Ditẹrọnọmị 12:3 - FỊAFỊA BAỊBỤLỤ

³ Ọmịnị ịna ebeka ma kaan-sara ḅa, tẹ ịna ịḅalị ma kẹ jen-jen fomu pakịrị-pakịrị puu ḅa, tẹ fịnị kẹ ịna oru-tamụnọ ịn kẹ Asirimu sịn ye mẹ dọkịma ḅa; ịna oru-atamụnọ ma tẹ ịn kẹ ye kịkama tẹmẹ-aị ma pẹlẹ-gbin tẹ anịjụ mẹ ḅụ anị ẹrẹ fama ḅa.

Ditẹrọnọmị 12:3 Iomraidhean Croise

1 Amadapụ 14:15

Ọkị tọrọkọ mu ḅụ, KỊNỊNYANAḄỌ ḅe Izirẹlị mẹ fomu tẹ á minji ḅio so-paka kpọ-a sịn jike ḅara jike ḅa, tẹ Izirẹlị soku-siin ḅa mị iḅi ama mẹ tẹ ọ̀ kẹ ịna aḍapụ ma pịrị ye mẹ ḅụ, tẹ in gala-galama Yuferetisi mẹ saḅama ḅa, gbala ịn Asịra kẹ ịna ere-oru mịẹ ye ḅụ in KỊNỊNYANAḄỌ ḅe ịganị sịn-saakịma tẹ ẹrẹsị.

1 Amadapụ 15:13

Ọ̀ nwẹnị pịkị ori opu-iyingiḅọ Mahaka dee-siin amadaḅọ iyingiḅọ kiri ḅụ, gbala arị Asẹra, tọn-tọn oru mẹ kara koroma ye ẹrẹsị; Asa nwẹnị á kpokobia mẹ pẹlẹ-gbin tẹ Kidirọnị ḍawa mẹ ḅụ anị dọkịma.

2 Amadapụ 11:18

Anịtẹso ama mẹ ḅio ḅe atomi mamgba nwẹnị Balị warị mu tẹ anị kan sara; ori ebeka ma na, ịn kẹ ọ̀ kịkama tẹmẹ-aị ma ịn kẹ pakịrị-pakịrị puu famam, tẹ nwẹnị Balị oru-alaḅọ Matani ḅaa ebeka ma tọrọkọ. Agbamịẹḅọ ḅe nwẹnị kịnị kẹ koroma tẹ KỊNỊNYANAḄỌ ḅe warị mẹ ḍikiḍiki.

2 Amadapụ 18:4

Ò gele ayeyọ — oru mịẹ apụ ma tẹkẹarị anga — ma kan siinm, ịna ịḅalị ma anyịma, tẹ Asẹra oru-fụḅara mẹ pẹlẹ-gbinm. Ọ̀ nwẹnị ojo oronwi tẹ Mozizi tẹmẹ ye mẹ anyịma kọsịma, ọkị mu arị ene ma la sọ Izirẹlịapụ ma kụnụaị dọkịma dọkịma anị pịrịarị; ini anị sịnm Nehusutanị.

2 Amadapụ 23:14

Ọ̀ nwẹnị ịḅalị ma kẹ pakịrị-pakịrị puu, tẹ Asẹra fụḅara mẹ pẹlẹ-gbin tẹ tomina mgbe kẹ arị sime akiri ma sara ḅinma.

2 Paka-aị 14:2

Asa KỊNỊNYANAḄỌ ọ̀ Tamụnọ ḅe ḍiki-tọrụ ḅụ iḅiye na, kuraye na mịẹm.

2 Paka-aị 14:3

Ori igoni ebeka ma na gele ayeyọ ma na saakị siinm, tẹ ịḅalị ma anyịma.

