Ditẹrọnọmị 12:11 - FỊAFỊA BAỊBỤLỤ

¹¹ anịtẹrẹmẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ tẹ mịẹtẹ ori ẹrẹ anịjụ sime ḅẹ anga mẹ, anịanga mẹ tẹ ọmịnị à tọn ọ́ pịrị aị mamgba: ọmịna dọkịma agbamịẹ-aị na, ọmịna agba ma na, ọmịna nyana-oyi-ḅụụ-gberie mẹ na, agba tẹ ọ́ mịẹ ḅẹ aị na, ịlọ tẹ ó minini KỊNỊNYANAḄỌ ḅe pịrị tẹ suma ḅẹ aị mamgba na kẹ ḅo ḅẹ anga mẹ.

Ditẹrọnọmị 12:11 Iomraidhean Croise

1 Amadapụ 12:27

Mịna atomi ma nwẹnị Jeruselemu mu tẹ anịanga Tẹkẹ-warị mẹ ḅio agba mịẹ KỊNỊNYANAḄỌ ḅe pịrị kụma, ini ịna sịḅị-tuu mẹ saḅama tẹ kẹ Juda ḅẹ Amadaḅọ Rihobohamụ pịrị ḅa tẹ ị̀ ḅaa ḅa tẹ Juda ḅẹ amadaḅọ Rihobohamụ ḍọkụma-mu ḅa.”

1 Amadapụ 8:13

Mịọkụ arị iḅi-fịtẹ Tamụnọ warị nama sịẹma ị́ pịrị tẹẹ, sime ị́ pịrị tẹ ị́ anga gbamaso ḅarị anga.”

1 Amadapụ 8:16

‘Àrị Ijiputi ḅụ ị̀ atomi ma pakama-ḅo kụra-ḅio amụ à gbọrụ opu ama sọ sẹlẹ ọkị-a Izirẹlị mamgba ḅụ Tamụnọ warị nama na-iḅi anga ịn sunsin ị̀ pịrị ḅarị anga. Kụma àrị ị́ sẹlẹ-ọkịm, Devidi, ị́ ḅẹrẹtọn ị̀ atomi ma pịrị ḅarị ḅara.’ ”

1 Amadapụ 8:29

Ḍin na eneḅaka na ḅụ ị́ tọrụ mị tẹkẹ-warị mẹ ḅụ simee, mị yọ mẹ tẹ ị́ sẹlẹ-ọkịm sunsin ị́ pịrị ḅẹ anga mẹ. Ị̀ naa, à tọrụ kẹ mị tẹkẹ-warị mẹ da tẹ tẹkẹ sakị, tẹkẹ sakị.

2 Amadapụ 18:22

“Kụma ị́ nwẹnị ị̀ ḅẹẹm, ‘Wa KỊNỊNYANAḄỌ wamịna Tamụnọ ḅe ḅụụ sịrẹrẹm’ ḅẹḅẹ — Hẹzịkaya kan siin gele ayeyọ ma na ebeka ma na nyana ḅọ ori ḅị Tamụnọ ḅe-a, tẹ Juda na Jeruselemu na ḅẹẹm, ‘Mị ebeka mẹ tọrọkọ mie ọ́ sunsin ḅarị ye Jeruselemu ḅụ?’

1 Paka-aị 22:1

Anịtẹso Devidi nwẹnị ḅẹẹ, “Mịanga ḅụ mie KỊNỊNYANA-TAMỤNỌ ḅe warị mẹ sime ḅarịye, anịsakị mịanga sime Izirẹlị dọkịma-agba mịẹ anga pịrị ḅa.”

2 Paka-aị 6:20

mịẹ tẹ eneḅaka na, ḍin na ḅụ ị́ atọrụngbọ ma finji mị warị mẹ da ḅarị ḅara, ị́ ẹrẹ mẹ sịẹma ḅẹ tẹ í minini tẹ anga mẹ, mịẹ tẹ ị́ fịrịmẹnjịḅọ tẹkẹ mị yọ mẹ pịrịarị ye mẹ ị́ anị naa ḅẹ ḅara.

