Ditẹrọnọmị 12:10 - FỊAFỊA BAỊBỤLỤ

¹⁰ Kụma ọ́ Jodanị mẹ saḅa-ḅọrọ tẹ ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị sime ḅẹ ama mẹ ḅụ sime, tẹ ori ọmịnị ikelema-koro wararị ọmịnị na fịya-a apụ mamgba ḅụ ịnyọsara kẹ ọ́ pịrị, tẹ ọ́ kpaịnma sime sakị,

Ditẹrọnọmị 12:10 Iomraidhean Croise

1 Amadapụ 4:25

Ò ḍumo mu la sakị mẹmgba ḅụ, Juda na Izirẹlị na ikelema-koro Danị ḅụ ọkị mu Biyasẹba la, tomi mamgba gberie-sọ ḅụụ laa ḅara kẹ kpaịn simem, ọrụ furo-furo amịna kụrọ suku na amịna ịla suku na ḅụ simem.

1 Amadapụ 8:56

“Ọ́ KỊNỊNYANAḄỌ ḅẹ tokinii, oriḅe tẹ ọ̀ wẹrịtẹ dein kẹ ori atomi ma karịmam ọ̀ kẹ ịn pịrị ḅa ḅẹẹ tẹ kẹ ịn pịrị tẹ ḅọ ḅe. Ori ọ̀ fịrịmẹnjịḅọ Mozizi ḅụụ ḅụ ḅọrọtẹ ḅara sarasara ḅụ ò minini aị mamgba, ori arị mịẹ tẹẹ.

1 Paka-aị 22:18

“Ọmịna KỊNỊNYANA-TAMỤNỌ ḅe ori ọmịnị na ofori mọ? Anga-anga ḅụ amụ ò dein kẹ ọ́ pịrị-a? Kẹ gotẹ ọkọ ḅẹẹarị, ori ama mẹ nyana tẹ anga sime apụ ma kẹ ḅo ị̀ ḅara-ḅio su tẹẹ; tẹ ama mẹ ḅo KỊNỊNYANAḄỌ ḅe na, ori atomi na suku-ḅio sime tẹẹ.

Devidi-Anume 4:8

À koro mono ḅarị sakị, à dein ḅụ mono ḅọrọ so ḅa; ị́yẹrị kịngẹ, Yei KỊNỊNYANAḄỌ, paa iḅiọkụ ị̀ wẹrị kpaịnmaa.

Paka-so 33:14

KỊNỊNYANAḄỌ ḅe nwẹnị ḅẹẹ, “Yẹrị ḅarana ọmịnị na mu ḅa, anịsakị arị ịnyọsara kẹ ọ̀ pịrị ḅa.”

Egberima-Ẹkwẹn 1:33

Kụma ḅẹḅọ-ḅẹḅọ tẹ ì pokiarị ḅọ mẹ, mḅọ la ḅarịye ofori. Ò ye-ḅụụ-la-a ḅara kẹ kpaịn sime ḅa, ò gotẹ ḅalafa-fa ye ofori ḅara ḅụ.

Jerimaya 23:6

Ori ama-daarị sakị Juda ḅẹ apụ ma ye kẹ ịn lama ḅẹ ye ofori, tẹ Izirẹlịapụ ma dein ḅụ anga ḅa. Ịn kẹ ọ̀ sịn ḅarị ẹrẹ anie, ‘KỊNỊNYANAḄỌ ḅe anie Wamịna Ḅọrọma.’ ”

Jerimaya 32:37

À tomi ma kobiri ḅo ḅẹ-yearị, anie arị ì owi ịganị ḅụ ịn gala-galama mu asịẹ mamgba ḅụ, tẹ arị ịn kẹ pịkị mịanga ḅo ḅa, tẹ mịẹ tẹ ịn mị yọọ anga ḅa, kpaịn ḅara ḅụ.

