Ditẹrọnọmị 12:2 - FỊAFỊA BAỊBỤLỤ

² Tụkụma ḅara ḅụ opu asịẹ ma tẹ ọ́ ḅara ḅụ ịn nyana aị ọkị ḅarị apụ ma, gele tụndụ ma ọgọnọ na, tụndụ ma ọgọnọ na, eleleinda tọrụ sụa opu asịn goyegoye suku ịn fịrịmẹnjị pịrị sime ịna oru-atamụnọ ma sime anga mamgba ó sima fama ḅa.

Ditẹrọnọmị 12:2 Iomraidhean Croise

1 Amadapụ 14:23

In gbala gele anga sọ nama ịna ḅụụ pịrịm, ịḅalị pike, Asịra fụḅara mịẹ koroma gele tẹ tụndụ ọgọnọ goyegoye ḅụ na, eleleinda-tọrụ ḅịa opu sịn suku goyegoye ḅụ;

1 Amadapụ 3:2

Gbọrụ tẹkẹ-warị sọ amụ nama tẹ kẹ KỊNỊNYANAḄỌ ḅe pịrị-a, ọkọẹrẹsị tomi ma paa kịrị-kịrị tọnwa agbamịẹ-anga ḅụ agba mịẹ KỊNỊNYANAḄỌ ḅe pịrịarị.

2 Amadapụ 11:18

Anịtẹso ama mẹ ḅio ḅe atomi mamgba nwẹnị Balị warị mu tẹ anị kan sara; ori ebeka ma na, ịn kẹ ọ̀ kịkama tẹmẹ-aị ma ịn kẹ pakịrị-pakịrị puu famam, tẹ nwẹnị Balị oru-alaḅọ Matani ḅaa ebeka ma tọrọkọ. Agbamịẹḅọ ḅe nwẹnị kịnị kẹ koroma tẹ KỊNỊNYANAḄỌ ḅe warị mẹ ḍikiḍiki.

2 Amadapụ 16:4

Ori agba mịẹtẹ kụnụaị dọkịmam gele ayeyọ ma na, tụndụ ma na ọgọnọ ḅụ na eleleinda tọrụ sụa opu sin goyegoye suku ḅụ na.

2 Amadapụ 23:13

Amadaḅọ ḅe nwẹnị pịkị amadaḅọ Sọlọmọnị Izirẹlị ḅẹ amadaḅọ ḅe Jeruselemu ḅụ ịrụa-saakịarị-anga na, ịn kẹ Kịnị Sima Tụndụ “Koropusiyoni Tụndụ” sịn anga ḅẹ ideri pakịrị ḅụ nama kẹ Asịtatị pịrị Sidọnị ḅẹ apụ tọn-tọn oru pịrị gele-ayeyọ ma pilema.

Devidi-Anume 78:58

Oru tẹkẹ-ayọ tẹ ịn nama ḅụụ pịrị-aị ma ori ịganịmam, ini oru-afụḅara tẹmẹ ye mẹ pịkị kpọma ori ịganị owimam.

Paka-so 23:24

ọ́ sịḅị-tuu ịna oru-atamụnọ ma pịrị, anịanịa, fịrịmẹnjị ịn pịrị, anịanịa ini ịna akọrịnama kọrịarị ḅara kọrị ma, kụma ọmịnị ịkatakirikọn-a-ḅara kẹ ịn saakị sin, tẹ ịna ịḅalị ma kẹ pakịrị-pakịrị puu ḅa.

Ayịzaya 36:7

Asiriya ḅẹ opu fịrịmẹnjịḅọ ḅe ẹkwẹn tọrọkọ mum, “Anịanịa ó ḍuko ị̀ pịrị ḅẹ mịnẹ ọ́ KỊNỊNYANAḄỌ, ọmịna Tamụnọ ḅe sịrẹrẹ wararị? Ori KỊNỊNYANAḄỌ ḅe tẹkẹ, tẹkẹ ayọ na agbamịẹ-anga ma na mie Hẹzịkaya kan-sara ye, ò ḍuko Juda na Jeruselemu ḅẹ apụ pịrị sakị mịnẹ ọ́ mị agbamịẹ-anga mẹ ngẹrị suku sunsin Tamụnọ pịrịị.

