Ditẹrọnọmị 11:9 - FỊAFỊA BAỊBỤLỤ

⁹ Mịẹtẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ ma na, ịna aḅụụ paka-ḅo apụ ma na pịrị ḅẹ ama mẹ ḅio ó ḍumo alama ḅẹ ḅara, anị ḅụụ-ḅẹlẹmatẹ iḅiọkụma fịye so-pakamarị amakiri mẹ ḅio.

Ditẹrọnọmị 11:9 Iomraidhean Croise

Paka-so 20:12

Ọmịnị ọmịna aḍapụ na ọmịna iyingiapụ na kụn, mịẹtẹ ọ́ nangwọ ḍumo kọn ḅẹ ḅara ama mẹ tẹ yẹrị KỊNỊNYANAḄỌ ọmịna Tamụnọ ḅe kẹ ọ́ pịrịarị ama mẹ ḅio.

Paka-so 3:8

Miemẹ gotẹ à kuro ḅo Ijiputi-ḅẹ-apụ ma aḅara ḅio ịn ḍụa pakama ḅa ḅo tẹẹ. Àrị in sakị pakama iḅitẹ wulala wararị sịẹ ḅo ḅa, anie ḅụụ-ḅẹlẹmatẹ iḅiọkụma fịye so-pakamarị amakiri mẹ. Anị sịẹ mẹ anie Kenanị apụ ma na, Itayịti apụ ma na, Amọrayịtị apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na angarị sịẹ.

Egberima-Ẹkwẹn 10:27

KỊNỊNYANAḄỌ ḅe ḅịḅị pokii, anịsakị í ḍumo nangwọ ḅa. Si-sịḅịḅio-sụapụ ma in ḍumo la ḅẹ sakị la-a ogbo fịị ḅa.

Egberima-Ẹkwẹn 3:16

Nimi nangwọ ḍumo kẹ ị́ daarị, pịkị pẹrẹ na kụn na sọ.

Egberima-Ẹkwẹn 3:2

Ì tolumaye mẹ nangwọ tẹ lọkọlọkọ ḍumo kẹ ị́ pịrị ḅa.

Egberima-Ẹkwẹn 9:11

Nimi ye kẹ í ḍumo mu la ḅarị akụra ḅụ sụa ḅa.

Izikẹlị 20:6

Anị ene mẹ ḅụ, à minini mịnẹ àrị ịn ọkị paka-so ḅa Ijiputi ḅụ, tẹ ịna tọrọkọ-sụn tẹ ịn kẹ mu à sẹlẹ ịn pịrịtẹ amakiri mẹ la ḅa, ḅụụ-ḅẹlẹmatẹ iḅiọkụma fịye so-pakamarị amakiri mẹ — kiri mamgba ḅụ iḅitẹịn amakiri mẹ.

Ditẹrọnọmị 1:8

Ḍikii àrị ama mẹ kẹ ọ́ pịrị tẹẹ; ọ́ sọ-muu, tẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ Ebira-amụ na, Ayịzịkị na, Jekọbụ na, ịn ḅọrọtẹ so ọkụma, kẹ ịna aḅụụ ḅụ paka-ḅo apụ ma pịrị nyana ḅẹ ama mẹ ọkị nyanaa.’ ”

Ditẹrọnọmị 11:10

Kẹ gotẹ ọkọ ḅẹẹarị, ama mẹ tẹ ọmịnị ọkị nyana ḅẹ muarị ama mẹ anị Ijiputi ḅẹ ama mẹ tẹ ó sime tẹ ḅo ama mẹ sime-ḅara sime-a, anịanga mẹ tẹ ọ́ sịnmgbọlị, ọgụ ḍụọ pembe ye ḍiḅi tẹ ḅụọ kẹ mẹnjị-mẹnjị tẹ minji kẹ arị suku sara sara ye mẹ;

Ditẹrọnọmị 11:21

Mịẹtẹ ọmịna ene ma na, ọmịna awọmẹ ene ma na sun ḅẹ ḅara ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ ma pịrị ḅẹ minini ama mẹ so ma kiri mẹ ḅẹ ọgọnọ-jụ ḅụ emi sakị goyegoye.