Jerimaya 33:11

ḅioḅẹlẹ oloku na ḍereku na ere-ịya-alalị apọkọ fiearị ye na. Ọ́ kịnị nume-suarị ye naa ḅa, ini ị̀ warị ḅio ịmịẹtẹ ḅẹẹ agba mịẹarị ogbo. Ịn ḅẹẹ ḅa: Ịmịẹtẹ kẹ Kụrọmamgba nyana KỊNỊNYANAḄỌ ḅe ḅẹẹ, ori iḅim ẹrẹsị, tẹ ọ̀ ḅẹlẹma sime gbamasom! À mị amakiri mẹ mịẹ tẹ anị tarị-tarị anị lọkọlọkọ ḅara lọkọlọkọ ḅa. Yẹrị, KỊNỊNYANAḄỌ ḅe ọkọ ḅẹẹm.

Izikẹlị 28:26

Ini anị yọ ye-ḅụụ-la-a ḅara kẹ anga ḅa. Ịn warị nama-nama tẹ kụrọ aḍụọ-ḍụọ ḍiḅi ḅa. À fomu-ḅara kẹ ini na kpeki tẹ anga tẹ ḍiki-iderima ḅara kẹ ịn mịẹ apụ ma pịrị tẹ Izirẹlị ịn la-la ye ofori ḅara kẹ sime ḅa. Anịtẹso in nimi ḅa mịnẹ yẹrị anie KỊNỊNYANAḄỌ ịna Tamụnọ ḅe.”

Izikẹlị 34:25

À ye ịn la ḅịa ḅiokpọ kẹ ịn pịrị ḅarị ọḅọkụ kẹ ini na fị ḅa. À kịnị-ḅaaḅa si anama mamgba sikima fama ḅa amakiri mẹ ḅụ, mịẹ tẹ ị̀ anana ye-ḅụụ-la-a ḅara kẹ ḍụọ ḍiḅi akiri ma ḅio anga tẹ opu-apiri ma ḅio mono ḅa.

Izikẹlị 34:28

Oru nimi asịẹ ma ḅarị jen kẹ ịn fọịn ḅịa, tẹ piri-ḅio-ḅẹ si anama pịkị ịn ḅaa pẹị ḅịa. In ye-ḅụụ-la-a ḅara kẹ anga ḅa, tẹ gbọrụḅọ sọ ịna tẹmẹ-naịn-naịnma ḅịa.

Izikẹlị 38:11

Ị́ tọn-pẹlẹ tẹ ọmụ kẹ ḅarasụa nyana ḅẹḅẹ amakiri mẹ koro ḅa, anie tomi ma dein na ye-ḅụụ-la-a ḅara na kẹ anga ye mẹ, onu gbori-a ama ma tẹ ḅụụ-ḍụa ayọ nyana-a ama.

Izikẹlị 38:8

Tọnwa akụra ḅọrọtẹ so sakị, à tọn ọ̀ pịrị tẹ ori ọmụ kẹ bebe amakiri mẹ tẹ ịn tọnwa asịẹ ḅụ kobiri ḅo gboloma tẹ ini ọmụ ḅalafa ofori ḅara kẹ anga yọ mẹ koro ḅa. Ori ọmụ kẹ Izirẹlị ḅẹ tụndụ ma koro ḅa, anie papaa gbiin-koro sime tẹ kịnị anga-a tẹ alatẹ anga mẹ, kụma mịọkụ ḅụ kịnị mamgba ye ịn la-a ḅara kẹ angarị anga mẹ.

Ditẹrọnọmị 11:31

Kẹ gotẹ ọkọ ḅẹẹarị, sọ-mu ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ ọkị nyana mẹ ọ́ Jodanị mẹ saḅa-ḅọrọ ḅa; tẹ ọmịnị anị nyana, tẹ anị ḅio anga sakị,

Ditẹrọnọmị 3:27

Pisiga Tụndụ mẹ kpọlị iwo mu sịḅị mẹ la, tẹ tọrụ saakị ịrụa-ideriarị-anga na, ọgọnọ-jụ pakịrị na, suku-jụ pakịrị na, ịrụa-saakịarị-anga na daa tẹ ị́ atọrụngbọ kẹ anị ḍikii; kẹ gotẹ ọkọ ḅẹẹarị, ị́ mị Jodanị mẹ saḅa-ḅọrọ ḅịa.