Jerimaya 17:2

Ị́ atomi agbamịẹ-anga suku na, elekima kẹ sụa wẹrị wararị ayọ ma na, ḍumo wararị sịn goyegoye suku na, tụndụ ma ọgọnọ na sunsin Asịra nwẹn-sịn ẹrẹḅọ-oru ma pịrịarị,

Jerimaya 2:20

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Izirẹlị, iḅere-iḅerea kụra ḅio ị́ ị̀ ḅẹrẹtọn kụrọ mẹ sịkịm; ị́ ḍụkụ tẹ ị̀ ḅịḅịpoki tẹ sunsin ị̀ pịrị-a. Gele tụndụ ọgọnọ goyegoye ḅụ pịkị ḍumo wararị sịn goyegoye suku ḅio í sunsin fịaị pakama-ḅo ḅa nwẹn ḅẹẹ atamụnọ pịrịm.

Jerimaya 3:13

Ị́yẹrị paa minini mịnẹ í siye mịẹ tẹẹ, mịnẹ ị́ kọngọ kụrọma KỊNỊNYANAḄỌ ị́ Tamụnọ pịrị tẹẹ. Ḍuko pakama mịnẹ ịwọ sịn goyegoye suku ị́ ị̀ ḅẹlẹma kẹ jen asịẹ ḅẹ atamụnọ pịrị tẹẹ, ị́ ị̀ tọn-aị ma mịẹ-a. Yẹrị KỊNỊNYANAḄỌ ḅe ọkọ ḅẹẹm.”

Jerimaya 3:2

Tọrụ sakị tẹ kẹ tụndụ ma ọgọnọ-jụ ḍikii. Gbọrụ anga tẹ amụ ị́ ama-mẹnjị-ẹrẹḅọ ḅara kẹ ḍumo kọn-a anga emi? Etela anga ḅụ sọ í sime tẹ oloapụ korum, anie Arabụ apụ ịkpa ḅio sime tẹ ịn ḅaa ḅẹ ḅara. Ị́ ị́ ama-mẹnjị mịẹ kẹ amakiri mẹ pilema tẹẹ.

Jerimaya 3:6

Josaya ama-daarị sakị ḅụ, KỊNỊNYANAḄỌ ḅe ị̀ ḅẹẹm, “Ị́ ẹrị tịya, Izirẹlị, anị si ẹrẹḅọ ma mịẹ tẹ ye? Árị ọḅụ pịkị ì gbin tẹ mẹnjị so tẹ, tụndụ goyegoye ọgọnọ na ḍumo wararị sịn goyegoye suku ḅụ na arị ama-mẹnjị-ẹrẹḅọ mịẹ-mịẹ ye mịẹ tẹẹ.

Hosiya 4:13

Tụndụ ọgọnọ-jụ ma tẹ ịn tọn-tọn ḅara wẹrị wararị ayọ ma ḅụ ini agba mịẹ-mịẹ-mịẹarị tẹ tụndụ ma ọgọnọ ḅụ ḅara wasamatẹ geletẹ asịn ma suku ịn kụnụaị dọkịmarị, anị sịḅị kikima tẹ dein wararị ẹrẹsị!” “Anị dogi-ḅo ye anie ọmịna eremịna-awọmẹ ma tẹkẹ-warị ḅẹ akụnakụna mịẹarị, tẹ ọmịna owiapụ-awọmẹ tapụ nwẹnị sẹfịarị.

Kịẹn-aḅịḅị 22:41

Anị ḅẹ ene-ḅaa ḅụ Balakị nwẹnị Balamụ ọkị tẹ ọ̀ kẹ Bamoti-balị ḅo; tẹ anịjụ ḅụ mie ori Izirẹlịapụ ma ḅụ kpeki-tẹịn apụ mẹ ẹrị ye.

Ditẹrọnọmị 7:5

Kụma mị-ḅara mie ọ́ kẹ ini na mịẹ ḅarịye: ọmịnị ịna ebeka ma kan-sara, tẹ ịna ịḅalị ma kẹ ye fomu pakịrị-pakịrị puu, tẹ ịna oru-fụḅara Asirimu pẹlẹ-gbiin, tẹ fịnị kẹ ịn kẹ ye kịkama tẹmẹ ḅụụ pịrị aị ma dọkịmaa.

Ḅẹrẹkọn-apụ 2:2

anịsakị ọ́ ḅarị mị ama mẹ ḅẹ apụ ma na ọḅọkụ fị ḅịa. Ọmịnị ịna ebeka ma kan sara ḅa. Kụma à tọn ọ́ pịrị ye mẹ ó poki-a. Ọ́ nwẹn mịẹ ye mẹ ó tiye mịẹ?