2 Paka-aị 19:3

Anịsọ ị́ ḅụụ ini iḅi ḍọkị-ẹrị wararị, kẹ gotẹ ọkọ ḅẹẹarị, ị́ Asẹra ẹrẹḅọ-oru ma ị́ nwẹn sima fama ama mẹ ḅio, tẹ ị́ ḅioḅẹngbọ kẹ Tamụnọ ḍọkị ọgọnọ gbana tẹ.”

2 Paka-aị 31:1

Mịọkụ mịẹ mẹmgba fa fama tẹso, Izirẹlịapụ mamgba tẹ sime apụ ma paka Juda ḅẹ opu ama ma mum tẹ ịḅalị ma anyịma tẹ arị kẹ pakịrị-pakịrị puu, tẹ nwẹnị Asẹra oru-fụḅara mẹ pẹlẹ-gbin tẹ gele ayeyọ ma na, ebeka ma na kan sara Juda mẹmgba na, Benijamịnị na ḅụ, na Iferemu na Manasẹ na ḅụ nwenii ini arịmgba sima famam. Anịtẹrẹmẹ Izirẹlịapụ mamgba pịkịma-so ịna opu ama mum, ọrụḅọ-ọrụḅọ nwẹnị mḅọ nyana ye ḍọkụma-mu.

2 Paka-aị 34:3

Kẹ gotẹ ọkọ ḅẹẹarị, ori ama-da tẹ nine akụra karama kụra ḅụ, ọ̀ paa owiḅọtụḅọ ḅụ emi ogbo ọ̀ saakị ọ̀ ḍa Devidi Tamụnọ ḅe ḍọkịm; tẹ oyi maa kụra finji karama kụra ḅụ, ọ̀ saakị Juda na, Jeruselemu na ḅụ gele ayeyọ ma na, Asẹra oru ma na, in ye kịkama ḅara kẹ kara na tẹmẹ wararị aị ma gbọrsịḅị arị sịkịrị siin famam.

Devidi-Anume 16:4

Mangị-mangị oru-atamụnọ dama-muarị apụ ma, tọnwa ḅụụ-fụka dogi-ḅo ịna aḅụụ pịrịarị. Àrị ini na sọ tẹ ịna agba ma mịẹ ḅịa, à pịkị ịna oru-atamụnọ ma tẹkẹ ḅịa.

Paka-so 23:13

Ọmịnị àrị ọ́ ḅẹẹ aị mamgba kẹ elekima sụa tẹ mịẹ. Anịsakị ọmịnị oru-atamụnọ ẹrẹ sịn tẹ ịn tẹkẹ ma, anịanịa ọmịna ḅịḅị ḅụ kịnị ọkọ kịkama ye naa.”

Paka-so 23:24

ọ́ sịḅị-tuu ịna oru-atamụnọ ma pịrị, anịanịa, fịrịmẹnjị ịn pịrị, anịanịa ini ịna akọrịnama kọrịarị ḅara kọrị ma, kụma ọmịnị ịkatakirikọn-a-ḅara kẹ ịn saakị sin, tẹ ịna ịḅalị ma kẹ pakịrị-pakịrị puu ḅa.

Paka-so 34:13

Ọmịnị ịna ebeka ma kan-sara, tẹ ịna ịḅalị ma anyịma sara, tẹ ịna ere-oru Asirimu ma pẹlẹ-gbin ḅa.

Ayịzaya 27:9

Kụma ịn Tamụnọ nimi-a apụ ḍụḅarị agbamịẹ-anga ma kẹ toru gbẹẹ ḅara gbẹẹ kọsịma, tẹ ịn kẹ kụnụaị dọkịmarị ayọ ma na, anịanịa ere-oru fụḅara tẹ ịn kẹ Asịra sịn ye mẹ na ḅarị ofori tẹrẹmẹ, mie arị Izirẹlị asi ma wẹrịso ḅarịye.