2 Paka-aị 7:12

Anịtẹso KỊNỊNYANAḄỌ ḅe nwẹnị ḍin ḅụ ḅụụ kẹ Sọlọmọnị ḍie tẹ ọ̀ ḅẹẹ, “Àrị ị́ tẹkẹ naa tẹẹ, anịsakị à mị anga mẹ sẹlẹ-ọkị tẹẹ, agba mịẹ warị ḅara ḅụ.

Ẹzịra 6:12

Yee Tamụnọ ḅe tẹ mịẹtẹ ori ẹrẹ anịjụ sime ḅọ ḅe Amadaḅọ goḅọ-goḅọ, anịanịa ḅẹẹ-atomi-atomi tẹ ḅara kẹ miemẹ ḍima ḅụ su ḅọ su ḅọ, anịanịa mị Tamụnọ warị mẹ tẹ Jeruselemu ḅụ simearị ye mẹ kanḅọ-kanḅọ nẹngịmaa. Yẹrị Darịyọsị ḅẹrẹ mẹ tọnm; yee sakị fama-a ḅara ḅụ anị mịẹ.”

Devidi-Anume 100:2

Ó ḍereku ḅụ sunsin KỊNỊNYANAḄỌ ḅe pịrịị; ó ḅioḅẹlẹ anume su ma ọ̀ tọrọkọ ḅoo!

Devidi-Anume 116:17

Àrị ịmịẹtẹ agba mịẹ ị́ pịrị tẹ ị́ tẹkẹ ḅa.

Devidi-Anume 66:13

À dọkịma-agba-agba kẹ ị́ warị ḅo ḅa; Àrị à minini ye mẹ kẹ ị́ pịrị ḅa.

Devidi-Anume 78:68

Anie nakara ò Juda furo mẹ sẹlẹ ọkịm na Zayọnị Tụndụ mẹ na, anie ọ̀ kpọma ḅẹlẹmarị anga mẹ.

Paka-so 25:8

Anịsakị yee ịn fịafịa-yọ nama ị̀ pịrị, mịẹtẹ àrị ịna ogbo ḅio anga ḅarị ḅara.

Paka-so 29:45

Anịsakị arị Izirẹlịapụ ma ogbo-ḅio ḅụ anga ḅa, tẹ ị̀ na Tamụnọ sọ ḅa.

Jerimaya 7:12

Silo muu, à tarị sẹlẹ ọkịm in sunsin ị̀ pịrị ḅẹm nwẹn ḅẹẹ anga mẹ, tẹ à kẹ anị mịẹ ye ẹrị, ị̀ atomi Izirẹlị asi gotẹ.

Lẹvitikọsị 17:4

tẹ anị ọkị-ḅo tẹ kẹ ḍiepịrịye ḅara ḅụ Kobiri Akpụrụ-warị mẹ ḅọkọ ḅụ, Ọḅọkụ-Igbe koko Akpụrụ-warị mẹ tọrọkọ anị kẹ KỊNỊNYANAḄỌ ḅe pịrị-a ḅẹḅẹ ọmbie ọsụma ḅẹrẹ-ḅarasii anị tomḅọ ḅe ọgọnọ gbana ḅa, mḅọ ọmbie ọsụma tẹ, anịsakị anị tomḅọ ḅe ini mḅọ pẹlẹ-siin ḅa mḅọ atomi ogbo-ḅio ḅụ.

Ditẹrọnọmị 12:13

Ọmịnị ọmịna aḅụụ ẹbị mịnẹ ọ́ ḅẹẹ-anga ḅẹẹ-anga tẹ ọmịnị ẹrị anga, ẹrị anga ḅụ ọmịna dọkịma-agba ma mịẹ-a.

