Ditẹrọnọmị 12:16 - FỊAFỊA BAỊBỤLỤ

¹⁶ Ọmbie mẹ kịngẹ mie ọ́ pẹị ḅịa ye; minji sara nguma ḅara.

Ditẹrọnọmị 12:16 Iomraidhean Croise

Suku-saakị 9:4

Ọ́ pẹị ḅẹ meni mẹ ḅẹ ḍumo anie anị ḅẹ ọmbie mẹ; ọ́ kẹ anị na sụa pẹị ma.

Izikẹlị 24:7

Kịnị-ḅa opu ama mẹ ḅio simem, kụma ọmbie mẹ ịn lịka kiri ọgọnọ ọsụma-a, anie fọọn inetẹ anị gbaịn ḅẹ anga; papaa ịkụ ọgọnọ mie anị sara ye.

Izikẹlị 33:25

“Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, ḍukoarị ye ḍuko ịn pịrị: Ọmịnị paa ọmbie nyana wararị nama pẹịarị. Ó sunsin oru-afụḅara pịrịarị. Ọ́ kịnị ḅaarị. Tiye ọ́ mịẹ tẹ ó kuromarị mịnẹ amakiri mẹ sime ọ́ pịrịm?

Lẹvitikọsị 19:26

“Ọmịnị ọmbie kẹ gbọrụ meni sọ na sụa pẹị ma. Ó ḍiri kọrị, anịanịa majịkị amịẹaị mịẹ ma.

Lẹvitikọsị 3:17

Miemẹ anị mịẹ-mịẹye sọ mu ḅẹẹ-sakị ḅẹẹ-sakị la ọmịna aḅụụ ḅụọ-fa-ḅụọ-paka pịrị ḅa, ọmịnị angarị anga mamgba ḅụ mịnẹ: ọ́ ḅẹlẹkị taḅa ma, ọmịnị ọmbie ḅuu anịanịa pẹị ma.”

Fịrịmẹnjịapụ 15:20

Anie nakara wa mịẹ na-iḅi ye, wa ḍiri kẹẹ ịn fịrịma ḅa, mịnẹ ịn ḅarị ịn kẹ oru pịrị tẹ ẹrẹsị fịafịa-a fịye fị ma; ịn pịkị ịna aḅụụ kẹ kura-a ḅara ḅụ owiapụ na ereme na gboloma ma ḅọrọ amịẹaị mịẹ ma; ịn fangala ḅaa tẹ nama na ibirim na pẹị ma.

Fịrịmẹnjịapụ 15:29

ịn kẹ oru pịrị tẹ fịye ọ́ fị ma; ọmịnị ibirim pẹị ma; fangala ḅaa nama ọ́ pẹị ma; ọ́ pịkị owiapụ na ereme na kura-a ḅara kẹ gboloma ma ḅọrọ amịẹaị mịẹ ma. Ọ́ ma ma mịẹ-a kụma, ye ọmịnị na iḅi ḅa. Iḅitẹịn kuroma wa nwẹn nyana ọ́ pịrịm.”

Ditẹrọnọmị 15:22

Ọmịna ama ma ḅio ọmịnị anị pẹị ḅa, ḅụụ wẹrị fịafịama-a ḅọ-o, ḅụụ wẹrị fịafịama ḅọ-o, gbala ḍuu, anịanịa ḅụọ ḅụ okuro sụa kala nama pẹị ḅara kẹ inetẹ anị pẹị ḅa.

Ditẹrọnọmị 15:23

Anị ḅẹ ọmbie kịngẹ mịẹ ọ́ pẹị ḅịa ye; ọmịnị anị kẹ minji sara nguma ḅara kẹ anị kẹ nguma ḅa kiri ḅio.

1 Timoti 4:4

Tamụnọ tẹmẹ ye goyegoye iḅim; tomḅọ sịkị ḅẹ ye ofori, kụma mḅọ inetẹ ḅẹẹye-ḅẹẹye fị ḅa, mḅọ Tamụnọ tẹkẹ tẹ ịmịẹtẹ ḅẹẹ tẹ ḅẹḅẹ,

1 Samụẹlị 14:32

Tomi ma nwẹnị ọmụ mẹ ḅio in koroma mangị aị ma fọịn ḅụ gbọrsịḅị fiin, tẹ anana amẹẹ na, pootẹ-anambulo na, opu anama ma awọmẹ na, fọịn ọkị tẹ kirikiri arị ḅaa; tẹ tomi ma nwẹnị ọmbie mẹ nama mẹ ḅụ emi ogbo anị pẹị.

1 Samụẹlị 14:33

Anịtẹso in nwẹnị ḍuko Sọlụ pịrị, “ḍikii, tomi ma KỊNỊNYANAḄỌ ḅe ḅụụ si mịẹarị, ọmbie kẹ nama na sụa pẹị ḅụ.” Sọlụ nwẹnị ḅẹẹ, “Ọ́ kịnị pikirima ḅara kẹ ye mịẹ tẹẹ, ọ́ gbọrụ opu ḍụḅarị mbelembele ḅo ị̀ pịrịị mịanga.”