Ditẹrọnọmị 12:1 - FỊAFỊA BAỊBỤLỤ

¹ Ma ma anie kẹẹ wararị oloko ma na, kụrọ ḅara ḅio sime apụ sụa oloko ma na tẹ ama mẹ tẹ KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị tẹ ó tomikiri mẹ ḅụ ḍumo-sime wararị ene mamgba ḅụ ọ́ nyana ḅẹ ama mẹ ḅio ọ́ ḅụụ ẹbị-bịtẹ mịẹ ḅarị aị.

Ditẹrọnọmị 12:1 Iomraidhean Croise

1 Amadapụ 8:40

mịẹtẹ ị́ atomi ma sakị mẹmgba ị́ ḅịḅị poki ḅarị ḅara ini ị́ kẹ wamịna atẹngịapụ ma pịrị ama mẹ ḅio anga ḅarị ene mamgba ḅụ.”

Jobu 7:1

Tomikiri ḅụ tomḅọ nyana ye kụrọ fịrị mẹnjị anị-a, tẹ ori ene ma ọkọ-fịrịmẹnjịḅọ ene ma sime-ḅara sime-a?

Devidi-Anume 104:33

Ì ḍumo mamgba ḅụ à nume-su KỊNỊNYANAḄỌ ḅe pịrị ḅa; à ḍumo mu laa ḅiri laa ḅiri, à nume su-su ị̀ Tamụnọ ḅe tokini ḅa.

Devidi-Anume 119:5

À kpọma ḅiokpọ wararị mịnẹ à ḅioḅẹngbọ-kẹ-sịrẹrẹ-niḅi ḅara kẹ wa mịẹ ḅẹ tẹ í ḍuko aị ma koko ḅa.

Devidi-Anume 146:2

Àrị ò tokini ḅa à ḍumo mu laa ḅara laa ḅara; ì ḍumo-ene mamgba ḅụ à nume-su ị̀ Tamụnọ boma ḅa.

Izikẹlị 20:19

Yẹrị anie KỊNỊNYANAḄỌ ọmịna Tamụnọ ḅe. Ọmịnị ì oloko ma na à tọn-koroma-aị ma na poki tẹ mị.

Ditẹrọnọmị 11:32

ọmịnị ọmịna aḅụụ ẹbị ḅa, tẹ kẹẹ wararị oloko ma na, kụrọ ḅara-ḅio sime apụ sụa oloko ma na, tẹ mịmgba à kẹ ọmịna tọrọkọ koroma aị mamgba mịẹ ḅa.

Ditẹrọnọmị 12:19

Ọmịnị ọmịna aḅụụ ẹbị mịnẹ ọmịnị ọmịna ama ḅio simearị sakị goyegoye ó Livayị furo-ḅẹ-apụ ma sịkị-a.

Ditẹrọnọmị 3:18

Anịsakị mẹ ḅụ à tọn ịn pịrị tẹ ḅẹẹm: KỊNỊNYANAḄỌ wamịna Tamụnọ ḅe mị ama mẹ kẹ ó pịrị tẹ ọmịnị anị nyana-a; ọmịna owu-akọnịapụ mamgba owu aị kẹ ḅụụ-tẹlẹma tẹ ọmịna amịnapụ Izirẹlịapụ ma tọrọkọ tarị saḅa-ḅọrọ ḅa.

Ditẹrọnọmị 4:19

Anịsakị ọmịnị ọmịna aḅụụ ẹbị anieofori ó ḅofa ọmịna atọrụ saakị So daa, tẹ So-ḅio sime aị mamgba — ịrụa mẹ na, akalụ mẹ na, lolia ma na — ẹrị sakị ó ḅofa pịkị tẹ sunsin tẹ fịrịmẹnjị arị pịrị. KỊNỊNYANAḄỌ ọmịna Tamụnọ ḅe mịna aị ma kẹ bebe So mẹ suku-ḅio simearị asịẹ mamgba pịrị tẹẹ.

Ditẹrọnọmị 4:45

Mịna aị ma anie mịẹ tẹ ḍuko-pakama aị ma na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ Mozizi ḍuko Izirẹlị ḅẹ awọmẹ ma pịrị aị ini Ijiputi ama mẹ ḅio paka-ḅo sakị,

Ditẹrọnọmị 4:5

Ḍikii, KỊNỊNYANAḄỌ Ị̀ Tamụnọ ḅe tọn ị̀ pịrị ḅara ḅụ à kẹẹ wararị oloko na, kụrọ ḅara-ḅio sime apụ sụa oloko na kẹ ó toluma tẹ mịnẹ ama mẹ tẹ ọ́ sọ-mu ọkị nyana ḅẹ muarị ama mẹ ḅio ọmịnị arị mịẹ ḅa.

Ditẹrọnọmị 5:1

Mozizi Izirẹlị mẹmgba sịn kobiri tẹ ịn ḅẹẹm, “Izirẹlịapụ ó poki yee! Ọ́ kẹẹ wararị oloko ma na tọn-pịrị-aị ma na tẹ à mịmgba ọ́ naarị ḅara kẹ ḍuko ọ́ pịrịarị aị ma naa, anịsakị ọmịnị arị ḍawọ tẹ ḅụụ ẹbị-bịtẹ arị mịẹ ḅa.