Ditẹrọnọmị 4:40

Anịẹrẹsị ọmịnị ori oloko kẹẹ wararị aị ma na, tọn koroma oloko ma tẹ mịmgba à tọn ọ́ pịrị aị ma na koko ḅa, mịẹtẹ anị ọmịnị na, ọ́ ḅọrọ tẹso, ọmịna awọmẹ na iḅi ḅẹ ḅara, mịẹtẹ ọmịnị ọmịna aḍin ma mịẹ nangwọma ḅe ḅara ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị gbamaso ama mẹ ḅụ.

Ditẹrọnọmị 5:16

Ọmịnị ọmịna aḍapụ na, ọmịna iyingiapụ na kụụn, yẹrị KỊNỊNYANAḄỌ ọmịna Tamụnọ ḅe wẹrịtẹ tọn ọ́ pịrị ḅara, mịẹtẹ ọ́ nangwọ ḍumo kọn ḅẹ ḅara ama mẹ tẹ yẹrị KỊNỊNYANAḄỌ ọmịna Tamụnọ ḅe kẹ ọ́ pịrịarị ama mẹ ḅio.

Ditẹrọnọmị 5:33

Etela mẹ tẹ KỊNỊNYANAḄỌ ọmịna Tamụnọ ḅe tọn ọ́ pịrị etela mẹmgba ḅụ mie ọ́ mẹnjị ḅarịye, mịẹtẹ ó ḍumo-sime, tẹ anị ọmịnị na iḅi ma mu, anịsakị ama mẹ tẹ ọ́ nyana ḅẹ ama mẹ ḅio ọ́ nangwọ ḍumo nyana ḅẹ ḅara.

Ditẹrọnọmị 6:18

Anịsakị ọ́ KỊNỊNYANAḄỌ ḅe ḍiki-tọrụ ḅụ kura-aị na, iḅi aị na mịẹ ḅa mịẹtẹ anị ọmịnị na iḅi ma mu ḅẹ ḅara, mịẹtẹ ọ́ sọ-mu iḅi ama mẹ tẹ KỊNỊNYANAḄỌ ḅe ye karị ḅara kẹ minini ọmịna aḍapụ ma pịrị ama mẹ ọkị nyana ḅẹ ḅara,

Ditẹrọnọmị 6:2

Mịẹtẹ ọmịnị na, ọmịna afuro ḅẹ apụ na ọmịna ḍumo-ene mamgba kẹ KỊNỊNYANAḄỌ ọmịna Tamụnọ ḅe mangịma ḅẹ ḅara, ọ́ kẹẹ wararị oloko ma na, ori oloko mamgba na tẹ à tọn ọ́ pịrị aị ma koko ḅụ; mịẹtẹ ọmịna ene ma nangwọ ḅẹ ḅara.

Ditẹrọnọmị 6:3

Yei Izirẹlịapụ, anịẹrẹsị ọ́ naa, tẹ ḅụụ ẹbị-ẹbị tẹ arị mịẹẹ, mịẹtẹ anị ọmịnị na iḅi ma-mu ḅẹ ḅara, mịẹtẹ KỊNỊNYANAḄỌ ọmịna aḍapụ ma sunsin pịrị Tamụnọ ḅe wẹrịtẹ kẹ ọ́ karịma tẹ ḅara, ó gburo-gburoma lolo-kama ḅẹ ḅara, anị ḅụụ-ḅẹlẹmatẹ iḅiọkụma fịye so-pakamarị amakiri mẹ ḅụ.

Ditẹrọnọmị 8:7

Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịnị ọkị-ḅo ḅuu-minji tụndụ ogboku na, tụndụ na ḅụ ngụngụḅa na, minji wara-warama sara tẹ tọnwa akuroro pakama wararị iḅi ama ḅio sụarị;

Ditẹrọnọmị 9:5

Ọmịna karakara, anịanịa ọmịna ḅioḅẹngbọ ḅụ ọ́ kọn karakara ḍumo gotẹ ọ́ sọ ịna ama mẹ nyana ḅẹ mu-a; kụma mịna opu asịẹ ma si-sịḅịḅio mie KỊNỊNYANAḄỌ ọmịna Tamụnọ ḅe gotẹ ọmịna tọrọkọ in dee pakamarị ye, mịẹtẹ ẹkwẹn mẹ tẹ KỊNỊNYANAḄỌ ḅe ye karị ḅara kẹ kọn ọmịna aḍapụ Ebira-amụ pịrị, Ayịzịkị pịrị, Jekọbụ pịrị ẹkwẹn mẹ ori anị mịẹ kụrọma ḅẹ ḅara.