Ditẹrọnọmị 12:14

Kụma anịanga mẹ tẹ KỊNỊNYANAḄỌ ḅe ọmịna afuro ma ḅẹ gbọrụ furo ḅio ḅụ sẹlẹ-ọkị anga mẹ ḅụ, anịjụ mie ọmịnị ọmịna dọkịma-agba ma mịẹ ḅarịye, anịsakị anịjụ mie ọmịnị à tọn ọ́ pịrịarị aị mamgba mịẹ ḅarị ye.

Ditẹrọnọmị 12:18

Kụma KỊNỊNYANAḄỌ ọmịna Tamụnọ ḅe tọrọkọ mie ọ́ fị ḅarịye anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅarị anga mẹ ḅụ, ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, Livayị furo-ḅẹ-apụ tẹ ọmịna ama ma ḅio sime apụ ma na; anịsakị ọ́ KỊNỊNYANAḄỌ ọmịna Tamụnọ ḅe Tọrọkọ ḍereku ḅa ọ́ nyana tẹ mịẹ ye, mịẹ ye mamgba ḅụ.

Ditẹrọnọmị 12:21

KỊNỊNYANAḄỌ ọmịna Tamụnọ ḅe anịanga mẹ tẹ ọ̀ sẹlẹ-ọkị tẹ ori ẹrẹ kẹ sụa ḅẹ anga mẹ ọmịna aḅụụ ḅụ ala ḅaka-ḅaka, anịrẹ ọmịnị inetẹ ọmịna nama ogbo, anịanịa ọmịna anana na oḅori na ogbo tẹ KỊNỊNYANAḄỌ ḅe kẹ ọ́ pịrị tẹ aị ḅụ. À wẹrịtẹ tọn ọ́ pịrị tẹ ḅara, ọmịna ama ma ḅio ó ḅii ḅara, ḅii ḅara kẹ ḅẹ ye ḅẹ ye ḅaa tẹ pẹị lama ḅa.

Ditẹrọnọmị 12:26

Kụma fịafịa aị ma tẹ ọmịnị ọkị-ḅo ḅẹ aị ma na, ọ́ kẹ ịlọ suma agba mịẹ ḅẹ aị ma na, ọmịnị arị ọkị kẹ anịanga mẹ tẹ KỊNỊNYANAḄỌ ḅe sẹlẹ-ọkị ḅẹ anga mẹ mu ḅa,

Ditẹrọnọmị 12:5

Kụma ọmịnị ọ́ KỊNỊNYANAḄỌ ọmịna Tamụnọ ḅe furo-furo mamgba ḅụ sẹlẹ pakama-ḅo ḅarị anga mẹ tẹ ori ẹrẹ kẹ sụa tẹ anịjụ kẹ ò sime anga mịẹ ḅẹ ḅara ḍọkị ḅa, anịjụ mie ó mu ḅarịye,

Ditẹrọnọmị 14:23

Anịsakị KỊNỊNYANAḄỌ ọmịna Tamụnọ ḅe tọrọkọ mie, anịanga mẹ tẹ ọ̀ sẹlẹ-ọkị tẹ mịẹtẹ ori ẹrẹ mẹ anịanga ḅụ sime ḅarị anga mẹ ḅụ, ọmịnị ọmịna sịnmgbọlị mẹ na, ọmịna iru mẹ na, ọmịna pulo mẹ na, ọmịna anama ogbo mẹ na, ọmịna anana na oḅori na ogbo ma na, furo finji anama ma na, nyana-oyi-ḅụụ-gberie mẹ fị, anịanịa ḅuu, anịanịa taḅa tẹ pịkị pẹị ḅarịye, mịẹtẹ ọ́ sakị mẹmgba inetẹ KỊNỊNYANAḄỌ ọmịna Tamụnọ ḅe mangịma mẹ ḍawọ ḅarị ḅara.