Jerimaya 17:2

Ị́ atomi agbamịẹ-anga suku na, elekima kẹ sụa wẹrị wararị ayọ ma na, ḍumo wararị sịn goyegoye suku na, tụndụ ma ọgọnọ na sunsin Asịra nwẹn-sịn ẹrẹḅọ-oru ma pịrịarị,

Hosiya 2:17

À ḍụkụ tẹ á ḅarị jen kẹ ḅịḅị kẹ Balị ẹrẹ go ḅịa.

Mayịka 5:14

Anịsakị àrị ọmịna ogboku ḅụ Asịra, Ere oru fụḅara mẹ soku siin, tẹ ọmịna opu ama ma fama ḅa.

Zẹkaraya 13:2

Anị ene mẹ ḅụ, àrị amakiri mẹ ḅụ oru-afụḅara ẹrẹ ma saakị siin ḅa, tẹ gbọrụḅọ-sọ ḅarị jen kẹ ịn kẹ ḅiokoroma ḅịa. Ịkịankoroḅọ kẹ amịna ḅụụ ọkịarị ḅọ goḅọ-goḅọ, arị mḅọ na mịẹ ye nyana ḅịa, tẹ oru-afụḅara tẹkẹ ḅioḅẹngbọ mẹ ọkị so ḅa.

Kịẹn-aḅịḅị 33:52

anịtẹrẹmẹ mie ọmịnị ama mẹ ḅe apụ mamgba dee pakama ḅarịye ọmịna tọrọkọ ḅụ, tẹ ịna ḍụḅarị akpokobịa mamgba na, ini ikulele kẹ tẹmẹ oru mẹmgba na ḅaa kọsịma, tẹ pịkị ịna gele ayeyọ (oru-awarị) mamgba kan-sara ḅarịye.

Ditẹrọnọmị 12:4

Ọmịnị ọkọ kẹ sunsin KỊNỊNYANAḄỌ ọmịna Tamụnọ ḅe pịrị ma.

Ditẹrọnọmị 7:25

Ịn kẹ ye kịkama tẹmẹ wararị ịna oru-atamụnọ ma ọ́ fịnị kẹ arị dọkịma ḅa, arị ọgọnọ simearị seleḅa, anịanịa golu mẹ ọ́ nwẹn mọnị ma, anịanịa arị ọkị ọmịna aḅụụ pịrị; anieofori anị ḅofa ḍiein sọ tẹ ó tuu koroma; kẹ gotẹ ọkọ ḅẹẹarị, anị tọn-tọnye sọ KỊNỊNYANAḄỌ ọmịna Tamụnọ ḅe pịrị wararị.

Ditẹrọnọmị 7:5

Kụma mị-ḅara mie ọ́ kẹ ini na mịẹ ḅarịye: ọmịnị ịna ebeka ma kan-sara, tẹ ịna ịḅalị ma kẹ ye fomu pakịrị-pakịrị puu, tẹ ịna oru-fụḅara Asirimu pẹlẹ-gbiin, tẹ fịnị kẹ ịn kẹ ye kịkama tẹmẹ ḅụụ pịrị aị ma dọkịmaa.

Mịẹfinji 13:1

Anịtẹso à nwẹnị kịnị-ḅaaḅa gbọrụ opu nama ẹrị, ori abajị ogboku sime tẹ paka-ḅoarị. Sọnọma asịḅị na oyi ịfalị na ọ̀ nwẹn sụam; ịfalị ma gberie, gberie ọgọnọ ama-da sun emi, tẹ sịḅị ma ḅụ gberie, gberie ọgọnọ ịn Tamụnọ fie-sima ẹrẹ kẹ kẹẹ wararị.

Ḅẹrẹkọn-apụ 2:2

anịsakị ọ́ ḅarị mị ama mẹ ḅẹ apụ ma na ọḅọkụ fị ḅịa. Ọmịnị ịna ebeka ma kan sara ḅa. Kụma à tọn ọ́ pịrị ye mẹ ó poki-a. Ọ́ nwẹn mịẹ ye mẹ ó tiye mịẹ?