Ditẹrọnọmị 33:12

Benijamịnị gbolomaye ḅụ ori mẹẹ: KỊNỊNYANAḄỌ ḅe ḅẹlẹmarị ḅọ ọ̀ ḅụụ ḅụ ò ye ḅụụ la-a ḅara angarị bebe ene mamgba ḅụ ori ọ̀ gbaịn ikelemarị, tẹ ori ò kuḅu ḅio angarị.

Ditẹrọnọmị 33:28

Mị-ḅara ḅụ Izirẹlị ye ḅụụ la-a ḅara angam, Jekọbụ ngụngụḅa mẹ ngẹrị simem, sịnmgbọlị na, iru na ama mẹ ḅio; tụkụma ḅara ḅụ ori aso ma igirigi saram.

Ditẹrọnọmị 4:22

Gbala à mị ama mẹ ḅio fịị nyanam, à Jodanị mẹ saḅa ḅịa ẹrẹsị; kụma ọmịnị saḅa-ḅọrọ ḅa tẹ anị iḅi ama mẹ ọkị nyana ḅa.

Ditẹrọnọmị 9:1

Yei Izirẹlị, ọ́ naa! mịmgba ọ́ mị Jodanị mẹ saḅa-ḅọrọ tẹ mu ḍụḅa ọ́ nẹngị pịkị ịnyọ nyana ọ́ nẹngị-nẹngịtẹ opu asịẹ ḅara ḅụ ịn nyana ye ọkị ḅẹ muarị, gburo-gburotẹ ini ọmụ gotẹ mịẹ kụrọma kụrọma mu so lama wararị opu ama ma.

Jọsụwa 11:23

KỊNỊNYANAḄỌ ḅe wẹrịtẹ ẹkwẹn kẹ Mozizi pịrị ḅara mẹmgba mie Jọsụwa bebe ama mẹ ọkị ḅara; tẹ Jọsụwa anị kẹ sime anga gotẹ kẹ Izirẹlị pịrịm furo-furo ma sime-ḅara ịn wẹrịtẹ ye ḍie ḍie ḅara ḅụ. Tẹ ama mẹ ọmụ ḅụ ịnyọsara nyanam.

Jọsụwa 14:1

Ma ma anie sime anga ma tẹ Izirẹlịapụ ma ọkị anga ma Kenanị ḅẹ ama mẹ ḅụ, aniemẹ tẹ Ẹlịyeza agbamịẹḅọ ḅe na, Jọsụwa Nọnị owiḅọtụḅọ ḅe na, Izirẹlị ḅẹ afuro ma ḅẹ ḍa awarị-warị asịḅịdapụ ma na ḍie ịn pịrị ye mẹ.

Jọsụwa 3:17

Izirẹlị mẹmgba saḅa-ḅọrọarị sakị agbamịẹapụ ma tẹ KỊNỊNYANAḄỌ ḅe Ọḅọkụ-Igbe mẹ dogi apụ ma Jodanị mẹ ogboku samụnọtẹ kiri ọgọnọ sịẹsime nwenii opu sịẹ mẹmgba Jodanị mẹ saḅa-koro famam.

Jọsụwa 4:12

Rubẹnị owiapụ-awọmẹ ma na, Gadi owiapụ awọmẹ ma na, Manasẹ furo mẹ kẹ maa anga ḍiya ḅẹ gbọrụ anga mẹ na, ọmụ-aị ọlọ tẹ mẹnjị kirikọn-apụ ma tọrọkọ ḅọrọm, Mozizi kẹ ịn ḅẹẹ ḅara ḅụ.

1 Samụẹlị 7:12

Anịtẹso Samụwẹlị nwẹnị gbọrụ ḍụḅarị ọkị tẹ anị saakị sịẹma Mizipa na, Sẹni na ogboku, tẹ nwẹnị Ebeniza kẹ ẹrẹ kẹ anị koro; gbala ori mẹẹ, “KỊNỊNYANAḄỌ ḅe mịanga ḅụ ḅarasụa wa pịrị tẹ.”