Ditẹrọnọmị 15:19

Furo finji owi anama tẹ ọmịna nambulo na ọmịna anana na iyi aị goyegoye, ọmịnị arị mịẹ fịafịama KỊNỊNYANAḄỌ ọmịna Tamụnọ ḅe pịrị ḅa; ọmịnị ọmịna nama ogbo ḅụ furo finji anama ma kẹ gbọrụ kọrịnama sọ kọrị ma, pịkị anana na, oḅori na ogbo ḅụ furo finji anama ma oju ḅẹ isuke kịrị ma.

Ditẹrọnọmị 15:20

Anị anga mẹ tẹ KỊNỊNYANAḄỌ ḅe sẹlẹ-ọkị ḅarị anga ḅụ ọmịnị na, ọmịna warị-suku na kụra ḅụ KỊNỊNYANAḄỌ ọmịna Tamụnọ ḅe tọrọkọ anị pẹị ḅa.

Ditẹrọnọmị 17:8

Ḅẹẹ ḅẹrẹ ḅẹrẹ ọmịna ama ma ḅio saakịm tẹ ọ́ kọọn ḅẹ-ḅiiarị — anị ḅọrọ gbọrụ kịnị-ḅa jen kịnị-ḅa ḅụ kịrị-ḅele ḅara-o, anịanịa gbọrụ oloko ḅẹ karakara jen oloko ḅẹ karakara ḅụ kịrị-ḅele ḅara-o, anịanịa gbọrụ kịnị fomu-ḅara jen kịnị fomu-ḅara ḅụ kịrị-ḅele ḅara-o — tẹ anị ọmịna aḅụụ kụrọ ḅaka-ḅaka, anịrẹ ọ́ saakị iwo anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅẹ anga mẹ mu ḅa,

Ditẹrọnọmị 18:6

Livayị furo ḅẹ gbọrụḅọ, ọmịna ama ma ḅụ Izirẹlị ḅẹ ama mamgba ḅụ, ḅẹẹ ama ḅẹẹ ama ḅụ ò simearị tẹ anị anga sime tẹ ḅo ḅoo, tẹ inetẹ ò ḅii sakị ḅụ anị anga mẹ tẹ KỊNỊNYANAḄỌ ḅe sẹlẹ-ọkị ḅẹ anga mẹ ḅom,

Ditẹrọnọmị 23:16

ori ọmịnị na anga ḅa ọmịna ama ma ḅẹ gberie tẹ ọ̀ ḅụụ-ḅẹlẹ tẹịn tẹ ọ̀ sẹlẹ-ọkị ḅarị anga ḅụ ọmịna ogbo-ḅio ḅụ; ọmịnị ò ponoma ma.

Ditẹrọnọmị 26:2

ọmịnị ama tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ ḅẹ kiri mẹ ḅio ḅẹ tarị sịnmgbọlụ mamgba ḅụ ḅẹ jaị kẹ kana ḅio sụa, tẹ ọmịnị anị kẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị tẹ ori ẹrẹ anịanga sime ḅa ḅẹẹ anga mẹ mu ḅa.

Ditẹrọnọmị 31:11

Izirẹlị mẹmgba ḅo anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅẹ anga mẹ ḅụ, ọ̀ tọrọkọ, ḅụụ kẹ ò ḍie ḅarị sakị mẹ ḅụ, ọmịnị Izirẹlị mẹmgba tọrọkọ ịn naarị ḅara kẹ mị Oloko mẹ go ḅa.

Jọsụwa 18:1

Anịtẹso bebe Izirẹlịapụ ma tomina-ogbo mẹ nwẹnị ḅo kobiri Silo ḅụ, ama mẹ ịna tọrọkọ ḅụ sịḅị-tuu tẹso, tẹ nwẹnị ịn kobiri ḅarị Akpụrụ-warị nama anịanga ḅụ.

Jọsụwa 22:11

Kirikọn Izirẹlịapụ ma naam mịnẹ Rubẹnị furo-ḅẹ-apụ ma na, Gadi furo-ḅẹ-apụ ma na, Manasẹ furo mẹ kẹ maa anga ḍiya ḅẹ gbọrụ pakịrị mẹ na Gẹlịlọtị ḅụ, Kenanị sẹ mẹ agara, Jodanị ye-yọ mẹ ḅiri sime Izirẹlịapụ ma pịrị anga ḅụ gbọrụ agbamịẹ-anga nama tẹẹ.

