mẹ na Gẹlịlọtị ḅụ, Kenanị sẹ mẹ agara, Jodanị ye-yọ mẹ ḅiri sime Izirẹlịapụ ma pịrị anga ḅụ gbọrụ agbamịẹ-anga nama tẹẹ.

Jọsụwa 9:27

Kụma Jọsụwa anị ene mẹ ḅụ ịn mịẹtẹ ịn fịnị pẹlẹ apụ na, minji ḍuu apụ na sọ tomina-ogbo mẹ na, KỊNỊNYANAḄỌ ḅe agbamịẹ-anga mẹ na pịrịm, miemẹ ọkọ mịẹ tọrọkọ-tọrọkọ mu ḅo mịmgba sọ la ḅa KỊNỊNYANAḄỌ ḅe sẹlẹ-ọkị ḅarị anga ḅụ.

Mịẹfinji 14:1

Anịtẹso à ḍiki tẹ ẹrịm, Anana Tụḅọ ḅe Zayọnị Tụndụ mẹ ọgọnọ sịẹ wararị, tẹ ori atomi, kịnị maa puku fa si ma sọ ori na sịẹ simem, tẹ inimgba, ori ẹrẹ na ọ̀ Ḍa ẹrẹ na, ịna fụḅara ḅọkọ kẹẹ wararị.