Jọsụwa 22:16

“Mie KỊNỊNYANAḄỌ ḅe bebe tomina-ogbo mẹ ḅẹẹ ḅara, ‘Miemẹ anie tọ kịnị pikirima ḅara tẹ ọ́ kẹ Izirẹlịapụ tẹkẹarị Tamụnọ ḅe pikirima tẹ sịḅị-kụrọma KỊNỊNYANAḄỌ ḅe pịrị ḅụ mịmgba gbọrụ agbamịẹ-anga nama ọmịna aḅụụ pịrị tẹ mịmgba KỊNỊNYANAḄỌ ḅe ḍukamẹnjị ḅụ pịkị-soarị?

Jọsụwa 22:23

Wa gotẹ agbamịẹ-anga nama ye kẹ KỊNỊNYANAḄỌ ḅe ḍukamẹnjị ḅụ pịkị-so, anịanịa anị ọgọnọ ḅụ dọkịma-agba mịẹ, anịanịa mgbọlụ agba mịẹ, anịanịa dein-pịrị-agba mịẹ ḅẹḅẹ, yee KỊNỊNYANAḄỌ ḅe ḅioju ḅarana gbẹẹfị ḅii.

Jọsụwa 22:27

kụma wamịnị na, ọmịnị na ogboku ogbo-sịẹ ye sọ, pịkị wa ḅọrọtẹ so sakị, ḅụọ-ḅụọ ma ogboku ogbo-sịẹ ye sọ ḅẹ ḅara, mịnẹ wamịnị sọ wamịna dọkịma-agba ma na, agba mịẹ-aị ma na, dein-pịrị-agba ma na kẹ KỊNỊNYANAḄỌ ḅe fịrị mẹnjịm ọ̀ tọrọkọ ḅụ’; anieofori ọmịna awọmẹ ḅofa tọrọkọ ḅo ḅarị sakị ḅụ wamịnị ḅẹẹ, ‘Ọ́ KỊNỊNYANAḄỌ ḅe ḅụụ gbọrụ ḍiekiri sọ nyana-a.’

Jọsụwa 22:29

Yee anị paka-paka-a ye sọ wa pịrị, mịnẹ wa sịḅị-kụrọma KỊNỊNYANAḄỌ ḅe pịrị ḅa, tẹ KỊNỊNYANAḄỌ wamịna Tamụnọ ḅe agbamịẹ-anga mẹ tẹ Ọḅọkụ-Igbe mẹ Akpụrụ-warị mẹ tọrọkọ sịẹ wararị ye mẹ sikima, agbamịẹ-anga nama tẹ kẹ dọkịma-agba, anịanịa mgbọlụ agba anịanịa agba mịẹ pịrị ḅụ mịmgba KỊNỊNYANAḄỌ ḅe ḍukamẹnjị ḅụ pịkị-so ḅarị mẹ.”

Jọsụwa 9:27

Kụma Jọsụwa anị ene mẹ ḅụ ịn mịẹtẹ ịn fịnị pẹlẹ apụ na, minji ḍuu apụ na sọ tomina-ogbo mẹ na, KỊNỊNYANAḄỌ ḅe agbamịẹ-anga mẹ na pịrịm, miemẹ ọkọ mịẹ tọrọkọ-tọrọkọ mu ḅo mịmgba sọ la ḅa KỊNỊNYANAḄỌ ḅe sẹlẹ-ọkị ḅarị anga ḅụ.

1 Samụẹlị 1:21

Ẹlịkena nwẹn-sịn owiḅọ ḅe na, ọ̀ warị mẹmgba na nwẹnị kụra-kụra ḅe agba mẹ mịẹ, pịkị ò minini ịlọ suma ḅẹ mu.